Ɛfesùs 4:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ E za tyə̀nə̀ nə ghàyn kyi se mâʼà akaŋ nə nâʼàpî ndè nə wàmnə̀ kə səmɔʼ sê ànyìə vəyn kûmə̀ nə ghâsènì ə̀kɨ̂m tsɨ̂ynte nyi ke èpɨas ewìynve emɔ̀ʼ.

Ɛfesùs 4:25 ပူးပေါင်းရင်းမြစ်များ

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ŋwàʼlè ə̀ Pɔ̂l sê ghɨə Lûmghè 12:5

Kèpî èghɨ famə endom, pî kə ghâsènì tsɨ̀ə, ghâsènì nyi wiynve mɔ̀ʼ ghasènìəghə̀ Klâys, wùə vîvè e va sə və ngɨŋ.

1 Kɔlìŋ 10:17

Kûmə̀ nə payn ə kwaŋke nyi ke àmɔ̀ʼ, mə ghâsènì əkɨ̂m pî kə tsɨ̂ə, nyì ke èwiyn emɔ̀ʼ kûmə̀ nə nâʼà ghâsènì əkɨ̂m chyàtə̀ kə àpayn ə kwaŋke amɔ̀ʼ.

2 Kolìŋ 7:14

M tè nyîə pfɨnə̀ àngàŋtè kûmə̀ ghàyn sê vəyn, ghànə tàʼa ghomsə̂ mi. Ghàs ndamə wàmnə̀ kə səmɔʼ sê ghàyn. Naʼapi ghè vɛ ə ghàs tè pfɨyn ngàŋtèkè sê Taytùs kûmə̀ ghàyn tè fɨyn fɨ ke səmɔʼ.

Ɛfesùs 4:15

Ə ghâsènì pɨlə wàmnə̀ kə səmɔʼ tyə̂nə̀ èkɔ̂ŋ, ə ghâsènì ndəmə ke ndom tekɨ̂m ə nyi kə Klâys vɛ ə è nyi atu sê ghâsènì.

Ɛfesùs 4:22

Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.

Ɛfesùs 4:31

Ghàyn maʼa kwàʼtè epi nâʼà èkɨ̂m, è tɔŋ ezafəve è zɔ̂zè, è ndise, nâʼàpî èpof èkèze.

Ɛfesùs 5:30

Ghâsènì nyi tsɨ̂yntè nyi èpɨ̂as ewìyn ə Klaysvè.

Kòlosè 3:8

Pîza zôyn ghàyn kyi se zamàʼà əghɛ kə, etɔŋ enyɔʼsəve, è kɔ̂ŋzè se nə pofsê, è pâynzè, kə ghàyn ə soylə ghɨghe, pî nə wâmnè eliŋze fɨ ə ghàyn echo.

Kòlosè 3:9

Kə wùə sê ghàyn nə wam àkaŋ se wùə vîvè, kə ghàyn nəyn ghɛ nə ghɨ̂yn kûmə̀ nə ghàyn ə kàynè za tsɨnè èpi, è ndom tə təynte.

1 Timotì 1:10

ə fɛte sê ghɨ ghɛ ə ghe nə̂ ghɛ ə nyələghe è wîyn mə ghənə̂m, è ndômnè ghɛ ə nyɨ̂ŋə̀ è ndômnə̀ kəpiə ə̀ nyi ə̀zəyn, è ghɨ ghɛ ə ghe pəʼlə ghɨ sə ekɔ̀s, è ghɨ wamə, è ghɨ ghɛ ə wamə kaŋke pî kə te tsɨ̀ne sə̂ pîə səmɔʼ, è kɨsè se nâʼàpî ndè vɛ ə è kɔ̀ŋə̀ zaʼlê ə səmɔʼze.

1 Timotì 4:2

Kyì te zaʼlê nə tɨ̂yn nyi mə ə̀ zaʼlə̂ setyə̀ynsè se kaŋkaŋə nəse, ghənə e fɨnə zɨə va kə təm ə ghənə̂ghè saʼa ghənə, kèpi endom vɛ ə wusve kaʼa ə və nyɔʼə̀ wùə è zɨə va.

Taytùs 1:12

Wùə ə̀ ghənə̂ vîvè ə Klìlît mə nyi wùə èghaʼâ ə ŋwàʼlè ə tə pì ghɛ kûmə̀ ghənə nə, “Ghɨ Klìlit ghəkɨ̂m nyi əghɨ akaŋghe, ndamə kə kə senyam sə mbvɨynse pise, zɔlə̂, zhiə tsɛ̂sə̀.”

Taytùs 1:2

Səmɔʼ nə zɨ̂yn nə̀ nə ghənə ə ke səmɔʼ nə ghənə nyîə kyi èndam mə ze tə mîə va, mə nyi endam zɛ ə Zhə̀ fɛ ə fe wamə va tè tsɨ̀ne sê ghənə tsɔ̀fə kə pom mbi.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Njə̂m 1:21

E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.

1 Pità 2:1

Nyiəmə, ghàyn maʼa ghɛ ə pighe nâʼà ə̀kɨ̂m, sə fɨnə wamə va, pî sə kaŋkaŋə̂ nə̂, pî àghə̀ʼ, pî m̀nàŋ mə ènûm kûmə̀ ə̀ghɨ.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.