Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛfesùs 2:13 - Ŋwàʼlè ə̀ Fèzhə̀ Mkâyn Mə̂ Fèm

13 Ghàyn tè tyəm nâʼà sə aghaf, paʼsə̂ va sê Zhə̀fè, pîza zôyn e sè nyi mə ghàyn ə pə̀yn paʼsê tɔynə̂ ə Klâys Njisə̀s, kûmə̀ m̀ndəm mɛ ə è tè sɨs ə ghâsènì ətu tsɔ̀fə kə è kwu.

အခန်းကိုကြည့်ပါ။ ကော်ပီ




Ɛfesùs 2:13
41 ပူးပေါင်းရင်းမြစ်များ  

Ndzè sə mɔ̀ʼɔse nyi ndô mə ə̀ kyi Mi mə se va fa mbàynə̀ sèndzè. M kyi se pə kəpì è səynse. Se nə zɨtə̂ kyə̀ zɨ̂mzè, ə se pəyn sə̂ nyi ə mbàyn èmɔ̀ʼ, kyi ke ngyəyn èmɔ̀ʼ.


Shimùyn ə kwùʼ tsayn paynsê se ghàs kə Zhə̀fè tè chwìte tɔ̂ʼnè ə Vəyn sə shi sê ghɨ ghɛ ə̀ vachi ə̀ghɨ ə Njûsghè, mə Fe njîə fɨsə̂ ə̀ghɨ ghənə ə fètəyn nə ghə nyi ə̀ghɨ Vəynghe.


Tsɨ̂nè ə Fezhə̀ nə zɨ̂nə̀ pə̀ sê ghàyn è ghɔyn ghaynghe è ghɨghe əkɨ̂m ghɛ ə ghe nyi ə tendomte tyâtè. Ə̀ nyi əghɨ ghɛ ə Pɛ̂, Zhə̀fè ghâsènì Fe tɔŋɔ nə ghe pəyn sê Vəyn.”


Pɛ̂pɛ ə pìə sê mi nə, ‹Nduə, kûmə̀ nə M nə̀ tomə ghò nâʼà sə aghaf sê ghɨ ghɛ ə̀ vachi ə̀ghɨ ə Njûsghè.›”


Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”


Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.


Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.


Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.


Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.


Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.


Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.


Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.


Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.


Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.


Kə ghàyn lɛse nə ə tè nyi za, ghàyn e kyi va ghɛze se nə̀yn è Klâys, va anɔ̀yn ə ghɨə Isìlâykè, kyi va ghɛze ə tetsɨ̀nè tɛ ə Zhə̀fè tè fo sê ghənə. Ghàyn tè tsɨ̀nə̀ ndamə kə ndò ə mbi, kwâʼtə̀ va chùŋ zhîzè elùʼ, ke pî va Zhə̀fè.


Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.


Zhə̀fè tè zòmse Klâys Njisə̀s paʼsə̂ kə è ghâsènì kaʼke amɔ̀ʼ ə ndə̂mə̀ Vəyn è ghâsènì əfekyə̀ fə tefɔ̀ynfè ekwùtwəyn kə è və saʼa, ghâsènì e pɔŋɔ saʼa ə Və atyaʼ.


Ə̀ za nyi eghɛ zɛ ə tè nyi nâʼàpî mkàyn me mɨ̂mè, e kyi se tsosê mndəm nə ghɛ ə təynze ə kyi m̀kɔʼnè.


M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.


Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