Ɛfesùs 1:22 - Ŋwàʼlè ə̀ Fèzhə̀ Mkâyn Mə̂ Fèm

²² Zhə̀fè tè fo efɨa èkɨ̂m ə və gho ə fɨnə ndə̀mə̀ vəyn nə è və nyi àtu əghɛ ə̀kɨ̂m ə ndɛ ə̀ Fèzhə̀.

Ɛfesùs 1:22 ပူးပေါင်းရင်းမြစ်များ

Matyò 16:18

M pîə sê ghò Pità nə, ò nyi anayn, mə fa etûə anayn M nə̀ pɛ ndɛ àtsɨ̂ynte zɨ̂mzè. Mə pî àtyaʼ ekwuke vayn kaʼa ə ke nəʼse zə̂ynzè.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

1 Kɔlìŋ 11:3

Pîza m kyiŋə nə ghàyn fe kê nə, Klâys nyi atu sê nâʼàpî wùə endômə̀ èkè, wùə ndomə̀ e nyi àtu se zhwîə vəyn, Zhə̀fè nyi àtu se Klâys.

Ɛfesùs 3:21

Ə pomsê ə vəyn nə zɛ faŋ ke ndò sê ghɨ ghɛ pomə ghɛ ghɛ ə ghe nyi əfètə̂ Klâys Njisə̀s sə teshìŋə̀ tekɨ̂m! Ə zə nyi ke za.

Ɛfesùs 5:23

Ghàyn ke nə wùndômə̀ nyi nyî nyi àtu sê zhwiə vəyn kèpi èghɨ kə Klâys nyi atu sê ndɛ ə̀ Fèzhə̀ mə za nyi ewiynə vəyn, ə sɔ̂zâ vəyn ghɨ ətəynghe.

Kòlosè 1:18

È nyi atu sê ghɨə pomə nâʼà ə̀kɨ̂m, ghe nyi kə ewiyn ə vəynve. Ə̀ fo vəyn ndamze sê ghɨə vəynghe, kûmə̀ nə ə̀ nyi vəyn wùə əshi vɛ ə Zhə̀fè tè zòmse, mə è tə nə̂ ə è və nyi sə teshìŋə̀ tèkɨ̂m. Zɨnə mə tè kyayn kə fɨave ekɨ̂m ə nyi ə vəyn etyə̂ àtyaʼ.

Kòlosè 1:8

Ə̀ tsayn vəyn se ghàs nə Zuʼsə Fezhə̀sè nyi mə sə nə̀yn, ghàyn e kɔ̂ŋə̀ ə̀ghɨ ə Fezhə̀ghè.

Kòlosè 2:10

Nyiəmə, ghàyn ə kyî ndam efɨ̂plèzè kûmə̀ nə ghâyn ghə̀ Klâys nyi əmɔʼ, ə nyi vəyn vɛ ə twɔʼve ekɨ̂m, è tuə tendaʼàvè ekɨ̂m nyi ə vəyn etyə̀.

Kòlosè 2:19

Kyì ə wûə nə vɛ fɨnə pomə va se Klâys mə ə̀ nyi Klâys vɛ ə È nyi atu se ghɨ ghɛ ə pomə. Kè kə wiynve kɨm nyi etyə̀ àtyaʼ atuke, ə̀ nyì kepî zamə kə ghɨghe əkɨ̂m ghɛ ə pomə Klâys nyi ə vəyn etyə̂ àtyaʼ kə ghənə ə nyi kə wùə èmɔ̀ʼ. Kè kə ghaŋmè kokyiə zûŋtè ə wùə ewìyn kə è və nyi wùə èmɔ̀ʼ, ə̀ nyì kepî zamə kə Klâys tsɨ̀yntə̀ ghɨ ghɛ ə ghe pomə sê vəyn, kə ghe ə nyi wùə èmɔ̀ʼ ə vəyn tyə̀.

1 Timotì 3:15

mə ghɛ nə̂yn nə m laynte, ə ŋwàʼlè zɨ̀nə tsamte kə ghàyn ke ndom vɛ ə ghàyn kàʼa ə ghàyn ə ndamə ə ndɛ ə̀ Fèzhə̀, mə za nyi ndɛ ə̀ Fèzhə̀ fɛ ə fe ndamə, ə̀ nyi àtɔ̂ʼ, è chi ə ndɛ kɛ ə ke tɔ̂ʼɔ̀ səmɔʼ.

Ipilù 2:8

O nə̀yn è chisə̂ kə èfɨa èkɨ̂m.” Se pì nə Zhə̀fè ə nə̀yn nə wùə ə chisə̂ kə èfɨa èkɨ̂m, e tyə̂nə̀ nə fe pâʼà za fɨa kyîke pîza, sə zôyn ghâsènì fe va nə wùə m̀sɔ̀ŋ chisə̂ kə èfɨa èkɨ̂m.