Ɛfesùs 5:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Ghàyn e kɔ̂ŋɔ̀ ə̀zəyn ghaynghe ə ndômnə̀ kèpî èghɨ kə Klâys tè kɔŋ ndɛ ə̀ Fèzhə̀ ə fo ngɨŋ ə̂ vəyn se kwu kûmə̀ zə̂ynzè.

Ɛfesùs 5:25 ပူးပေါင်းရင်းမြစ်များ

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ngàleshyà 1:4

Klâys ə tə fo ngɨŋ ə vəyn ə kwuə kûmə̀ sèpi sə ghasènìse se sɔza ghâsènì fa ə mbi èpi, se nə̀yn eghɛ zɛ ə Zhə̀fè pɨ̀a ə̀ ghâsènì tè kyiŋə.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

Ɛfesùs 5:24

E za tyə̀nə̀ nə zənə kyi sə̂ ngɨmnə̂ ə̀ndom ə ghənə̂ kè əghɛ əkɨ̂m kèpi èghɨ kə ndɛ ə̀ Fèzhə̀ ngɨmnə̂ Klâys.

Ɛfesùs 5:28

E za nyi kepî kə wùə ndômə̀ kyi sə̂ kɔ̂ŋɔ̀ zhwiə vəyn kè eghɨ kə è kɔ̂ŋɔ̀ ngɨŋ ə vəyn. Ə wùə ndômə̀ sè kɔ̂ŋɔ̀ zhwiə vəyn, ə nyi mə è kɔ̂ŋɔ̀ ngɨŋ ə̀ vəyn.

Ɛfesùs 5:33

nâʼàpî ndè ə ghàyn əfètəyn kyi sə̂ pɔŋɔ kɔ̂ŋɔ̀ zhwîə vəyn kè eghɨ kə è kɔ̂ŋɔ̀ ngɨŋ ə vəyn, nâʼàpî ndè e pɔŋɔ ngɨmnə̂ ndom ə̀ vəyn.

Kòlosè 3:19

Ndomə ghàyn e kɔ̂ŋə̀ ə̀ zhwi ghaynghe, kə ghàyn ə zɔ sê ghənə.

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

1 Pità 3:7

Ndômnèghè, ghàyn è pɔŋə ndamə è zhwi ghaynghe ke nə ghənə tɛ va kə ghàyn. E za nyi nə, ghàyn kyi sə̂ tɔ̂ʼnə̀ è ghənə kûmə̀ nə Zhə̀fè tə tsɨ̂yntə̀ fo èndam zɛ ə ze tə mîə va kè sê ghàyn ə̀kɨ̂m. Ghàyn e ndamə nyiəmə kə ghàyn ə piə ə tsə̂mə̀ ndò, ghɛze e tâsə̀ va tsə̂m zaynze.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.