Ɛfesùs 1:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Zhə̀fè tè se nyi mə Fə ndə̀m nə Fe tə njìə ghâsènì sə və ə ghɔyn tɔynə̂ ə Njisə̀s Klâys, mə ə̀ kɔ̀ŋ kê vəyn ə saŋnə̂ ndə̀mə̀ nə zə nyi nyî.

Ɛfesùs 1:5 ပူးပေါင်းရင်းမြစ်များ

Matyò 1:25

Pîza ə tàʼa pɨəyn è Mèli se zaʼâ kə è piə vâyn èndômə̀. Njosɛ̀f ə tsɨ̀ə èzə ə vəyn nə Njisə̀s.

Matyò 11:26

Èn ə pɛ̂, ə̀ nyi nyiə mə kə Ò tè kyiŋə nə ze kyayn.

Tom èchùŋ kè kə Lûk tè nyaʼ 10:21

Ə tè nyi kepî ashìŋə̀ nə kɛ, Zuʼ se Ŋwaʼase ə nə̀, Njisə̀s è saŋnə̂ nâʼà sə ŋaŋ ə ke tsə̀m nə, “Pɨ̀a vɨm, Pɛ̂pɛ vɛ ə ò saʼa wuləke è chia, m fo àzɔ̀ŋnè sê ghò kûmə̀ nə ò ndə̀tə̀ ghɛ ghɨyn sê ghɨ ghɛ ə ghənə kwâʼtə̀ nə ə tɔfə ndò ə tyə̀nə̀ sê ngou. Səmɔʼ ə Pɛ̂, ə̀ kɔ̀ŋ kê ghò se nə̀yn nyiə mə.”

Tom èchùŋ kè kə Lûk tè nyaʼ 11:32

Ə̀ tə pə̀ ə nyi etuʼ e saʼ ə Fezhə̀e, ə ghɨə Ninevìə tyəm ə kwânə̀ ngwàʼ zɨ̂nə̀ kûmə̀ nə ghənə tə zɨte zaʼlê ə Njonàe ə pə̀ynsə̀ ətəm ə ghənə sepise ə zà endam ə epi ə ghənəè. Ngwàʼ zɨ̂nə e sè kyi wùə zôyn, è tsɛ̂ Njonà, pîza pə̀ynsə̀ va təmə ghənə sê pi.”

Tom èchùŋ kè kə Lûk tè nyaʼ 12:32

Kə ghàyn ə fânə̀, nâʼàpî kə nɔ̂nə̀ faynfe tətə, kûmə̀ nə Pɨ̀a vâynvè ə kɔ̀ŋ se fo eluʼ əfètə̂ èfɔ̀yn ə vəynve sê ghàyn.

Njɔyn 1:12

Pîza, sê ghɨ mɔʼɔ ghɛ ə ghe tè fi ndzɨsê Vəyn ə pomə sê vəyn, è və fo àtyaʼ nə ghənə ə nyi ə̀ ghɔyn ə Fezhə̀ghè.

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Njɔyn 20:17

Njisə̀s ə pìə sê vəyn nə, “Kə ò kom mi kûmə̀ nə m pâʼà nyìəm ndu sê Pɨ̀a Vɨ̂mvè. Pɨl ndù sê chùmtè èpàm sɨmse, ə ghɔnyì ghɨmə ə tsà se ghənə nə M kɛsə̂ ndùə sê Pɨ̀a Vɨ̂m vɛ ə̀ nyì kepî Pɨ̀a vâynvè. È nyi Fèzhə̀ fɨmfe, ə̀ nyi kepî Fèzhə̀ faynfe.”

Ətefɨ̂aʼ 13:48

Kə ghɨ ghɛ ə̀ tè vachi ə̀ghɨ ə Njûsghè zɨ ghɛ ətəynze, saŋnə̂ nâʼà sə ŋaŋ, tsîtə̀ tom ə̀ Fèzhə̀. Ghɨ etsɨəghe ə pomə sê Pɛ̂pɛ Njisə̀s, ə̀ nyi ghɛ ə Zhə̀fè chitê nə ghənə kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 8:23

Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.

1 Kɔlìŋ 1:1

Ə nyaʼ mi Pɔ̂l ŋwàʼlè zɨ̀yn. Ə̀ tɔŋə Fezhə̀ mi nə mə nyi wùətom ə̀ Klâys Njisə̀s. M nyâʼà ŋwàʼlè zɨ̀yn ghasè ànyìə ghâsènì Sòstinìs.

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

2 Kolìŋ 6:18

ə mə nyi Pɨ̀a sê ghàyn, ə ghàyn ə nyi ə̀ ghɔyn ghɨmghe ndomə̀ghè è ghe zəynghe, ə̀ pi Fezhə̀, pɛ̀ àtyaʼ akɨ̂m.”

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ɛfesùs 1:11

Fe ə chɔʼ ghâsènì nə ə nyi ə̀ghɨ Vəynghe tɔynə̂ ə Njisə̀s Klâys kè eghɨ kə fe tè pɨaʼte ndəm tsɔ̀fə kə Fe pom mbi. Nâʼàpî ghè kyànə̀ kə endom vɛ ə Zhə̀fè kyiŋə nə zə kyânə̀ ətəyn.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Filìpây 2:13

Kûmə̀ nə ə̀ nyi Fezhə̀, ə Fe fɨaʼà ə ghàyn ə fètəyn, tsâmtə̀ ghàyn nə ghàyn ə kɔŋə̀ se nə̀yn, nyi se kaʼa nəyn fɨ̂aʼ zɛ ə ze tsɔ̂fə̀ sê Vəyn.

Kòlosè 1:19

E nyi nyî kûmə̀ nə Zhə̀fè ə tə kɔ̀ŋ Vəyn ə ndə̀mə̀ Vəyn nə È və nyi èghɨ kə̂ Vəyn nâʼàpi ə ghe.

2 Tèsàlonikà 1:11

Ə̀ za nyi eghɛ zɛ ə ghàs tsə̂mə̀ sê ghàyn shîŋə̀ tekɨ̂m nə Zhə̀fè ə ghasènìfe nəyn ə ghàyn ə ndamə èndam zɛ ə ze kwəynə mə za nyi zɛ ə fe tɔŋɔ ghàyn nə ghàyn ə ndamə. Ghàs tsə̂mə̀ nə fe fo tyaʼa ə ghàyn ə nə̂ ə̀ghɛ əchûŋ ghɛ ə ghàyn kɔ̂ŋɔ̀ sə̂ nə̂, ə fɨyn nəyn mɨ̂sè ə̀ghɛ ghɛ ə kyî epomə̂ zaynze ə Njisə̀s tyə̀nə̀ nə ghàyn ə nə̂.

Ipilù 2:4

Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.

1 Njɔyn 3:1

Ghàyn fe kə Zhə̀fè kɔ̀ŋə̀ zaʼâ ghâsènì ə. Fe ə nə̀yn e tɔŋtə̂ ghâsènì nə ghɔ Fezhə̀ghè, mə ə̀ ndɨŋ nyi afɨa kɛ ə ghâsènì nyi kəynke. Pîza ghɨ ghɛ ə̀ nyi əghɨ ə mbighe fe kê va ghâsènì kə ghɔ Fezhə̀ghè kûmə̀ nə ghənə ke kepî va Zhə̀fè.

Etyə̂yn ə paynsêzè 21:7

Ə̀ nò zhi nâʼà pîndè, m fo fɨa vɨ̀nə sê vəyn, m mə nyi Fezhə̀ fə vəynfe, è ve nyi vayn vɨ̂m.