Ɛfesùs 2:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ È və kim nâʼà lwɔ̂ŋ ə Njûsvè ekɨ̂m tɔynə̂ ə vəyn ekwu nə zɨ̂yn kə ghɨ ghasènìə fɨ ke sə wùə èmɔ̀ʼ tɔynə̂ ə vəyn, ə pɔ̂ynè ə nyi.

Ɛfesùs 2:15 ပူးပေါင်းရင်းမြစ်များ

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ngàleshyà 3:10

Ghɨ ghɛ ə ghe kwaʼtə̀ nə ghənə tə nə̂ ə nyi chichi ə Zhə̀fè əshi mə ghənə ndə̂mə̀ Àlâŋ, tə kyîə ndi ə̀ Fèzhə̀ kûmə̀ nə ə nyàʼ ə Ŋwàʼlè ə Fèzhə̀ nə, “Ndi ə̀ Fèzhə̀ tə nə̂ ə è zə nyi ə nâʼàpî ndè vɛ ə è ndə̀mə̀ va nâʼà pi àlaŋ àkè kɛ ə nyi mə ə nyàʼ ə ŋwàʼlè àlaŋ.”

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ngàleshyà 6:15

Kɨ̀sə se nam ghaynghe, kɨ̀sə ə tàʼa se, zɨnə mə kyi va ghɛ zhîze se nə̀yn. Ghɛ etɛ nyi ke nə, Zhə̀fè nəyn, ə ò kɛse ə ô nyi wùə èfe.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Ɛfesùs 2:14

Klâys ə zùŋtè ghâsènì, ghâsènì e fɨnə pofə va. È və nə̀yn nə ghɨ Njûsə̀ è ghɨ ghɛ ə̀ vachi ə̀ghɨ ə Njûsghè ə nyi ke sə eghɛ èmɔ̀ʼ. È və kəʼsê kɨ̀ŋtè kɛ ə ke tè chyâsə ghâsènì èwiyn ə vəynve.

Ɛfesùs 2:16

Kwu ə vəyn nə zɛ awâmnè ə nə̀yn pofə ə ghasènìze ə mîə, è və kɛsə njìə ndùə è ghâsènì sê Zhə̀fè se afɨa àmɔ̀ʼ.

Ɛfesùs 4:16

È nə̂ pɨ̂as ewìyn vekɨ̂m e nyi ke afɨa àmɔ̀ʼ, nâʼàpî azhûŋ àkè ewìyn e tsâmtə̀ se kyiə ewiyn ekɨ̂m. Naʼapi apâs àkè e piə ke fɨaʼà ndò, ke fɨ̂aʼà kə ke kyi sə̂ fɨ̂aʼà, wiynve ekɨ̂m e ndəmə̂ fɨnə fɛtə tɛ kûmə̀ nə pɨ̂as ətəyn nyîə kɔ̂ŋɔ̀ sèngɨŋ.

Kòlosè 2:14

È nyi kəpiə è və zə̀s tsɨsè pi sə ghâsènì sekɨ̂m elùʼ vɛ ə è tè nyaʼ. E tyə̂nə̀ nə pi ə̀təyn fɨyn va. Zhə̀fè ə payntê pi ə̀təyn awâmnè, kè kə è paynte Klâys awâmnè, è ve kwu.

Kòlosè 2:20

E nyi zôyn kəpi ghàyn ə kwu paʼse ghâynghə̀ Klâys. Nyiəmə lwɔ̂ŋ ə mbive fɨyn kyi va tyaʼke ə ghàyn ətu. Ə̀ nəyn ghe nə ghàyn ə pa chûmtə̀ èlwɔ̂ŋ nə vɛ mə kəpiə mbi fɨyn kyi ndò tyaʼke ə ghàyn ətuə?

Kòlosè 3:10

Zôyn, ghàyn ə kàynè maʼ wiyn efeve. Zhə̀fè ə ndə̀m ndam efeze ə ghàyn fètəyn, ə nə̀ ze zɛ ə ze ndəmə kə ghàyn ə nyi kə vəyn, tɔʼ ke vəyn nâʼà àchûŋ, ə vəyn vɛ ə è pom ghàyn. Kə ghàyn kyi ndam efe zɨ̂nə̀, ze ə nə̀yn,

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Kòlosè 3:15

Klâys ə nə̀yn ghàyn e nyi è pɔ̂ynè è ngɨŋ saynse. Nyiəmə, pɔ̂ynè nə zɛ mə kyi sə̂ chisə̂ nâʼàpî èghɛ èkè zɛ ə ghàyn nə̀. Ghàyn kyi sə̂ fo àzɔ̀ŋnè se Zhə̀fè shîŋə̀ tekɨ̂m.

Ipilù 7:16

Ə tè paʼà ndə̂m vəyn sə wùə èkɔʼsə nə èshyə̀ tɔynə̂ elwɔ̀ŋ ə ghɨ̀vè pîza tɔynə̂ atyaʼ endam zɛ ə ze tə mîə va.

Ipilù 8:13

Sə̂ tɔŋtə̂ m̀kâyn mɨ̂nə̀ nə, “me èfemè”, endom nə vɨnə mə, è nə̀ nə ə mə shîmè mɨse; mə nâʼàpî àkè kɛ ə ke mɨsə, pofə, ə ke tə môtè ke nyi ə ke saŋ.

Ipilù 9:23

Fɨa vɛ ə ve nyi efusè ə vɛ ə ve nyi ekwùtwəyn tè nyi nə shu zosê endom nə vɨnə mə. Pîza fɨa vɛ ə ve nyi ekwùtwəyn pɨlə kyiŋə tèfo tɛ ə te tsɔfə tsɛ tɛ ə fo sê fûsèvè.