Ɛfesùs 4:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Vɛ ə è tè tso ə chi za nyi kepî vɛ ə è tè kɛse kɔʼ elùʼ vɛ ə ve ngaŋtə kwəynə ekwùtwəyn sə̂ nyi etùə èfɨa èkɨ̂m.

Ɛfesùs 4:10 ပူးပေါင်းရင်းမြစ်များ

Matyò 24:34

M pîə sê ghàyn səmɔʼ nə, ghâŋfə mbi ə̀ zofe vayn tə kwutə mɨ̀sè ndɔ̀ʼɔ ghɛ nə ghɨnə mə kyayn.

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Njɔyn 1:16

Ə Vəyn afùʼ kɛ ə ke nyi mə kə lwiyn kwəyn, È və pɔsê ghâsènì əkɨ̂m, ə fo ghâsènì è pɔsê əte kyì əte kyì.

Njɔyn 19:24

Sokə̀ʼse ətəynse e pìə sê ngɨŋ sə ghənə̂sè nə, Ə ghâsènì tàʼa pàytè ə səynse, ə ghâsènì tɨm pèʼ ətəyn ə fe nə̂ ə nə̀ kyîə ndè ə. Ghɛ nə zɨ̂nə̀ tè kyâyn nyî kə ghɛ zɛ ə tè nyàʼ ə Ŋwàʼlè ə̀ Fèzhə̀ kwəyn nə: Ghənə tè chyàte sendzɨs sɨmse sê ngɨŋ sə ghənə̂sè ə tɨmə pèʼ, se chyàtè ə sàŋ Zɨ̂mzè.” Sokə̀ʼ nə sɛ tè nə̀yn ke eghɛ nə zɨ̂nə̀.

Njɔyn 19:28

Epàm ətəyn, Njisə̀s ə fe nə ghɛ ghəkɨ̂m ə mì kə ə tè nyaʼ. Kèpî se lwiynse eghɛ zɛ ə tè nyàʼ ə Ŋwàʼlè ə̀ Fèzhə̀. È və ke pì nə, “Chɨ̀ŋə̀ m̀mò nyîə zafə Mi.”

Njɔyn 19:36

Ghɛ nə ghɨnə tè kyàyn se lwiynsê eghɛ zɛ ə tè nyàʼ ə Ŋwàʼlè ə̀ Fèzhə̀ nə, “Ə tə kəmə va ghəf ə Vəynke nâʼà àmɔ̀ʼ.”

Ətefɨ̂aʼ 1:11

Ndômnè nə ghɨ̂nə̀ ə̀pɛ̀ ə ke ə pfɨf sê chùmtè èpàm nə sɛ nə, “Kûmə̀ ghè ə ghàyn tyəm naynə̂ kɔʼsə̂ è kwùtwəyn nyi ə ghɨ Ngalìlîə? Njisə̀s vɨ̂yn, ə nji ə ghàyn əfètəyn È ve È kɔʼ ekwùtwəyn, tə kɛsə̂ pə̀ kə endom vɛ ə ghàyn fe È ndùə ətəyn.”

Ətefɨ̂aʼ 1:9

Kə Njisə̀s wàmnè mɨ̂sè ghɛ nə ghɨ̂yn, Zhə̀fè ə nə̀ È və kɔʼɔ ekwùtwəyn. Kə ghənə tè pa naynə̂ kɔʼsə̂ ndûə Vəyn, È və kɔʼɔ kə nyi mbàʼsè ə kɨlə fɨ̂nə̀ Vəyn, ghənə ə tàʼa kɛsə fe Vəyn.

Ətefɨ̂aʼ 2:33

Zhə̀fè ə njì Vəyn elùʼ ekɔʼnəve, ə Vəyn ekɔyntwɔve. È və fo Vəyn è Zuʼse Ŋwaʼa sɛ ə È tè tsɨ̀ne nə È tə fo sê vəyn. Njisə̀s ə pɔŋ fo Zuʼse Ŋwaʼa nə sɛ se ghàs, ə̀ nyi səynse ə se nə̂ ghàyn e fe fɨnə zɨə nâʼàpî èghɛ èkè zɛ ə ze kyânə̀ ndâyn.

Ətefɨ̂aʼ 3:18

Pi kə ze tè kyayn za, Zhə̀fè ə lwiynsə̂ èwâmnè ə Vəynze, nâʼà sə mɨ kə È tè tsàyn sê fɨ̀aʼtè sekɨ̂m nə ə pi nə, vɛ ə chɔʼ ndə̂m tə fe ngəʼ.

2 Kolìŋ 12:2

M kendô wùə èpomə vîvè ə Zhə̀fè tè nji è və kɔʼɔ ekwùtwəyn nâʼà elùʼ vɛ ə ve ngaŋte kwəyn. (M laynse ke va nə, è tè kɔʼ ke nâʼà èwiyn əvəyn mə è tè kɔʼ ə telaynəlayn ə.) Ə̀ tɔ̀ʼ ke ke Fèzhə̀. Ə̀ zô nyi pìŋ njòse kyàʼ kə ghɛ nə zɨ̂nə̀ kyàyn.

Ɛfesùs 3:19

Ghàyn nə ke nə kɔ̂ŋ ə vəynze ə tsɛ̀ tɔfe, kə ghàyn ghəʼne kwəyn ə ndamə èndam ə Fèzhə̀zè kè nâʼà àchûŋ.

Kòlosè 1:19

E nyi nyî kûmə̀ nə Zhə̀fè ə tə kɔ̀ŋ Vəyn ə ndə̀mə̀ Vəyn nə È və nyi èghɨ kə̂ Vəyn nâʼàpi ə ghe.

Kòlosè 2:9

Kə ghàyn pomə nə tyə̀ynsè sə akaŋ nə sɛ mə lese ghàyn kûmə̀ nə tyaʼke è tsɨ̂nè ə̀ Fèzhə̀zè nyì ndô əfètəyn èwìyn ə wûə m̀sɔ̀ŋ ə Klaysvè.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

Ipilù 8:1

Ghɛ zɛ ə ghàs paynsə̂ pîə nyi nə ghâsènì nyiə kyi wùə èkɔʼsə nə eshyə̀ engaŋtə kwəynə nyiə kə vɨ̀nə mə, vɛ è tsɨs ə ekɔyn etwɔ ə fekyə̀ fə efɔ̀yn ə Fezhə̀vè ekwùtwəyn.