Ɛfesùs 5:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Ghàyn e ngɨmnə̂ sèngɨŋ saynse kûmə̀ nə ghàyn fànə̀ Klâys.

Ɛfesùs 5:21 ပူးပေါင်းရင်းမြစ်များ

1 Kɔlìŋ 16:16

ghàyn chumte ndom vɛ ə ghɨə chisə ə təyn nyiə kə ghɨnə mə, è nâʼàpî ndè vɛ ə è fɨaʼà yighə̀ ghənə.

2 Kolìŋ 5:11

Nyiəmə, ghàs ngɨmnə̂ ndò Zhə̀fè. Ə̀ za nyi eghɛ zɛ ə ghàs chyatə ghɨə nə ə pəyn sê Vəyn. Zhə̀fè nyîə ke ə̀ghɛ ə̀kɨ̂m kûmə̀ ghàs, m kwaʼtə̀ nə ə ghàyn ətəm, ghàyn pɔŋ fɛtê ke ndò ghàs.

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

Ngàleshyà 5:13

Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.

Ɛfesùs 5:22

Ghàyn e ngɨmnə̂ ə̀ndom ghanə ə zənə kèpi eghɨ kə ghàyn ngɨmnə Pɛ̂pɛ.

Ɛfesùs 5:24

E za tyə̀nə̀ nə zənə kyi sə̂ ngɨmnə̂ ə̀ndom ə ghənə̂ kè əghɛ əkɨ̂m kèpi èghɨ kə ndɛ ə̀ Fèzhə̀ ngɨmnə̂ Klâys.

Filìpây 2:3

Kə ghàyn ə nə ghɛghe kwaʼtə̀ kə sèngɨŋ saynse. Kə ghàyn nə nəyn èghɛ se tyə̀yn eghaŋsê ewìynze, pîza ghàyn nji ngɨŋ saynse əchi ə ndəm nə ghɨ mɔ̀ʼɔ nyiə kɔʼnə̂ tsɛ̂ ghàyn.

1 Timotì 2:11

Zənə kyi sə̂ zɨtə̂ ə̀ghɛ ghɛ ə zaʼlə sê ghənə kè àkyi àkyi, è ngɨmnêzè.

1 Timotì 3:4

Ə̀ kyi sə̂ nyi wùə fɛtə tɔ̂ʼnə̀ è ghɨə vəyn ghə ndɛghe. È kyi sə̂ nyi wùə ghɔ vəynghe ngɨmnə̂ vəyn, fɨnə zɨə se vəyn əghɛ ə̀kɨ̂m.

Ipilù 13:17

Ghàyn e zɨə se tu vaynve, kə ghàyn ə tɛ è tuke sê ghənə. Ghənə nyiə naynə̂ ghàyn kûmə̀ nə ghənə taŋə njo sê Zhə̀fè ə ghənə efɨ̀aʼ. Ə ghàyn zɨə sê ghənə, ə ghənə ə nə̂ èfɨ̂aʼ ətəyn è èsaŋnêzè, ə ghàyn sè tɛ è tuve, ə ghənə ə nə̂ èfɨaʼ ətəynze è təm ə tɨləghe, ə zɛ mə tàʼa tsàmtə ghàyn.

1 Pità 2:13

Ghàyn tsose ngɨŋ saynse ə chi ə zɨtə̂ se nâʼàpî ndè vɛ ə ghɨ ndəm nə è və saʼa ghàyn. Ghàyn e nə̂ nyiəmə se chùmtè eghɛ zɛ ə Pɛ̂pɛ tè nəyn. Ghàyn e zɨə fɔ̀yn è ghaʼa vɛ ə è saʼa ghɨghe əkɨ̂m,

1 Pità 2:17

Ghàyn e ngɨmnə̂ kə əghɨ ə̀kɨ̂m, kɔ̀ŋɔ̀ sèngɨŋ saynse kə ghɨ ə pomə, fânə̀ Fèzhə̀, fɨnə ngɨmnə̂ Fɔ̀yn Èghaʼâ vɛ ə è saʼa ghàyn.

1 Pità 5:5

Kwuŋte, ghàyn tsose ngɨŋ saynse əchi sə zɨə se chəʼse. Ghàyn maʼ ngɨmnêzè kə sendzɨs sefɨaʼase sə̂ fɨ̂aʼà sê ngɨŋ saynse kûmə̀ ŋwàʼlè ə̀ Fèzhə̀ nyi mə è zə pì nə, “Zhə̀fè pânə̀ əghɨ ghɛ ə ghe ghaŋsə wiynve, pîza è fo àfùʼ sê ghɨ ghɛ ə ghe ngɨmnə ngɨŋsə ghənə̂sè.”