Ɛfesùs 4:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ È nə̂ pɨ̂as ewìyn vekɨ̂m e nyi ke afɨa àmɔ̀ʼ, nâʼàpî azhûŋ àkè ewìyn e tsâmtə̀ se kyiə ewiyn ekɨ̂m. Naʼapi apâs àkè e piə ke fɨaʼà ndò, ke fɨ̂aʼà kə ke kyi sə̂ fɨ̂aʼà, wiynve ekɨ̂m e ndəmə̂ fɨnə fɛtə tɛ kûmə̀ nə pɨ̂as ətəyn nyîə kɔ̂ŋɔ̀ sèngɨŋ.

Ɛfesùs 4:16 ပူးပေါင်းရင်းမြစ်များ

Njɔyn 15:5

M nyi fekâʼ, ghàyn nyi sèngɔyn. Ghɨ ghɛ ə faŋ ə mì ewìyn, mə faŋə sê ghənə, tə muə ètwɔm ve tsɨ̂ə kə nyi. Ə va mi, ghàyn vayn kàʼa nəyn ghɛ zhîze.

Ŋwàʼlè ə̀ Pɔ̂l sê ghɨə Lûmghè 12:4

Wiyn ə wûəvè nyi emɔ̀ʼ kyi èpɨ̂as ve tsɨ̂ə kə nyi, nâʼàpî àpâs àkè e kyi ke èfɨaʼ ə vəynze.

1 Kɔlìŋ 10:17

Kûmə̀ nə payn ə kwaŋke nyi ke àmɔ̀ʼ, mə ghâsènì əkɨ̂m pî kə tsɨ̂ə, nyì ke èwiyn emɔ̀ʼ kûmə̀ nə nâʼà ghâsènì əkɨ̂m chyàtə̀ kə àpayn ə kwaŋke amɔ̀ʼ.

1 Kɔlìŋ 13:13

Nyiəmə, ə̀ nyi əghɛ ghɨ̀nə̀ ə̀ ta ə ghâsènì kyi sə̂ kyi, epomə̂, è ghɛ ghɛ ə ghâsènì kwàʼtə̀ se kyi, è kɔŋè; pîza ghɛ eghaʼâzè famə əghɛ ə̀kɨ̂m nyi ekɔ̂ŋ.

1 Kɔlìŋ 8:1

M kyiŋə se pì eghɛ zôyn kûmə̀ efɨazhiə vɛ ə màʼtə̀ sə eshyə̀ sê fɨ̂aʼsèvè. Ghâsènì ke ndô nə, ‘Ghâsènì əkɨ̂m nyîə kyi ètɔf.’ Tɔfze e pə̂ kə è ghaŋsə̂ ewiyn pîza kɔ̂ŋzè e nə̂ nə ghɨghe ə ndəmə̂.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ɛfesùs 1:4

Tsɔ̀fə kə è pom mbi, ə̀ tè se nyi mə è və chɔʼtê ghâsènì tɔynə̂ ə Klâys nə ghâsènì tə pə̂ ə nyi əghɨ zoghe, kyi va tsasze ə Zhə̀fè əshi.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Ɛfesùs 3:7

M tè zhə̀te efɨ̂aʼ ə tom èchùŋ nə zɨ̂nə̀ mə ə̀ fo Fezhə̀ tyaʼa vəynke nə mə nə̂. Ə tè fo vəyn tyaʼa nə ke fɨ̂aʼ ə mì ətəm ə ke tsamte kə mə nə̂ èfɨ̂aʼ ətəyn. Zhə̀fè tè nəyn nyi kûmə̀ ə̀təm əchûŋ ə vəynghe.

Ɛfesùs 4:12

È tè nəyn nyi se pɨaʼtə əghɨ ə poməghe nə ghənə nə ke se nə̀yn efɨ̂aʼ ə Fezhə̀zè kə wiynə Klaysvè, mə za nyi ndɛ̂ Fèzhə̀ nə ndəmə̂,

Ɛfesùs 4:15

Ə ghâsènì pɨlə wàmnə̀ kə səmɔʼ tyə̂nə̀ èkɔ̂ŋ, ə ghâsènì ndəmə ke ndom tekɨ̂m ə nyi kə Klâys vɛ ə è nyi atu sê ghâsènì.

Filìpây 1:9

M tsə̂mə̀ nə Zhə̀fè nəyn kɔ̂ŋ zɛ ə ghàyn kyi sê ngɨŋ saynse è kɨsè sê Zhə̀fè, ə zə ndəmə̂ ndûə kə əshi. M tsə̂mə̀ kəpi nə ghàyn ə ke ə̀ghɛ ghɛ ə ghe nyi səmɔʼ kûmə̀ Fèzhə̀, è kɨsè nə ghàyn ə ke sənɨŋ ə tə̂ èghɛ zɛ ə̀ nyì ze chûŋzè è zɛ ə̀ nyì ze pize.

Kòlosè 2:19

Kyì ə wûə nə vɛ fɨnə pomə va se Klâys mə ə̀ nyi Klâys vɛ ə È nyi atu se ghɨ ghɛ ə pomə. Kè kə wiynve kɨm nyi etyə̀ àtyaʼ atuke, ə̀ nyì kepî zamə kə ghɨghe əkɨ̂m ghɛ ə pomə Klâys nyi ə vəyn etyə̂ àtyaʼ kə ghənə ə nyi kə wùə èmɔ̀ʼ. Kè kə ghaŋmè kokyiə zûŋtè ə wùə ewìyn kə è və nyi wùə èmɔ̀ʼ, ə̀ nyì kepî zamə kə Klâys tsɨ̀yntə̀ ghɨ ghɛ ə ghe pomə sê vəyn, kə ghe ə nyi wùə èmɔ̀ʼ ə vəyn tyə̀.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

1 Tèsàlonikà 3:12

Ghàs tsə̀mə̀ kəpî nə Pɛ̂pɛ nəyn ə kɔ̂ŋ zɛ ə ghàyn kyi sê ngɨŋ saynse, è kɨsè sê ghɨə mɔ̀ʼɔghe əkɨ̂m ə ndəmə̂ ndûə kə ndò, kèpî kə zɛ ə ghàs kyi sê ghàyn.

2 Tèsàlonikà 1:3

Ghàs kyi sə̂ fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn ə ghɔnyìə. Ə̀ nyì ke nâʼà èghɛ echuŋzè kə ghàs nə̂ nyi kûmə̀ nə kyî epomə̂ zaynze sê Klâys ndəmə̂ ndûə kə èshike, kɔ̂ŋ zaynze sê ngɨŋ saynse e fɨnə ndəmə̂ ndûə kə èshike.

1 Timotì 1:5

M pìə èghɛ nə zɨ̂yn sê ghò kûmə̀ nə m kyiŋə nə ghɨə pomə ə kyi èkɔ̂ŋ zɛ ə ze fɨ ə təm ə zoghe, mə təm ə ghənə̂ghè saʼa va ghənə fɨyn kyi èkyî èpomə zɛ ə ze nyi səmɔʼ.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Njɔyn 4:16

Nyiəmə, ghâsènì ke ndô, fɨnə pomə̂ nə Zhə̀fè nyîə kɔ̂ŋə̀ ghâsènì. Zhə̀fè nyi ekɔ̂ŋ, mə ghɨ ghɛ ə ghe ndamə ekɔ̀ŋ, ndamə sə afɨa àmɔ̀ʼ yî ghə̀ Zhə̀fè, Zhə̀fè endamə sə afɨa àmɔ̀ʼ yî ghə̀ ghənə.