Ɛfesùs 1:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ ə nyi chwìə se tyə̀yn nə tuʼfe tə kɔʼɔ kwənə, ə ghâsènì kyi fɨa kɛ ə Zhə̀fè tsɨ̀nə̀ endom nə vɨ̂yn, ə ghɨghə tsîtə̀ Fèzhə̀ kûmə̀ èpomsê ə vəynze.

Ɛfesùs 1:14 ပူးပေါင်းရင်းမြစ်များ

Tom èchùŋ kè kə Lûk tè nyaʼ 21:28

Ə ghɛ nə ghɨnə zhə̂tə̀ se kyàyn nâʼà pi ashìŋə̀ àkè, gha ndwisə̀ ètu vayn ə naynə̂ ekwùtwəyn kûmə̀ nə shîŋə̀kè se paʼsə̂ pə̂ kə Zhə̀fè zɔ̀ za ghàyn.” (Matyò 24.32-35; Mâk 13.28-31.)

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ətefɨ̂aʼ 20:32

Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.

Ŋwàʼlè ə̀ Pɔ̂l sê ghɨə Lûmghè 8:23

Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

2 Kolìŋ 1:22

È və ndə̀m chwìə ə̀ Vəyn ə ghâsènì ewìyn, ə fo Sèzuʼ se Ŋwaʼase ə ghâsènì ətəm se tyə̀yn nə Fe tə fo mɨ̂sə̀ èfɨa vɛ ə Fe tsɨ̂nè.

2 Kolìŋ 5:5

Ə̀ pɨaʼte Fèzhə̀ nə ze ə nyi endom nə vɨ̂yn, ə fo Sèzuʼ sə Vəynse sê ghâsènì se tyə̀yn nə nâʼàpî èghɛ èkè zɛ ə è tsɨ̀nè tə kyânə̀.

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Ɛfesùs 1:11

Fe ə chɔʼ ghâsènì nə ə nyi ə̀ghɨ Vəynghe tɔynə̂ ə Njisə̀s Klâys kè eghɨ kə fe tè pɨaʼte ndəm tsɔ̀fə kə Fe pom mbi. Nâʼàpî ghè kyànə̀ kə endom vɛ ə Zhə̀fè kyiŋə nə zə kyânə̀ ətəyn.

Ɛfesùs 1:12

Fe chɔʼ nyi kə ghàs ghɛ ə tè pomə Klâys sə shi nə tsîtə̀ Fèzhə̀ kûmə̀ èpomsê zɛ ə Fe kyi.

Ɛfesùs 4:30

Kə ghàyn nə nə̂ Zuʼse Ŋwaʼa Fèzhə̀ sɛ ə tè chwìə ghàyn è səynse ə saŋnə̂ va. Ə tè chwìə ghàyn è səynse se tyə̀yn nə tuʼfe tə pə̂, ə Zhə̀fè zhɔyn mɨ̂sè àtu kaynke.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.