Ɛfesùs 4:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ə̀ nyi vəyn vɛ ə è tè chɔʼ ghɨ mɔʼɔghe ə ndə̀mə̀ sə ghɨətomə, ə chɔʼɔ ghəmɔ̀ʼɔ ə ndə̀mə̀ sə sèfɨ̀aʼtè se ghaʼâsè, ə chɔʼɔ ghəmɔ̀ʼɔ ə ndə̀mə̀ nə ə nə ndâʼà èghɛ ə Fezhə̀ ətelùʼ ətelùʼ ə fɨnə chɔʼɔ ghəmɔ̀ʼɔ nə nə nyi sèfɨ̀aʼtè, ə chɔʼɔ ghəmɔ̀ʼɔ sə setyə̀ynsè.

Ɛfesùs 4:11 ပူးပေါင်းရင်းမြစ်များ

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ətefɨ̂aʼ 21:8

Ə fetuʼ fe komtəfe, ghàs ə ndò ə ndùə fɨə ə Kàisalyà ə ndùə njiə ə wùə vîvè ə ndɛ kə è tè tsâ tom èchùŋ ə Fèzhə̀, zə vəynze e nyi Filìp, ə̀ nyi wùə èmɔ̀ʼ ə fètə̂ ghɨ̀ ə̀ sɛ̀mbɛ ghɛ ə tè chɔʼte nə ə nyi ə̀ghɨ tsamtəghe ə Njèlusalɛ̀m.

Ŋwàʼlè ə̀ Pɔ̂l sê ghɨə Lûmghè 12:7

Ə fo ə̀ Fezhə̀ se wùə nyi nə è fɨ̂aʼ, è və fɨaʼà. Wùə vɛ ə fo ə̀ Fèzhə̀ se vəyn nyi nə è və zaʼlə̂, è ve zaʼlə̂ ə̀ghɨ.

1 Kɔlìŋ 12:4

Kyì tə tefo tə Sezuʼ se Ŋwaʼate tsɨ̀ə kə nyî, pîza mə ə̀ fo kə Sèzuʼ sə Fezhə̀ semɔ̀ʼ.

Ɛfesùs 2:20

Ghàyn nyi ndɛ mə ə ndɔm achiə ətəynke è zaʼlê zɛ ə ghɨətom ə Njisə̀sghè è fɨ̀aʼtèsè tè zaʼlə kûmə̀, èchi epòlə̀ ə ndɛ nə zɨ̂yn nyi ke nâʼà Klâys Njisə̀s è ngɨŋ ə̂ vəyn.

Ɛfesùs 3:5

Ə̀ nyi ə̀ghɛ ndɔ̀ʼɔ fe tyəyn sê ghɨ shiə kə è tyə̀yn paynse zôyn sê ghɨətom eŋwaʼ ə vəynghe è fɨ̀aʼtèsè tɔynə̂ ə Sezuʼ se Ŋwaʼa sə vəynse.

Ɛfesùs 4:8

Ghɛ nə zɨ̂nə̀ m pìə kûmə̀ tèfo nyi kepî kə zɛ ə nyâʼ ə Ŋwàʼlè ə Fèzhə̀ nə: “Ə̀ tè nyi kə è kɛsə kɔʼɔ elùʼ vɛ ə ve ngaŋtə kwəynə, è və kwɨlə è ghɨ kə è tɨm zhi eghɔ̀ŋ, ghe tsɨ̀ə kə nyî, ə è fɨyn chyatè èfɨa sê ghɨ.”

2 Timotì 4:5

Pîza, ò kyi sə̂ chisə̂ ngɨŋ zɛ̂zè nâʼàpî ətə èghɛ èkè, kolə ə̀təm ezə ngəʼze, nə̀yn fɨaʼə wûə vɛ è ndàʼà tom èchùŋ, ə nə̀ èfɨaʼ zɛze ekɨ̂m kə wùə èfɨ̀aʼa ə̀ Fèzhə̀.

Ipilù 5:12

Ghàyn fe nyì sə̂ nyi zôyn, zaʼlə̂ ə̀ghɨ è ghɛ Fezhə̀zè pîza wùə pa kyi kendò se zaʼlə ghàyn è ghɛ ə shighe kûmə̀ tom ə̀ Fèzhə̀. Ghàyn pa kyi ke sə̂ nyɔŋɔ èyiyn nyiə kə ghɔyn epɔ. Ghàyn paʼà nyìəm kwəyn sə̂ zhiə èfɨazhiə e twɔve.

Njût 1:17

Pîza, ghàyn kwaʼte ə soyn sɨmse ghɛ zɛ əghɨtom ə Pɛ̂pɛ ə ghâsènì Njisə̀s Klâys tè tsàyn sê ghàyn sə mɨ.

Etyə̂yn ə paynsêzè 18:20

“Ghàyn ghɛ ə ghàyn ndamə ekwùtwəyn, ghàyn e saŋnə̂. Ghàyn e saŋnə̂ ə ghɨə Fezhə̀ è ghɨətomə, è fɨ̀aʼtèsè kûmə̀ nə Zhə̀fè ə kà saʼ ə̀ Papilɔ̀yn pɔynsə̂ vəyn əghɛ ghɛ ə è tè nə̀yn sê ghàyn!”

Etyə̂yn ə paynsêzè 21:14

Mbàyn ə̀ tɔ̂ŋ èghaʼâ ə̀təyn tè nyi mə ə pɛ etûə ə̀chi ə ghaʼlə̂ echi ə ndɛve njò sepɛ̀. Zə əghɨ̀ ə tom ə Vâ Ndzèghè tè nyi mə ə nyàʼ etûə ə̀chi nə ghɛ, nâʼàpî èchi èkè è kyi ezə emɔ̀ʼ.