Ɛfesùs 4:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ Kə ghàyn nə nə̂ Zuʼse Ŋwaʼa Fèzhə̀ sɛ ə tè chwìə ghàyn è səynse ə saŋnə̂ va. Ə tè chwìə ghàyn è səynse se tyə̀yn nə tuʼfe tə pə̂, ə Zhə̀fè zhɔyn mɨ̂sè àtu kaynke.

Ɛfesùs 4:30 ပူးပေါင်းရင်းမြစ်များ

Ŋwàʼlè ə̀ Mâk 3:5

Njisə̀s ə naynə̂ ka ndûə ghənə nyî mə tɔŋ ə̀ vəyn və zaf È ve sè fɨnə kosə̂ èsəyn kûmə̀ ə̀təm ə ghənə ghe tɛ, ə ke pì sê wùə nə vɛ nə, “Nɛ̀se kɔyn kɛke.” È və nɛ̀sə̀ kè sə ashìŋə̀, gho ətəynke ə tɛ kə ndò.

Tom èchùŋ kè kə Lûk tè nyaʼ 21:28

Ə ghɛ nə ghɨnə zhə̂tə̀ se kyàyn nâʼà pi ashìŋə̀ àkè, gha ndwisə̀ ètu vayn ə naynə̂ ekwùtwəyn kûmə̀ nə shîŋə̀kè se paʼsə̂ pə̂ kə Zhə̀fè zɔ̀ za ghàyn.” (Matyò 24.32-35; Mâk 13.28-31.)

Njɔyn 3:33

Pîza pîndè vɛ ə è fi tom ə̀ Vəyn lotə̂ pîə ndò nə Zhə̀fè nyì səmɔʼ.

Ətefɨ̂aʼ 7:51

Shìtifɨ̀yn ə wàmnə̀ nyi ə pìə nə, “Ghàyn tɛ è tuve. Ghàyn ə fɨ̀yntè tûŋneve sê kyə̀ Fèzhə̀, ə tɛsə̂ ə̀təm ghaynghe. Ghàyn nyì kepî èghɨ kə pɨ̀a ghayn ghəshiə. Ghàyn ə faŋ sè kwiynsə̂ kə nə ghàyn vayn kàʼa zɨte ghɛ zɛ ə Zuʼse Ŋwaʼase pîə.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

Ŋwàʼlè ə̀ Pɔ̂l sê ghɨə Lûmghè 8:23

Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 15:54

E za nyi nə shîŋə̀ kɛ ə zɨnə mə tə kyânə̀, ghɨ ghɛ ə fîə ə kwiynə̂ nduə se ghɛ ə ghe fîə va, ə ghɛ zɛ ə nyi mə ə nyàʼ ə ŋwàʼlè ə̀ Fèzhə̀ ke pə̀yn səmɔʼ nə, “Ə pofsê kwue, tɨmə ezhize ə pə̀yn mɨsè.”

1 Tèsàlonikà 5:19

Kə ghàyn ə tâsə̀ èfɨ̂aʼ zɛ ə Zuʼse Ŋwaʼase nə̂ ə ghàyn ə fètəyn;

Ipilù 10:29

Ə ze tè nyi zamə, ə ze tə pə̂ ə zə nyi nâʼà zàyn sê ghɨ ghɛ ə ghe nyaŋə màʼà Va Fèzhə̀ ə? Ze tə pə̂ ə ze ə nyi nâʼà zàyn sê wùə nə vɨ̂yn ə è tàʼa njiə mndəm mɛ ə Zhə̀fè zhi kâynmè ətəyn mə m̀ shùə tsɨsə̀ pi sə ghənə̂sè sə eghɛ ə? E za tə pə̂ ə ze ə nyi nâʼà zàyn sê wùə nə vɨ̂yn ə è sòylə̀ Zuʼsə ə Fezhə̀sè, ə nyi səynse ə se tyə̂nə̀ təm əchûŋ ə Fèzhə̀ghè ə? Lote kwàʼte tso kə pɔynsê zɛ ə ghənə kyi sə̂ kyi tə pə̂ ə ze ə tsɨ̂ə tâ.

Ipilù 3:10

Ə̀ za nyi eghɛ zɛ ə fe tè nyɔʼse tɔŋ sê ngwàʼ nə zɛ ə ke pì nə, ‹Ghənə ə tə tə se njìə mi kə wùə vɛ ə è chisə ghənə, ə tə se nə̀yn eghɛ zɛ ə m kyiŋə nə ghənə nəyn.›

Ipilù 3:17

Ghɨ ghɛ ə Zhə̀fè tè nyɔ̀ʼsə tɔŋve sê ghənə sə pìŋ m̀ghɨm kyàʼ, nyi əghɨ ghɛ ə ghənə tè nəyn pi ə pfɨ̀ə kwuə elùʼ ashəshəve.