Ɛfesùs 1:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,

Ɛfesùs 1:18 ပူးပေါင်းရင်းမြစ်များ

Matyò 13:15

M pîə zɨnə kûmə̀ nə ghɨ ghɨ̀nə vayn kàʼa fɨyn zaʼlê nâʼà èghɛ mə ghənə kɨmtê tôŋne ə ghənəvè è shiə ghənə̂ghè. Mə ghənə vayn zɨ vayn kàʼa fe nâʼà àfɨa kyîke. Ə ze fə va zamə, mə ghənə nyi fe, ə fe kê. Ghənə tə zɨtə̂ è tôŋne ə ghənə̂vè, ə təmə ghənə̂ zɨ kê. Mə ə ghənə nə̂yn zɨnə mə, ə kə̀mnə̀ pə̂ sê Mi, ə m tsuʼ ghənə.›”

Ŋwàʼlè ə̀ Mâk 10:17

Njisə̀s ə nə̀ ndo sè ndùə endom, wùə vîvè ə nyɨŋə pə̂ tɨmə ə̀ndzɨs ə və shi ə pfɨfə sê vəyn nə, “Tyə̀ynsè èchùŋ, m nyiə kàʼa ə m nəyn nâʼà ghè se tə kyîə endam zɛ ə ze tə mîə va ə?”

Tom èchùŋ kè kə Lûk tè nyaʼ 24:45

È və wàmne za e paynsə̂ mɨ̂sè etu ghənə kə ghənə zɨ ke əghɛ ghɛ ə ghe nyi ə Ŋwàʼlè Fèzhə̀,

Ətefɨ̂aʼ 16:14

Ə̀ tè nyi əfètəyn ə̀ zəyn nə ghɛ, vîvè e nyi ətəyn, zə vəynze e nyi Lindyà mə è fɨ endaʼ ə Tyàtilàzè. È tè pəʼlə tekɔyn tə sendzɨste, se pâŋə̀, tɛ èkɛve. È tè ndamə ngɨmnə̂ kə Fèzhə̀. Pɛ̂pɛ ə chwìə èkwâʼtè ə vəyn nə è ndəm tuke eghɛ zɛ ə Pɔ̂l tè wàmnə̀ ə è pomə zəynze.

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ŋwàʼlè ə̀ Pɔ̂l sê ghɨə Lûmghè 11:29

Zɨnə mə nyi nyî kûmə̀ nə ə Zhə̀fè chite wùə ə pɔsə̂ vəyn, fe vayn fɨnə kwiynê ətəm ə vəynghe.

Ŋwàʼlè ə̀ Pɔ̂l sê ghɨə Lûmghè 2:4

Kə ghàyn nə nji nə təm ə əchûŋ ə Fezhə̀ èghaʼâ ghè, è wəynsê ewìynze va eghɛ zhîze. Shîŋə̀ etyâ kɛ ə Zhə̀fè nyi mə fə fo sê ghàyn nyì se nə̀yn nə ghàyn maʼa pi saynse.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ngàleshyà 5:5

Zuʼsə Fezhə̀sè tɔynə̂ ekyî epomə̂zè nyîə nə̂ nə ghàs ə kyi ke èkwaʼtè se tə nə̀yn sə nyi chichi ə Zhə̀fè əshi.

Ɛfesùs 1:11

Fe ə chɔʼ ghâsènì nə ə nyi ə̀ghɨ Vəynghe tɔynə̂ ə Njisə̀s Klâys kè eghɨ kə fe tè pɨaʼte ndəm tsɔ̀fə kə Fe pom mbi. Nâʼàpî ghè kyànə̀ kə endom vɛ ə Zhə̀fè kyiŋə nə zə kyânə̀ ətəyn.

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Ɛfesùs 2:12

Kə ghàyn lɛse nə ə tè nyi za, ghàyn e kyi va ghɛze se nə̀yn è Klâys, va anɔ̀yn ə ghɨə Isìlâykè, kyi va ghɛze ə tetsɨ̀nè tɛ ə Zhə̀fè tè fo sê ghənə. Ghàyn tè tsɨ̀nə̀ ndamə kə ndò ə mbi, kwâʼtə̀ va chùŋ zhîzè elùʼ, ke pî va Zhə̀fè.

Ɛfesùs 3:16

Zhə̀fè nyiə kyi èghaʼ nâʼà sə ŋaŋ. Ə̀ za nyi eghɛ zɛ m tsə̂mə̀ nə fe fo tyaʼa ə ghàyn ə təm tɔynə̂ ə və Sèzuʼ,

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Ɛfesùs 4:1

M sè chyatə̂ ghàyn kûmə̀ èfɨ̀aʼ nə zɨ̂nə̀ ə Pɛ̂pɛ nə̂yn sê ghâsènì nə, ghàyn nə ndamə tèndam, te kwəynə̂ endom vɛ ə Zhə̀fè tè kyiŋə nə ghàyn ə ndamə ətəyn etuʼ vɛ fe tè tɔŋɔ fɨse ghàyn. Ghàyn ke nə m nyi nyî, nyi wùə ə ndɛ̂ chaʼ kûmə̀ efɨ̀aʼ zɛ m nə̂ sê Pɛ̂pɛ.

