Ɛfesùs 3:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ghàyn tɔŋə ghɛ nə ghɨynə nâʼàpî ashìŋə̀ àkè ə fe kê nə m ke ndô ghɛ ə ndətə nə ghɛ ə Zhə̀fè pɨaʼtə̂ kûmə̀ Klâys.

Ɛfesùs 3:4 ပူးပေါင်းရင်းမြစ်များ

Matyò 13:11

Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Tom èchùŋ kè kə Lûk tè nyaʼ 8:10

Njisə̀s ə pə̀ynsə̀ nə, “Zhə̀fè ə fo tɔfe sê ghàyn nə ghàyn ə zɨə kê əghɛ ndətə ghɛ ə ghe nyi kûmə̀ èfɔ̂yn ə Fezhə̀e, pîza sê ghɨə mɔʼɔ, m nə wàmnə̀ kə ə sengàyn kə ghənə ə naynə̂ tèluʼ pîza fe va fɨa, zɨə əghɛ pîza kê va ghɛ zhize.”

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

1 Kɔlìŋ 13:2

M kaʼa m mə kyi èfo se fɛtə ndaʼà eghɛ ə Fezhə̀zè, nyi kàʼa m mə ke ə̀ghɛ ə̀kɨ̂m, nyi kàʼa m zɨ kê ə̀ghɛ ə ndətə ghəkɨ̂m, m kaʼa m mə kyi èpomə̂ mə ze kaʼa ə ze muʼ pfɨ̀yn, pîza mə m kiva kɔ̂ŋzè, ə zə nyi nə m va nâʼà àfɨa kyîke.

1 Kɔlìŋ 4:1

Ghɨ kyi sə̂ njîə ghàs kə̂ ghɨ fɨaʼa ə Klâys ghɛ ə Zhə̀fè nyi mə fe ə fo fɨ̂aʼzè nə ghàs ə ndaʼà ə̀ghɛ ə ndətə səmɔʼɔ kûmə̀ vəyn.

2 Kolìŋ 11:6

Ə m va pî se kàʼa m wamne achûŋ əghɨghe əshi, pîza m nyîə kyi ètɔf. Ghàs ə kàynè tyəyn ghɛ nə zɨnə se ghàyn ndom tekɨ̂m nə ghàs nyîə kyi ètɔf.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Ɛfesùs 3:3

Ə̀ nyi eghɛ e ndətə zɛ ə Zhə̀fè tè pɨaʼte ndəm, ə̀ ke ke vəyn, tè tyə̀yn paynsê sê mi, kè eghɨ kə m se nyi mə mə səyne ə nyàʼà.

Ɛfesùs 3:9

fɨnə ndâʼà paynsə̂ èndom vɛ ə fɨ̂aʼ ekayntə Fèzhə̀ nə zɨ̂nə̀ kwìə ətəyn nâʼàpî se ndè. Ə̀ nyi eghɛ zɛ ə Zhə̀ fɛ ə fe fɛtə fɨa vekɨ̂m tè ndə̀te sê ghɨ ə shiə kə ə nyi zôyn,

Ɛfesùs 5:32

Zaʼlə ekayntəze nyiə nyi eghɛ nə zɨ̂yn. Pîza, m wàmnə̀ elùʼ nə vɨ̂yn kûmə̀ Klâys yî ndɛ ə̀ Fèzhə̀,

Ɛfesùs 6:19

Ghàyn nə tsə̂mə̀ kəpî sê mi nə m njî ghɛ ə Fezhə̀zè se tsàyn, m ke ghɛ zɛ kə m pi, nə m tsâ ghɛ ə ndətə ghɛ ə Zhə̀fè tyə̀yn sê ghâsènì ə tom èchùŋ, kə m fayn fɨake.

Kòlosè 1:26

Nâʼà epàm ə sepìŋ se tsɨəse, ghɨə tè zɨə kê va tom ə̀ vəyn, pîza è və nə̀yn nə ghɨ ə vəynghe ke tom ə̀təyn ndàyn.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

Kòlosè 4:3

Ghàyn e pɔŋɔ tsə̂mə̀ sê ghàs nə, Zhə̀fè nəyn ə ghàs kyi zhəm echûŋkè se ndàʼà ə tom kûmə̀ ə̀ghɛ ə ndətə ə Klâysghè. Kûmə̀ nə m nyi ə ndɛ ə̀ chaʼ kûmə̀ tom èchùŋ nə zɨ̂nə̀.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

1 Timotì 3:9

Ghənə kyi sə̂ tyəmə kə səmɔʼ zɛ ə tè tyə̀yn paynsê sê ghənə, ə̀ nyi səmɔʼ kûmə̀ èkyî epomə̂zè mə təm ə ghənə̂ghè saʼa va ghənə.