Ɛfesùs 4:31 - Ŋwàʼlè ə̀ Fèzhə̀ Mkâyn Mə̂ Fèm

³¹ Ghàyn maʼa kwàʼtè epi nâʼà èkɨ̂m, è tɔŋ ezafəve è zɔ̂zè, è ndise, nâʼàpî èpof èkèze.

Ɛfesùs 4:31 ပူးပေါင်းရင်းမြစ်များ

Ətefɨ̂aʼ 21:30

Ngəʼ ə ndwìə kə luʼ tekɨ̂m, ghɨghe ə shɨŋə ndùə kyîə Pɔ̂l ə shìnə̀ fɨə è vəyn ə ndɛ ètsə̀mə. Kè sə ashìŋə̀ chondɛ ə ndɛ ètsə̀məve ə kyìŋə̀.

Ŋwàʼlè ə̀ Pɔ̂l sê ghɨə Lûmghè 3:14

Wâmnè epi zɛ ə ze fɨə ə ghənə echo nyi mə e lwiynkê elɔ̂ʼtè ətəyn.

1 Kɔlìŋ 14:20

Ghɔnyì ghɨmə, kə ghàyn fɨyn kwâʼtè kə mmɨ̂ətə̀. Ghàyn nyi mmɨ̂ətə̀ apàs se nə̀yn ə pi, pîza nyi ə̀ghɨ mə ndəmə̂ endom vɛ ə ghàyn kwàʼtə̀ ghɛghe ətəyn.

1 Kɔlìŋ 5:8

Nyiəmə, ə ghâsènì zhi zhia ə fetuʼ fe zaʼatsɛ nə fɨnə mə. Ghâsènì piə zhiə ndò, kə ghâsènì nə zhi è payn ə kwaŋ kɛ ə ke kyi fèsə̀ʼ fe mɨfe mə nyi pi, è kɨsè təm ə pighe, pîza ə ghâsènì pɨl zhi è payn kɛ ə ke kyi va fɨ̀sə̀ʼ mə ə̀ za nyi ə təmə zoghe è ghɛ zɛ e nyi səmɔʼ.

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

Ngàleshyà 5:20

ngɨmnə̂ èfɨ̂aʼsè, kwɨlə avɨ̂ŋ, pânə̀ əghɨ, nô, kyi àghə̀ʼ, zâŋsə̀ nyɔ̂ʼsə̀ ètɔŋ, kwâʼtə̀ kûmə̀ kə sengɨŋ, pə̂ è nòsèkè è chyâsèzè,

Ɛfesùs 4:22

Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.

Ɛfesùs 4:25

E za tyə̀nə̀ nə ghàyn kyi se mâʼà akaŋ nə nâʼàpî ndè nə wàmnə̀ kə səmɔʼ sê ànyìə vəyn kûmə̀ nə ghâsènì ə̀kɨ̂m tsɨ̂ynte nyi ke èpɨas ewìynve emɔ̀ʼ.

Ɛfesùs 4:26

Ə ghɛze zafə wùə, kə è nəyn pi. Kə ghɛ tə zaf, ə è nə̂ nyiŋə è zəynze ə vəyn endwɔ̀.

Kòlosè 3:19

Ndomə ghàyn e kɔ̂ŋə̀ ə̀ zhwi ghaynghe, kə ghàyn ə zɔ sê ghənə.

Kòlosè 3:8

Pîza zôyn ghàyn kyi se zamàʼà əghɛ kə, etɔŋ enyɔʼsəve, è kɔ̂ŋzè se nə pofsê, è pâynzè, kə ghàyn ə soylə ghɨghe, pî nə wâmnè eliŋze fɨ ə ghàyn echo.

1 Timotì 3:11

Zəyn ghɛ ə ghe fɨaʼà ə ndɛ Fèzhə̀ pɔŋ kyi sə̂ kyi èndam e chûŋzè, ndə̀mə̀ va kôghɔ̀ŋ, nə̂ va ghɛghe tsɨə tsɛ̂ àndiŋ, nə̂ nâʼà pîghè kè səmɔʼ.

1 Timotì 3:3

ə̀ kyi sə̂ nyi wùə, mɨə tsɛ̂sə̀ va lɨ̀m, kɔŋə̀ va ngyə̀skè, pîza kolə ə̀təm, nə̂ va ghɛ sə zəʼtə̂ ndô ghɨ, zɔ̂ tsɛ̂sə̀ va, shiə vəynghe fɨə tsɛ̂sə̀ va ekɛ.

1 Timotì 5:13

Ghənə nyiə kwîə laʼsə̀, njiə kə ə ndɛ ə ndɛ, ndə̀mə̀ kôghɔ̀ŋ, njiə ə ghɨghə ghɛ, fɨnə wâmnə̀ ə̀ghɛ mə va eluʼ ə ghənə̂vè sə̂ wâmnə̀.

