Ɛfesùs 3:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Zhə̀fè nyiə kyi èghaʼ nâʼà sə ŋaŋ. Ə̀ za nyi eghɛ zɛ m tsə̂mə̀ nə fe fo tyaʼa ə ghàyn ə təm tɔynə̂ ə və Sèzuʼ,

Ɛfesùs 3:16 ပူးပေါင်းရင်းမြစ်များ

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Ŋwàʼlè ə̀ Pɔ̂l sê ghɨə Lûmghè 2:29

Pîza wùə vɛ ə̀ lote nyi wùə Njûs, ə̀ nyi wùə vɛ ə è nyi wùə Njûs ə vəyn əfètə̂ ə̀təm, e za tyə̀ nə ə̀ nyi wùə vɛ ə nyi mə ə se nam ə vəynghe ə vəyn ə fètəyn. Ə̀ nyi Sezuʼ sə Fezhə̀sè ə se nə̂ fɨ̂aʼ nə zɨ̂yn, ə̀ vachi nə wùə chùmtə̀ àlaŋ kɛ ə nyi mə ə nyàʼ. Ə̀ tsîtə̀ Fèzhə̀ è wùə nə vɛ mə, ə̀ vachi wùə m̀sɔ̀ŋ.

Ŋwàʼlè ə̀ Pɔ̂l sê ghɨə Lûmghè 7:22

Ə̀ mì əfètə̂ ə̀təm, m kɔ̂ŋə̀ se chùmtè alâŋ ə Fezhə̀kè è təm ghɨmghe əkɨ̂m.

Ŋwàʼlè ə̀ Pɔ̂l sê ghɨə Lûmghè 9:23

Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

2 Kolìŋ 12:9

chyatə pî ashìŋə̀ akè, È və pìə kə sê mi nə, “Fùʼ kɨmke ə kwəyn se ghò kûmə̀ nə tyaʼke fɛtə̂ tyə̂nə̀ èwiyn ashìŋə̀ kɛ ə pɔylê ewìynze nyi.” E za tyə̀nə̀ nə m nə pfɨnə̀ àngàŋtè nâʼà sə ŋaŋ kûmə̀ ə̀ghɛ ghɛ ə m pɔlə̂ ətəyn kə tyaʼa Klayskè nji ə ke ə ndamə ə mì ewìyn.

2 Kolìŋ 4:16

Ə̀ za nyi eghɛ zɛ ə ghàs pɔ va sə̂ nə̂ èfɨ̂aʼ nə zɨ̂yn. Naʼapi kə njà sewìyn sasse pɔylə ndùə, zuʼ sas se e tɛ nduə kə èshike.

Ɛfesùs 1:18

M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Ɛfesùs 2:7

È tè nəyn nyi kə ə tə nə ə nyi pî etuʼ èkè, əghɨə fe nə tɔ̂ʼnè ekayntə ə vəynze kyi va liŋze, ə nyi zɛ ə è kɔ̀ŋɔ̀ ghâsènì ətəyn ə tyə̂nə̀ tɔynə̂ ə Klâys Njisə̀s.

Ɛfesùs 3:15

ə̀ nyi vəyn vɛ ə è zhə̀tè sas ə sendɛ ghɛ ə ghe nyi ekwùtwəyn fɨyn nyi ə chi nâʼà ə̀kɨ̂m.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Ɛfesùs 6:10

Se kwùŋsè, m pìə nə ghàyn zaʼne kə Zhə̀fè ewìyn, ə fe fo tyaʼa sê ghàyn kûmə̀ nə fe kyi ndô tyaʼa kayntəke.

Filìpây 4:13

M kaʼa m tsɛ tɔynê nâʼàpî mtsəfle m̀kè tɔynə̂ atyaʼ kɛ ə Klâys fo sê mi.

Filìpây 4:19

Zhə̀ fɨmfe nə̀ fo nâʼàpî àkè kɛ ə ghàyn kyiŋə, ə vəyn ə fètə̂ èghaʼ etsɨə zɛ ə È kyi tɔynə̂ ə Njisə̀s Klâys.

Kòlosè 1:11

M tsə̂mə̀ nə Zhə̀fè fo tyaʼa kayntə ə Vəynke sê ghàyn kə ghàyn ə tɛ, kə ghàyn ə kolə ə̀təm, fɨnə kyîə ə̀təm, ghàyn e saŋnə̂ əghɛ ə̀kɨ̂m.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

2 Timotì 4:17

Pɛ̂pɛ ə tè faŋ ghasè vəyn ə tɔ̀ʼɔ̀ mi kə m kyi tyaʼa se tsàyn ə mɨ̀sè ətom èchùŋ sê ghɨ ghɛ ə̀ tè vachi ə̀ghɨ ə Njûsghè əkɨ̂m, ə fɨnə fɨsə̂ mi ə̂ kwuze echo.

Ipilù 11:34

Ghənə ə tə ndɨmsê wûsə̀m m̀ pɛ è tyaʼa. Ghənə tə kê se ndo tə əghɨ ghɛ ə tè kyiŋə se zhwiə ghənə è nyimè. Pi kə ghənə tè kyi va tyaʼa, ghənə ə kə̀mnə̀ sə əghɨ̀ atyaʼghe; ghənə ə kê se nò eghɔŋ nâʼà àchuŋ, ə nò ə zhiə sè sokə̀ʼ sə tèndâʼà tə mɔ̀ʼɔte.

1 Pità 3:4

Tsɔ̂f ətəynze pɨl kyi sə̂ nyi ə ghàyn ə tendam. Kyì etsɔ̀f nə zɨ̂nə̀ mə mə ze mɨsə̂ va nyi se wùə vɛ ə è kyi zuʼse pɔynəse, zɨnə mə nyîə kɔʼnə̂ ə Zhə̀fè əshi nâʼà sə ŋaŋ.