Ɛfesùs 3:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ ə fe nəyn ə zuʼse è twɔʼ vɛ ə ve tàyntə̀ tsɛ̂ ekwùtwəyn nə ke ètɔf eghaʼâ ə Fezhə̀ zɛ ə fe tyə̀nə̀ kə ə tendom ə tendom tɔynə̂ endəmə̂ ə ndɛ ə̀ Fezhə̀zè,

Ɛfesùs 3:10 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 11:33

Ghàyn fe kə Zhə̀fè kyi ghaʼze ə! Ghàyn fe kə è ke ghɛghe əkɨ̂m, kyi ètɔf eghaʼâzè ə. Wùə vîvè vayn kàʼa è ke kə Zhə̀fè nə̀ ghɛghe. Wùə vîvè vayn kàʼa è ke ndom vɛ ə Zhə̀fè nə̀ ghɛghe ətəyn.

Ŋwàʼlè ə̀ Pɔ̂l sê ghɨə Lûmghè 8:38

M kendô səmɔʼ nə fɨa kyîke vayn chyàsə ghâsènì ekɔ̀ŋ zɛ ə Klâys kyi sê ghâsènì, kɨ̀sə ə nyì pî èkwu kɨ̀sə ə̀ nyi endam, kɨ̀sə ə̀ nyi sètsì kɨ̀sə ə̀ nyi etu ə tendâʼàvè, kɨ̀se ə̀ nyi etwɔʼ ekwùtwəyn. Kɨ̀sə ə̀ nyi ashîŋə̂ kɨ̂ynə̀ ə ghâsènì nyi ətəyn, kɨ̀sə ə̀ nyi kɛ ə ke tə pə̂.

1 Kɔlìŋ 1:24

Pîza sê ghɨ ghɛ ə Zhə̀fè tɔŋə, kɨ̀sə ə̀ nyi əghɨə Njûsə̀, kɨ̀sə ə̀ va əghɨ ə Njûsə̀, ghənə ke nə Zhə̀fè tyə̀nə̀ àtyaʼ ə vəynke è tɔf eghaʼâ ə vəynze tɔynə̂ ə Klâys.

1 Kɔlìŋ 2:7

Tɔf eghaʼâ zɛ ə ghàs ndàʼà kûmə̀ zəyn nyi etɔf eghaʼâ ə Fezhə̀ zɛ ə wùə vîvè tè keva mə ə ndə̀tè se ghɨ msɔ̀ŋghe, pîza Zhə̀fè ə tə ndə̀m tsɔ̀fə kə Fe fɛte mbi zɨ̀nə nə, tɔf engaŋtə ətəynze tə nə̂ ə ghâsènì ə nyi èpomsêzè.

Ɛfesùs 1:21

È ve tsɨs fumə zôyn, saʼa nâʼà sèzuʼ sèkɨ̂m è twɔʼve ekɨ̂m, ngaŋtə tsɛ̂ nâʼàpî fɔ̀yn èkwə̀ ə mbiə zôyn è mbi zɛ ə è tə pə̂.

Ɛfesùs 1:23

Ndɛ ə̀ Fèzhə̀ nə zɨ̂nə̀ nyi ewiyn ə Klaysvè, fiə àtyaʼ akɨ̂m kè sê vəyn, ə̀ nə̂ vəyn nə nâʼàpî ghè ə nyi, nâʼàpî ghayn.

Ɛfesùs 1:3

Ghâsènì e kɔʼsə Fèzhə̀, ə Pɨ̀a Pɛ̂pɛ ə̀ ghâsènì Njisə̀s Klâys. Fə pɔsê ghâsènì ə sezuʼ è fɨa e chûŋ vekɨ̂m vɛ ə ve nyi ekwùtwəyn tɔynə̂ ə Klâys.

Ɛfesùs 1:8

Fe tɔ̀ʼnə̀ ndò è ghâsènì endom kayntəve.

Ɛfesùs 6:12

Ghàyn nəyn nyi kûmə̀ nə ghâsènì nô va ghɨghe. Ghâsènì pɨlə nô sèzu se pi sɛ ə se tàyntə̀ tsɛ̂ ekwùtwəyn è twɔʼ vɛ ə ve saʼa mbi zɨ̀yn nâʼà èkɨ̂m è zhə̀ mə mbimè.

Kòlosè 1:16

E nyi nyiəmə kûmə̀ nə ə̀ nyi tɔynə̂ se Klâys, ə Zhə̀fè ə tè pom fɨave ekɨ̂m vɛ ə ve nyi ekwùtwəyn è kɨsè əchi. È və pom vɛ ə kaʼa fe è shize, è kɨsè vɛ ə vayn kaʼa fe è shize. Ə̀ tè pom vəyn e tu ə tendaʼàvè è kɨsè twɔʼve ekɨ̂m. Zhə̀fè tè pom efɨa èkɨ̂m tɔynə̂ ə vəyn, ə̀ nyi kûmə̀ vəyn ə Zhə̀fè tè pom fɨa nə vɨnə mə.

Kòlosè 2:10

Nyiəmə, ghàyn ə kyî ndam efɨ̂plèzè kûmə̀ nə ghâyn ghə̀ Klâys nyi əmɔʼ, ə nyi vəyn vɛ ə twɔʼve ekɨ̂m, è tuə tendaʼàvè ekɨ̂m nyi ə vəyn etyə̀.

Kòlosè 2:15

Zhə̀fè ə tə tɛ tsɛ twɔʼve, è kɨsè tu ə te ndaʼàvè ə mbi. Kwu ə vəynze awâmnè ə tə nə̀yn nâʼàpî ndè ə fe nə tyaʼa vəynke ə tɛ tsɛ twɔʼve ekɨ̂m.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

1 Pità 3:22

È və zòmə̀ ə kɛsə kɔʼɔ ekwùtwəyn, sè tsɨs zôyn ə Zhə̀fè ekɔyntwɔve, saʼa sètsì sèkɨ̂m, fɨnə saʼa sèzuʼ sèkɨ̂m sɛ ə se kyi twɔʼve.