Ɛfesùs 4:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Zhə̀fè ghasènìfe nyi ke fèmɔ̀ʼ, nyi Pɨ̀a kè sê ghɨ ghəkɨ̂m, saʼa kə ə̀ghɨ ə̀kɨ̂m, fɨ̂aʼà tɔynə̂ kə ə ghɨ̀ ə̀kɨ̂m, nyi ke əfètəyn ə̀ ghɨ̀ ə̀kɨ̂m.

Ɛfesùs 4:6 ပူးပေါင်းရင်းမြစ်များ

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Matyò 6:9

Ə̀ vɨnə nyi endom vɛ kə ghàyn ə tsə̂mə̀ ətəyn: Zhə̀fè, Pɨ̀a vâs vɛ ə è nyi ekwùtwəyn: Ə kɔʼsêzè ə nyi èzə zɛze,

Njɔyn 14:23

Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.

Njɔyn 17:26

Mə nə̀yn kə ghənə ke èzə Zɛze, mə M nə̀ ndûə kə shi sə̂ nə̂ nyiə mə endom kə kɔ̂ŋ zɛ ə Ò kyi sê Mi ə nyi se ghənə, kə Mi è ngɨŋ Zɨ̂mzè ə pɔŋ nyi ghasè ghənə.”

Njɔyn 20:17

Njisə̀s ə pìə sê vəyn nə, “Kə ò kom mi kûmə̀ nə m pâʼà nyìəm ndu sê Pɨ̀a Vɨ̂mvè. Pɨl ndù sê chùmtè èpàm sɨmse, ə ghɔnyì ghɨmə ə tsà se ghənə nə M kɛsə̂ ndùə sê Pɨ̀a Vɨ̂m vɛ ə̀ nyì kepî Pɨ̀a vâynvè. È nyi Fèzhə̀ fɨmfe, ə̀ nyi kepî Fèzhə̀ faynfe.”

Ŋwàʼlè ə̀ Pɔ̂l sê ghɨə Lûmghè 11:36

Ə̀ fɛtə̂ Fèzhə̀ fɨave e kɨ̂m, fɨa ətəyn ve nyi kûmə̀ nə Fe kɔ̂ŋɔ̀ nə ve ə nyi, ə̀ kyi vəyn è fɨa ətəynve ekɨ̂m. Pomsêzè nyì se Zhə̀fè sə teshìŋə̀ tèkɨ̂m. Ə ze ə nyi ke zamə.

1 Kɔlìŋ 12:6

Tyaʼ kɛ ə ghɨə kyi se nə̀yn efɨaʼ va eghɨ, pîza ə̀ nyì ke Fèzhə̀ fèmɔ̀ʼ ə fe fo tyaʼ nə kɨ̂nə̀ sê ghɨə ghəkɨ̂m nə ə nə̂ èfɨaʼ ə ghənə̂zè ətəyn.

1 Kɔlìŋ 8:6

Pîza ghâsènì, e ke nə, Zhə̀fè nyì ke fèmɔ̀ʼ, mə za nyi Pɨ̀a. Ə̀ fɛte Vəyn fɨave ekɨ̂m, ghâsènì e ndamə mə ə zaʼnə̂ kə se vəyn. Ə̀ fɨyn nyi ke Pɛ̂pɛ emɔ̀ʼ, mə ə̀ za nyi Njisə̀s Klâys, mə ə tè fɛte efɨa ekɨ̂m toynə̂ ə Vəyn, ghâsènì nə ndamə kə kûmə̀ vəyn.

2 Kolìŋ 6:16

Ghɨə pomə nyi kə ndɛ ètsə̀mə ə̀ Fèzhə̀ mə ghənə vayn kàʼa kyi èghɛ se tsɨ̀yntə nə̀yn yîghə̀ fɨ̂aʼsèvè. Ghàyn e ke nə ghâsènì nyi ndɛ̂ ètsə̀mə ə Fèzhə̀ fɛ ə Fe ndamə, kè eghɨ kə È tè pi nə: “M nə̀ nə̂ eluʼ vɨmve ndaməve ə ghənə əfètəyn, ə m mə ndamə ə ghənə ə fètəyn; ə m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.”

Ɛfesùs 1:21

È ve tsɨs fumə zôyn, saʼa nâʼà sèzuʼ sèkɨ̂m è twɔʼve ekɨ̂m, ngaŋtə tsɛ̂ nâʼàpî fɔ̀yn èkwə̀ ə mbiə zôyn è mbi zɛ ə è tə pə̂.

Ɛfesùs 2:22

Ghàyn ghɨ mɔʼɔ za tsɨ̂ynte nyi əfètə̂ Klâys kə efɨa e pɛve, è və fɛte ghàyn nə ghàyn nə nyi eluʼ vɛ Zuʼsə Fezhə̀sè ndamə ətəyn.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Ɛfesùs 6:23

Zhə̀fè, ə Pɨ̀a yî Pɛ̂pɛ Njisə̀s Klâys nyiə fo pɔ̂ynè sê ghɔnyiə e kɔ̂ŋ ə nə̂ nə zaʼnə̂ kə ə Fəynfe ewìyn.

1 Njɔyn 3:24

Ghɨ ghɛ ə ndə̂mə̀ lwɔ̀ŋ ə vəynve nyì yî Vəyn sə afɨa àmɔ̀ʼ, è ve nyi kepî sə afɨa àmɔ̀ʼ yî ghə̀ ghənə. Ghâsènì nyîə ke nə ghâsènì nyì sə afɨa àmɔ̀ʼ tɔynə̂ ə sezuʼ sɛ ə è fo sê ghâsènì.