Ɛfesùs 4:4

Ghàyn nyi epɨ̂as ə əfètəyn ewìyn emɔ̀ʼ, Zuʼsə Fezhə̀ sɛ ə se fɨaʼà ewìyn nə vɛ e nyi ke səmɔʼ, kè eghɨ kə Zhə̀fè tè tɔŋɔ fɨse ghàyn ə mbi ə nə̀ ghàyn e ke ke èghɛ èmɔ̀ʼ nə, ghàyn tə sɔ̂ fɨə.

Ɛfesùs 5:8

Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.

Filìpây 3:14

M pa mɔ̂msə̀ kə se ndùə əshi se nduə fɨ elùʼ vɛ m ndûə, kə m kaʼa m kyi fɨa vɛ ə Zhə̀fè nyi mə Fə ndə̀m se mi ekwùtwəyn. È və tɔŋɔ̂ mi nə m ndu awulə tɔynə̂ ə Njisə̀s Klâys.

Kòlosè 1:12

Fo àzɔ̀ŋnè sê Pɨ̀a è saŋnêzè əghɛ ə̀kɨ̂m kə È nəyn ghàyn, ə ghàyn ə kwəynə̂ sə̂ pɔŋ kyi àfɨa kɛ ə È ndə̀m sê ghɨ Vəynghe elùʼ epayn.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 1:5

Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

Kòlosè 3:15

Klâys ə nə̀yn ghàyn e nyi è pɔ̂ynè è ngɨŋ saynse. Nyiəmə, pɔ̂ynè nə zɛ mə kyi sə̂ chisə̂ nâʼàpî èghɛ èkè zɛ ə ghàyn nə̀. Ghàyn kyi sə̂ fo àzɔ̀ŋnè se Zhə̀fè shîŋə̀ tekɨ̂m.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

1 Tèsàlonikà 5:8

Pîza, ghâsènì nyi əghɨ ə zo chwîghè. E za tyə̀nə̀ nə ghâsènì kyî se fɛtə̂ kyiə sengɨŋ sə ghasènìse. Kyî epomə̂ ə ghasènìze sê Zhə̀fè è kɔ̂ŋ ə ghasènìzè kyi se kɨ̀ŋtè ə ghâsènì kə akɨ̀ŋtè angàŋtèkè. Kwâʼtè elɨmtə ə ghasènìze nə ə nə̀ sɔza ghâsènì kyi se kɨ̀ŋtə ghâsènì kə afɔ eghɔ̀ŋke.

2 Tèsàlonikà 1:11

Ə̀ za nyi eghɛ zɛ ə ghàs tsə̂mə̀ sê ghàyn shîŋə̀ tekɨ̂m nə Zhə̀fè ə ghasènìfe nəyn ə ghàyn ə ndamə èndam zɛ ə ze kwəynə mə za nyi zɛ ə fe tɔŋɔ ghàyn nə ghàyn ə ndamə. Ghàs tsə̂mə̀ nə fe fo tyaʼa ə ghàyn ə nə̂ ə̀ghɛ əchûŋ ghɛ ə ghàyn kɔ̂ŋɔ̀ sə̂ nə̂, ə fɨyn nəyn mɨ̂sè ə̀ghɛ ghɛ ə kyî epomə̂ zaynze ə Njisə̀s tyə̀nə̀ nə ghàyn ə nə̂.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

1 Timotì 6:12

Mɔ̀mse nâʼà sə ŋaŋ se nyɨŋ ènyɨŋ epoməze, ə nyɨŋə zhiə èndam zɛ ə ze tə mîə va se ngɨŋ zɛ̂zè, kûmə̀ nə ə̀ nyi ekyì endam nə zɨnə mə ə Zhə̀fè tè tɔŋə ghô nə o nyi ətəyn kə ò tè tyə̀yn paynsê èkyî epomə̂ zɛze əghɨ tsɨəghe əshi.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Taytùs 3:7

Kûmə̀ àfùʼ Zhə̀fè ə tə nə̀yn nə ghâsènì ə nyi chichi, è kɨsè nə ghâsènì ke səmɔʼ nə ə tə kyîə èndam zɛ ə ze tə mîə va.

Ipilù 10:32

Ghàyn kɛse kwàʼtè m̀tuʼ me pàmə̂ kə ghàyn tè pomə Zhə̀fè sə shi ətəyn, ghàyn ə tə zɨ tsôs te tsɨəte pîza wəynsə̂ kə ndò.

Ipilù 6:4

E pɔynə̂ va se ghɨ ghɛ ə nyi mə ə tə kyî chi payn ə Fezhə̀zè, ə mɔ̀mə̀ zɨə è fo ə Fezhə̀zè, ə fɨnə kyiə Sèzuʼ se Ŋwaʼa ə Fezhə̀sè,

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

1 Pità 3:9

Ə̂ wùə nə̀yn pi sê ghò, kə ò nəyn pə̀ynsè, ə sòylə̀ ghò, kə ò soyle pə̀ynse. Ò kyi ke sə̂ pɨlə tsə̂mə̀ nə Zhə̀fè pɔse kyì ə wùə nə vɨ̂yn kûmə̀ nə ə̀ nyi epɔsê nə zɨ̂nə̀ ə fe tè tsɨ̂nè se fo sê ghò etuʼ vɛ ə fe tè chɔʼ ghô.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.