Ɛfesùs 1:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ tsə̂mə̀ kəpi nə ghàyn fe kê àtyaʼa kayntə kɛ ə Zhə̀fè kyi, ə nyi kəyn kɛ ə ke tsàmtə̀ ghâsènì ghɨ poməghe. Ə̀ nyi kepî àtyaʼ kɛ ə è nji

Ɛfesùs 1:19 ပူးပေါင်းရင်းမြစ်များ

Njɔyn 3:6

Wùə vɛ ə piə è chaʼa wìynke nyi wùə èwàmnə, pîza wùə vɛ ə piə è Zuʼsə Fezhə̀sè nyi Sezuʼ.

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

2 Kolìŋ 4:7

Pîza ghàs ghɛ ə kyi fɨa m̀kɔʼnè ə sezuʼ nə zɨ̂nə̀ nyi ke kə sètɔ̀yn sə achaʼse endom kə sə tyə̀nə̀ nə tyaʼ aghaʼa kwəynəke kyi Fèzhə̀, ə̀ va chi ghàs.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Ɛfesùs 3:20

Kɔʼsêzè ndùə sê Zhə̀ fɛ ə fe kyi tyaʼa se fo efɨa, ve tsɨ̀ə nâʼà sə ŋaŋ, tsɛ̂ vɛ ə ghâsènì ndɔnə etsə̀m, è vîve mə ghâsènì vayn kaʼa kwaʼte pî se ndɔyn. Ə̀ nyi èfɨ̀aʼ ə nyi atyaʼ ə vəynke kɛ ə ke nyi ə ghâsènì əfètəyn.

Ɛfesùs 3:7

M tè zhə̀te efɨ̂aʼ ə tom èchùŋ nə zɨ̂nə̀ mə ə̀ fo Fezhə̀ tyaʼa vəynke nə mə nə̂. Ə tè fo vəyn tyaʼa nə ke fɨ̂aʼ ə mì ətəm ə ke tsamte kə mə nə̂ èfɨ̂aʼ ətəyn. Zhə̀fè tè nəyn nyi kûmə̀ ə̀təm əchûŋ ə vəynghe.

Ɛfesùs 6:10

Se kwùŋsè, m pìə nə ghàyn zaʼne kə Zhə̀fè ewìyn, ə fe fo tyaʼa sê ghàyn kûmə̀ nə fe kyi ndô tyaʼa kayntəke.

Filìpây 2:13

Kûmə̀ nə ə̀ nyi Fezhə̀, ə Fe fɨaʼà ə ghàyn ə fètəyn, tsâmtə̀ ghàyn nə ghàyn ə kɔŋə̀ se nə̀yn, nyi se kaʼa nəyn fɨ̂aʼ zɛ ə ze tsɔ̂fə̀ sê Vəyn.

Filìpây 3:21

È tyaʼ ə Vəyn kɛ ə ke naynə ghɛghe əkɨ̂m, è tə kwiynə̂ àchaʼ ewìyn ə ghâsènì kɨ̂nə̀, ewiyn vɛ ə ve kyi va tyaʼke, kə ghâsènì tə kyi kàyntè èwìyn kè kə È tè kyi ashìŋə̀ kɛ ə Zhə̀fè tè zòmse Vəyn.

Kòlosè 1:29

Se fe nə ghɛ nə ghɨ̀yn ə nyi mə ə nə̀yn, ə̀ za nyi eghɛ zɛ ə m mɔ̂msə̀ se fɨ̂aʼ è tyaʼa. Tyaʼa Klâys kɛ ə ke nyi ə mì ewìyn, ə̀ nyi kəynke ə ke chiyntə mi nə mə fɨaʼà è tyaʼke.

Kòlosè 2:12

Kə tè fo mômè se ghàyn, e tè nyi kəpiə ghàyn ə kwu, ə pfɨ̀mə̀ ghàyn, Zhə̀fè ə zômsə̀ ghàyn è Klâys. Zɨnə tè kyàyn se ghàyn kûmə̀ nə, ghàyn ə tə pomə̂ nə tyaʼa Fezhə̀ kɛ ə ke tè zòmse Klâys tə zômsə̀ kəpi ndò ghàyn.

1 Tèsàlonikà 1:5

kûmə̀ nə ghàs tè zaʼlə va tom èchùŋ sê ghàyn kè etùə ècho, ghàs ə tə ndàʼà kepî è tyaʼa, è Zuʼse Ŋwaʼase, è pomə̂ etɛze nə ze nyi səmɔʼ. Ghàyn ke ndô kə ghàs tè ndamə ə ghàyn ə fètəyn. Ndam nə zɨ̂nə̀ tè nyi se tsàmtə ghàyn.

2 Tèsàlonikà 1:11

Ə̀ za nyi eghɛ zɛ ə ghàs tsə̂mə̀ sê ghàyn shîŋə̀ tekɨ̂m nə Zhə̀fè ə ghasènìfe nəyn ə ghàyn ə ndamə èndam zɛ ə ze kwəynə mə za nyi zɛ ə fe tɔŋɔ ghàyn nə ghàyn ə ndamə. Ghàs tsə̂mə̀ nə fe fo tyaʼa ə ghàyn ə nə̂ ə̀ghɛ əchûŋ ghɛ ə ghàyn kɔ̂ŋɔ̀ sə̂ nə̂, ə fɨyn nəyn mɨ̂sè ə̀ghɛ ghɛ ə kyî epomə̂ zaynze ə Njisə̀s tyə̀nə̀ nə ghàyn ə nə̂.

Njə̂m 1:18

Ə tè chɔʼne vəyn nə ə piə ghâsènì tɔynə̂ ə tom ə̀ səmɔʼ kə ghâsènì kyi luʼ əshive ə fètəyn èfɨa èkɨ̂m vɛ ə è tè pom.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.