Ɛfesùs 4:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ghənə ə màʼà ngɨŋ sə ghənə̂sè sè tsɨ̂fə ndamə kə kə sepu, fɨnə ghomə̂ va, kotə̂ pî èkyì eghɛe epi èkè nə̂ ndùə kə ndò, ndam ətəynze e fɔmə ndùə kə əshi.

Ɛfesùs 4:19 ပူးပေါင်းရင်းမြစ်များ

Ŋwàʼlè ə̀ Mâk 7:22

nyîŋə̀ è zhwiə ə ghɨ̀ghè è ndôm ə ghɨ̀ghè, kyi əshi ə fɨə, kyi ə̀təm ə piə, lesə̂ ə̀ghɨ, ghomə va, ghə̂ʼə̀ ə̀ghɨ, ndə̀mə̀ kôghɔ̀ŋ, ghaŋsə̂ èwiyn, nə̂ ə̀ghɛ ango.

Ɛfesùs 4:17

M pîə sê ghàyn ezə ə Pɛ̂pɛze fɨnə kwəynsə̂ nə kə ghàyn fɨyn ndam kə ghɨ etumə. Ghənə kyi ke tèkwâʼtè tə azùŋə zuŋte.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

1 Timotì 4:2

Kyì te zaʼlê nə tɨ̂yn nyi mə ə̀ zaʼlə̂ setyə̀ynsè se kaŋkaŋə nəse, ghənə e fɨnə zɨə va kə təm ə ghənə̂ghè saʼa ghənə, kèpi endom vɛ ə wusve kaʼa ə və nyɔʼə̀ wùə è zɨə va.

1 Pità 4:3

Ghàyn se nyi mə ghàyn ə pofsê shîŋə̀ tsɨəke sə mɨ, ndamə kə ghɨ ghɛ ə̀ vachi ə̀ghɨ Njûsghè. Ghàyn tè ndamə tendamte nyələte, shi ghaynghe e tsɨlə, ghàyn mɨə m̀lɨ̂ m̀ me ko ghàyn ə ndùə elùʼ azhi, ghàyn e nə̂ kə kə sepu, səynə̂ èwiyn èlɨ̀ mə èmɨəm, è ngɨmnê èfɨaʼsèzè ə tendom teghoməte lâŋ ə Fezhə̀kè e pomə̂ va.

2 Pità 2:22

Ghɛ zɛ ə ze tè kyàyn sê tyə̀ynsè sə akaŋ nə sɨ̂nə̀ ə tyə̀ynə̀ nə ndiŋə̂ mə èghɛ mɨ̂nə̀ m̀pɛ̀ nyì səmɔʼ nə, “Pu nyîə kɛsə̂ ndûə njîə zhiə àfɨa kɛ ə è fe fɨse” è kɨsè nə, “Kwùnduŋ kɛ ə nyi mə shù kəynke kɛsə̂ ndûə pɨŋnə̂ ndò achaʼ.”

Njût 1:11

Ngəʼ e ghaʼa nyi ə ghənə tu! Ghənə ə chùmtè ndom vɛ ə Kên tè nji kə è tè zhwi ànyìə vəyn. Kè kûmə̀ èkɔ̂ŋ ekɛze, ghənə ə fo ngɨŋ sə ghənə̂sè se tsas sɛ ə Palàm tè nəyn. Ghənə ə tə se pomə̂ sê Zhə̀fè, ə pofsə̂ sèngɨŋ sə ghənə̂sè kèpî kə Kolà tè tə ə pofsə̂ ngɨŋə̂ vəyn.

Etyə̂yn ə paynsêzè 18:3

Nâʼà ə̀ghɨ ə tèndâʼà ghəkɨ̂m nə̀ ə̀ghɛ endom enyələve sê Papilɔ̀yn kè kə fɨa ə kwiəke nə̂ lesə̂ wùə nə è mɨ lɨ̀m ə m ko vəyn, ə è nyɨŋə è vəyn. Fɔ̂yn tə mbite ə nə̀yn kepî ghɛ ə nyələghe yîghə̀ ghɨ Papilɔ̀ynghè, ə nyìŋə̀ è vəyn, ghɨ epəʼleghe ə mbi ə pə̀yn kepî sə ghɨ̀ eghaʼlə̂ghè kûmə̀ nə Papilɔ̀ynghè nyîə kɔ̂ŋə̀ tsɛsə̀ èfɨa ekɛ etɛve, zhɔnə sê ghɨ ə pəʼlə ətəynghe.”