Ɛfesùs 4:22 - Ŋwàʼlè ə̀ Fèzhə̀ Mkâyn Mə̂ Fèm

²² Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.

Ɛfesùs 4:22 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

Ŋwàʼlè ə̀ Pɔ̂l sê ghɨə Lûmghè 7:11

Pi ə tə tsɛ̀ epàmə àlàŋ, lɛsə̂ mi, mə nə̀ pi, pi ə̀təyn ə zhwiə mi.

2 Kolìŋ 11:3

M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.

Ngàleshyà 1:13

Ə tsàyn se ghàyn kə ndam zɨme tè nyi kə m tè kɔʼsə Zhə̀fè endom vɛ ə ghɨə Njûsə̀ kɔʼsə, kə m tè tsə̀fsə ndɛ, mə nyi zə Fèzhə̀ mə m kyi va kosê esəynze, ə mɔ̀msə̀ tèndom tèkɨ̂m se sàʼtə zə̂ynzè.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

Ɛfesùs 4:17

M pîə sê ghàyn ezə ə Pɛ̂pɛze fɨnə kwəynsə̂ nə kə ghàyn fɨyn ndam kə ghɨ etumə. Ghənə kyi ke tèkwâʼtè tə azùŋə zuŋte.

Ɛfesùs 4:25

E za tyə̀nə̀ nə ghàyn kyi se mâʼà akaŋ nə nâʼàpî ndè nə wàmnə̀ kə səmɔʼ sê ànyìə vəyn kûmə̀ nə ghâsènì ə̀kɨ̂m tsɨ̂ynte nyi ke èpɨas ewìynve emɔ̀ʼ.

Ɛfesùs 4:31

Ghàyn maʼa kwàʼtè epi nâʼà èkɨ̂m, è tɔŋ ezafəve è zɔ̂zè, è ndise, nâʼàpî èpof èkèze.

Kòlosè 2:11

Kə ghàyn nyì sə afɨa àmɔ̀ʼ ghâyn ghə̀ Klâys, Klâys ə se nam ghaynghe. Se ə nam nə zɨ̂nə̀ vachi zɛ ə ghɨ msɔ̀ŋghe se wùə. Ə̀ nyi Klâys ə è se nam ghaynghe ə Sezuʼ. È və njì tsɨsè tsɨnè zâyn zə èpi.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Ipilù 3:13

Ghàyn e pɨlə tsâmtə̀ sèngɨŋ saynse tuʼmè m̀kɨ̂m kè kə ghàs pa zɨə ‘Ndâyn’ è wâmnə̀ sê ghàs kè kə ə nyâʼ ə ŋwàʼlè ə̀ Fèzhə̀, kə ndɔ̀ʼɔ pi tə lɛsê wùə sê ghàyn, ə ghàyn ə tɛ e tuke.

Njə̂m 1:21

E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.

Njə̂m 1:26

Ə wùə kwàʼtə̀ nə zhi chùmtə̀ Fèzhə̀ endom echûŋve, pîza, ke va se kyiə andəm ə vəynke, è və ke nə è lesə̂ kə ngɨŋ ə vəyn, kwàʼtè ə vəynze nə zhi chùmtə̀ Fèzhə̀ kwəynə va nâʼà eghɛ zhîzè.

1 Pità 1:18

Ghàyn ke nə Zhə̀fè ə tə zhɔyn fɨse ghàyn endam e mɨ zɛ ə pɨ̀a ghaynghe tè ndamə. Zhə̀fè tè pâʼà zhɔyn ghàyn è fɨake kə ekɛ mə ve kàʼa ə ve pof.

1 Pità 4:3

Ghàyn se nyi mə ghàyn ə pofsê shîŋə̀ tsɨəke sə mɨ, ndamə kə ghɨ ghɛ ə̀ vachi ə̀ghɨ Njûsghè. Ghàyn tè ndamə tendamte nyələte, shi ghaynghe e tsɨlə, ghàyn mɨə m̀lɨ̂ m̀ me ko ghàyn ə ndùə elùʼ azhi, ghàyn e nə̂ kə kə sepu, səynə̂ èwiyn èlɨ̀ mə èmɨəm, è ngɨmnê èfɨaʼsèzè ə tendom teghoməte lâŋ ə Fezhə̀kè e pomə̂ va.

2 Pità 2:13

Zhə̀fè tə ndâʼà ghənə kèpî è ngəʼ nə zɨnə̀ ə ghənə tè fo sê ghɨə mɔ̀ʼɔ. Ghənə zɨə èfɔm ezhoghɛ ə ghənə nə̂ ghɛ ghɛ ə njà èwìyn ə̀ ghənə̂ kyiŋə atɛ ə chwîkè. Ghɛ zɛ ə ghənə nə̂ nyi èghomə̂zè, ghənə e nyi kə ndi èpi ə ghàyn ə fètəyn. Shîŋə̀ kɛ ə ghənə tsɨsə se zhi ghâyn ghə̀ ghənə, ghənə e zɨə èfɔm ezhoghɛ ə ghənə lesə̂ ghàyn.

2 Pità 2:7

È tè piə pofsə̂ sètɔ̂ŋ se ghaʼâ nə sɨ̂nə̀ mə, ə sɔ̀zâ Lôt kûmə̀ nə è tè nyi wùə èchùŋ, kyi èfɨmsê ekyì endam enyələ zɛ ə ghɨ ghɛ ə ghe tè zɨə va sê Zhə̀fè tè ndamə.