2 Timotì 2:23

Kə ò nə zɨtə saʼnê ango zɛ ə ghɨə saʼnə̂, ke pîva ghɛ zhîze. Ò ke nə saʼnê nə zɨ̂nə̀ pə̀ kə è zɔ̂zè

2 Timotì 3:3

Ghənə tə nə̂ ə kyi va təm ə chûŋghè, lɛ̂sə̀ fo va ghɨghe, pìə ə̀ghɛ piə kûmə̀ ə̀ghɨ, pîə ə̀ghɛ nyi ke epɨaʼtêzè se nò, ndamə kə kə senyam, ghənə tə nə̂ ə pânə̀ èghɛ echûŋzè.

Taytùs 1:7

Kè kə chəʼ nyi wùə vɛ ə è tɔ̀ʼnə̀ è ndɛ ə̀ Fezhə̀, è kyi sə̂ nyi mə è kyi va ləʼke, kyi va sə̂ kyi ècho epize, è kɨsè sə̂ zâŋsə̀ nyɔ̂ʼsə̀ ètɔŋ, è kyi va sə̂ ngəsə̂ mɨə m̀lɨ, è kyi va sə̂ nô, kyi va sə̂ kyiŋə se kyî ekɛ è paʼà fɨ̂aʼ vəynve.

Taytùs 2:3

Kèpî famə endom, zaʼle zəyn ə ndumnə nə ghənə kyi se ndam endam zɛ ə ze fo ngɨmnêzè sê Zhə̀fè, piə va ghɛ ə pighe kûmə̀ ə̀ghɨ mɔ̀ʼɔ, mɨə tsɛ̂sə̀ va lɨ̀m. Ghənə pɨl kyi sə̂ zaʼlə̂ ə̀ghɨ èghɛ zɛ ə ze nyi achûŋ,

Njə̂m 1:19

Ghàyn tɔʼ zɨte zɨnə ə ghɔnyì ghɨm ghe chûŋə̀: Ə nâʼàpî ndè ə tɔ̂ʼɔ̀ ndə̂mə̀ àtu se zɨtê, ko kyîə èwiyn ə vəynve se wàmnè, fɨnə ko kyîə èwiyn ə vəynve se nyɔ̀ʼsè etɔŋ.

Njə̂m 3:14

Pîza ə nyi mə ə ghàyn ətəm nyi mə lwiyn ke kàyntè aghə̀ʼ, è muze, kə wùə sê ghàyn nə ndə̂tè səmɔʼ ə è və pfɨ̂nə̀ àngàŋtè pîə nə zhi nyîə kyi ètɔf eghaʼazè.

Njə̂m 4:11

Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.

1 Pità 2:1

Nyiəmə, ghàyn maʼa ghɛ ə pighe nâʼà ə̀kɨ̂m, sə fɨnə wamə va, pî sə kaŋkaŋə̂ nə̂, pî àghə̀ʼ, pî m̀nàŋ mə ènûm kûmə̀ ə̀ghɨ.

1 Njɔyn 3:12

Ghâsènì kyi va sə̂ nyi kə Kên. È tè nyi wùə ə̀ ndə̂plè, ə zhwiə ànyìə vəyn. È tè zhwi vəyn kûmə̀ ghè? Kûmə̀ nə Kên tè nyiə ndamə nə̂ ə̀ghɛ ə pighe, ànyìə vəyn e nə̂ ghɛ ə ghe tè nyi chichi ə Zhə̀fè ə shi.

1 Njɔyn 3:15

Wùə vɛ ə è pànə̀ ànyìə vəyn nyi wùə vɛ ə è zhwiə. Ghàyn e ke nə nâʼàpî ndè vɛ ə è zhwiə kyi va ndam zɛ ə ze tə mîə va.

Etyə̂yn ə paynsêzè 12:10

Epàm ətəyn, mə zɨə kyə̀ è zə fɨə pə̂ ekwùtwəyn pìə nə, “Zhə̀fè ghasènìfe ə sɔ̀zâ ghɨə vəynghe, zôyn è fɨaʼà è tyaʼ ə vəynke se saʼ kə fɔ̀yn, zôyn wùə vɛ è nyi mə è və chɔʼ ndəm nə̀ tyə̂nə̀ nə è nyîə kyi àtyaʼ se saʼ əghɨ ə̀kɨ̂m. Kûmə̀ nə ə màʼa tsose fa chi wùə vɛ ə è tè tyəm ə Zhə̀fè ghasènìfe əshi, ghâmə̀ ə̀ghɔnyì ə ghasènìghe shîŋə̀ tekɨ̂m.