Ɛfesùs 3:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ghàyn nə ke nə kɔ̂ŋ ə vəynze ə tsɛ̀ tɔfe, kə ghàyn ghəʼne kwəyn ə ndamə èndam ə Fèzhə̀zè kè nâʼà àchûŋ.

Ɛfesùs 3:19 ပူးပေါင်းရင်းမြစ်များ

Matyò 5:6

Pɔsê nyì sê ghɨ ghɛ ə chɨ̀ŋ zafə ghənə sə̂ nə̂ ə̀ghɛ ghɛ Zhə̀fè kyiŋə. Zhə̀fè tə fo sê ghənə kè kə ghənə kyiŋə.

Njɔyn 1:16

Ə Vəyn afùʼ kɛ ə ke nyi mə kə lwiyn kwəyn, È və pɔsê ghâsènì əkɨ̂m, ə fo ghâsènì è pɔsê əte kyì əte kyì.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Ŋwàʼlè ə̀ Pɔ̂l sê ghɨə Lûmghè 8:35

Ə̀ kàʼa ə̀ chyase nâʼà ndè ghâsènì ə Klâys e kɔ̀ŋ ə? Ə̀ kàʼa ə̀ chyase tsôsvè mə, əghɛ kə ghe tɛ mə, ə̀ nyi etsə̂fsè mə, ə chɨ̀ŋ kə è zafə ghâsènì mə, afɨf mə, əghɛ ə kwəmnəghe kə ghe tsɨŋsə̂ ghâsènì mə, nâʼà èkwu zɛ ə ze nyi se tə pə̀yn sê ghâsènì mə?

Ŋwàʼlè ə̀ Pɔ̂l sê ghɨə Lûmghè 8:39

Kɨ̀sə ə̀ nyi atyaʼ ə mbi kɛ ə ke nyi ekwùtwəyn, kɨ̀sə ə̀ nyi kɛ ə ke nyi ə chi, fɨa kyîke va əfètə̂ èfɨa vɛ ə Zhə̀fè nyi mə Fe ə pom kɛ ə ke kaʼa ə ke chyase ghâsènì ətê èkɔ̀ŋ zɛ ə Zhə̀fè kyi sê ghâsènì tɔynə̂ sê Njisə̀s Klâys Pɛ̂pɛ ə̀ ghâsènì.

2 Kolìŋ 5:14

Ghàs nə̂ èfɨ̂aʼ zɨ̂nə̀ mə ghàs vayn kàʼa faŋ kûmə̀ kə Klâys kɔ̂ŋɔ̀ ghàs nâʼà sə ŋaŋ. Ghàs nyîə ke nə È tè kwu ke sê ghɨə əkɨ̂m, ze tyə̂nə̀ nə ghɨ ghəkɨ̂m ə tè kwu yî vəyn.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ɛfesùs 1:23

Ndɛ ə̀ Fèzhə̀ nə zɨ̂nə̀ nyi ewiyn ə Klaysvè, fiə àtyaʼ akɨ̂m kè sê vəyn, ə̀ nə̂ vəyn nə nâʼàpî ghè ə nyi, nâʼàpî ghayn.

Ɛfesùs 3:18

kə ghàyn ə tsɨ̂yntə̀ tɔfə kwəynə̂ ghâynghə̀ ghɨə Fezhə̀ mɔ̀ʼɔ sə̂ ke nə kɔ̂ŋ ə Klâys zə zhamə kə luʼte kɨ̂m.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

Ɛfesùs 5:25

Ghàyn e kɔ̂ŋɔ̀ ə̀zəyn ghaynghe ə ndômnə̀ kèpî èghɨ kə Klâys tè kɔŋ ndɛ ə̀ Fèzhə̀ ə fo ngɨŋ ə̂ vəyn se kwu kûmə̀ zə̂ynzè.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Filìpây 4:7

Ə ghàyn nə̂ nyi, ə Zhə̀fè nəyn ə ghàyn ə nyi è pɔ̂ynè, ə pɔ̂ynè zɛ è ngaŋtə tsɛ̂ ndom vɛ ə wùə m̀sɔ̀ŋ kàʼa è kwaʼte ətəyn. Pɔ̂ynè tə tsâmtə̀ ghàyn nə ghàyn ə kyi va fɨmsêzè kûmə̀ nə ghàyn nyi əghɨ ə Njisə̀s Klâysghè.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.