Ɛfesùs 5:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

Ɛfesùs 5:2 ပူးပေါင်းရင်းမြစ်များ

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Njɔyn 13:34

M fo èsaʼ e feze sê ghàyn zôyn nə ghànə kɔ̂ŋɔ̀ sèngɨŋ saynse. Kè kə M kɔ̂ŋ ghàyn, ghàyn e kɔ̂ŋɔ̀ kəpî sèngɨŋ saynse.

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

Ŋwàʼlè ə̀ Pɔ̂l sê ghɨə Lûmghè 4:25

Ə̀ nyi Njisə̀s ə Zhə̀fè tè fo nə È kwu kûmə̀ ə̀ghɛ ə piə ghasènìghe. Zhə̀fè tè zòmse vəyn kə ghâsènì kyi ndomve sə̂ nyi chichi ə Vəyn əshi.

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

Ŋwàʼlè ə̀ Pɔ̂l sê ghɨə Lûmghè 8:37

Ngaŋngaŋ, ghɛ nə ghɨnə mə əkɨ̂m kyànə̀ ndò pîza, ghâsènì ə tɨm zhi tɔynə̂ sê Klâys vɛ ə È kɔ̀ŋə̀, tsâmtə̀, ghâsènì.

1 Kɔlìŋ 16:14

Ghàyn e nə̂ èfɨaʼ zaynze ekɨ̂m è kɔ̂ŋzè.

1 Kɔlìŋ 5:7

Ghàyn maʼa fèsə̀ʼ fe mɨ fɛ ə fe nyi ə ghàyn ə fètəyn, ə ghàyn kəmne ə nyi kə apayn ə kwaŋ ə fe kɛ ə ke kyi va fèsə̀ʼ kûmə̀ nə ə̀ nyi afɨa kɛ ə m ke nə ghàyn nyi kəynke. Klâys vɛ ə̀ nyi va ndzè èzaʼa tsɛ ə̀ ghâsènì nyi mə ə fo vəyn sə efo, nyiəmə, zhi azaʼatsɛ ə ghasènìke se nyi èpɨaʼtêzè.

2 Kolìŋ 2:14

Pîza, zɔ̀ŋnèkè nyi sê Zhə̀fè kə è zàŋsə̀ kwìə ndùə è ghâsènì è tyale tɔynə̂ ə Klâys se tyə̀yn nə ghâsènì ə tɨm zhi, tɔynə̂ ə ghàs, tom ə̀təyn e waŋə ndûə kə luʼ tekɨ̂m, ghɨ ghe kê Vəyn.

2 Kolìŋ 2:15

Kûmə̀ nə ghàs nyi kə endiŋ kə Klâys nyɔ̀ʼɔ̀ sê Zhə̀fè, zûʼə̀ ətəynke e kwiə ka əfètəyn ə̀ghɨ ghɛ ə Zhə̀fè sɔ̀zâ, è kɨsè ghɨ ghɛ ə ghe njîsə̀ ndûə.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Ngàleshyà 1:4

Klâys ə tə fo ngɨŋ ə vəyn ə kwuə kûmə̀ sèpi sə ghasènìse se sɔza ghâsènì fa ə mbi èpi, se nə̀yn eghɛ zɛ ə Zhə̀fè pɨ̀a ə̀ ghâsènì tè kyiŋə.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ɛfesùs 1:4

Tsɔ̀fə kə è pom mbi, ə̀ tè se nyi mə è və chɔʼtê ghâsènì tɔynə̂ ə Klâys nə ghâsènì tə pə̂ ə nyi əghɨ zoghe, kyi va tsasze ə Zhə̀fè əshi.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Ɛfesùs 3:19

Ghàyn nə ke nə kɔ̂ŋ ə vəynze ə tsɛ̀ tɔfe, kə ghàyn ghəʼne kwəyn ə ndamə èndam ə Fèzhə̀zè kè nâʼà àchûŋ.

Ɛfesùs 4:15

Ə ghâsènì pɨlə wàmnə̀ kə səmɔʼ tyə̂nə̀ èkɔ̂ŋ, ə ghâsènì ndəmə ke ndom tekɨ̂m ə nyi kə Klâys vɛ ə è nyi atu sê ghâsènì.

Ɛfesùs 4:2

Ghàyn nə ngɨmnə̂ sengɨŋ saynse, pɔynə̂ fɨnə wəynsə̂ èwiyn, lɛ̂sə̀ sètsas saynse kûmə̀ èkɔ̂ŋ.

Ɛfesùs 5:15

Ghàyn ə tɔ̂ʼnə̀ endom vɛ ə ghàyn ndamə ətəyn. Kə ghàyn nə ndamə kə engô, ghàyn e ndamə kə əghɨ ə tɔfəghe.

Ɛfesùs 5:25

Ghàyn e kɔ̂ŋɔ̀ ə̀zəyn ghaynghe ə ndômnə̀ kèpî èghɨ kə Klâys tè kɔŋ ndɛ ə̀ Fèzhə̀ ə fo ngɨŋ ə̂ vəyn se kwu kûmə̀ zə̂ynzè.

Filìpây 4:18

M pîə sê ghàyn zôyn nə mə kotê nâʼà fɨave ekɨ̂m vɛ ə ghàyn tè tom, ə kyiə kwəynsə̂ pi və mɔ̀ʼɔve. Èpàfàlonditùs ə tə pə̀yn nâʼà pî è ghè vɛ ə ghàyn tè fo nə è pəyn fo sê mi. Fɨa nə vɨ̂yn nyi kə emaʼte, è foze kə fo sê Zhə̀fè, ve lɨ̂mtə̀ fɔmə kə nyî, mə Fə fi, ve tsɔ̀fə sê vəyn.

Kòlosè 3:14

Etûə ə̀ghɛ nə ghɨnə mə əkɨ̂m, ghàyn e kɔ̂ŋə̀ sèngɨŋ saynse. Ə̀ nyi ekɔ̂ŋ ə ze tsɨ̂yntè fɨave ekɨ̂m nə ve ə nyi sə afɨa àmɔ̀ʼ.

1 Tèsàlonikà 4:9

M fe nə ghàs kyi va sə̂ fɨnə nyâʼà èghɛ sê ghàyn kûmə̀ endom vɛ ə ghàyn kyi sə̂ kɔ̂ŋɔ̀ ə̀ghɨ ə pomə mɔ̀ʼɔ ghətəyn. Zhə̀fè ngɨŋ ə̀ vəyn ə zaʼlê ghàyn kə ghàyn kyi sə̂ kɔ̂ŋɔ̀ sèngɨŋ saynse.

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

1 Timotì 4:12

Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 8:3

Ə chɔʼɔ nâʼàpî wùə èkɔʼsə nə eshyə̀ è ngaŋtə kwəynə èkè nə è və fo èmaʼtè, se sènyam kə efo sê Zhə̀fè, nyiəmə wùə èkɔʼsə nə̂ èshyə̀ èngaŋtə kwəynə kyi kepî ndò se fo afɨa se Zhə̀fè.

Ipilù 9:14

Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.

Ipilù 9:23

Fɨa vɛ ə ve nyi efusè ə vɛ ə ve nyi ekwùtwəyn tè nyi nə shu zosê endom nə vɨnə mə. Pîza fɨa vɛ ə ve nyi ekwùtwəyn pɨlə kyiŋə tèfo tɛ ə te tsɔfə tsɛ tɛ ə fo sê fûsèvè.

Ipilù 9:26

Ə ze tè nyi za, mə Klâys ə tə zɨ ngəʼ sə teshɨ̀ŋə̀ te tsɨəte se zhə̀tə pə̀yn ashìŋə̀ kɛ ə tè pom mbi. Pîza zôyn kə pìŋ sə ekwuŋsə sə mbi sɨynəse sè paʼsə pə̂, è və pə̀yn shîŋə̀ ze mɔ̀ʼ se nə̀yn nə ə lese fo sèpi sə ghɨ̀sè mə è fo ə ngɨŋə̂ vəyn sə efo.

1 Pità 4:8

Nâʼà èghɛ etɛ zɛ ə ze nyi nyi nə ghàyn e ndɨŋə kɔ̂ŋɔ̀ sèngɨŋ saynse kûmə̀ nə kɔ̂ŋzè nyîə kɨəytə̂ sèpi se tsɨ̂ə kə nyî.

1 Njɔyn 3:16

Kwu zɛ ə Njisə̀s Klâys tè kwu ə ghâsènì ə tu, tyə̂nə̀ àfɨa kɛ ə kɔ̂ŋzè nyi kəynke sê ghâsènì. Nyiəmə, ghâsènì kyi sə̂ nyi kepî èpɨaʼtêzè se kwu ə ghɔnyì ə ghâsènì ghə tu.

1 Njɔyn 3:23

Làŋ ə Fezhə̀ nə kɨnə nyi nə, ghâsènì pomə̂ ə Va vəyn ezə Njisə̀s Klâys, kɔ̀ŋɔ̀ sèngɨŋ sə ghasènìse. Ə̀ nyì kepî èkɔ̂ŋ nə zɨ̂yn ə Klâys nyi mə è və fo sê ghâsènì.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.