Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛfesùs 1:11 - Ŋwàʼlè ə̀ Fèzhə̀ Mkâyn Mə̂ Fèm

11 Fe ə chɔʼ ghâsènì nə ə nyi ə̀ghɨ Vəynghe tɔynə̂ ə Njisə̀s Klâys kè eghɨ kə fe tè pɨaʼte ndəm tsɔ̀fə kə Fe pom mbi. Nâʼàpî ghè kyànə̀ kə endom vɛ ə Zhə̀fè kyiŋə nə zə kyânə̀ ətəyn.

အခန်းကိုကြည့်ပါ။ ကော်ပီ




Ɛfesùs 1:11
40 ပူးပေါင်းရင်းမြစ်များ  

Kə ghɨ ghɛ ə̀ tè vachi ə̀ghɨ ə Njûsghè zɨ ghɛ ətəynze, saŋnə̂ nâʼà sə ŋaŋ, tsîtə̀ tom ə̀ Fèzhə̀. Ghɨ etsɨəghe ə pomə sê Pɛ̂pɛ Njisə̀s, ə̀ nyi ghɛ ə Zhə̀fè chitê nə ghənə kyi ndam zɛ ə ze tə mîə va.


Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.


kûmə̀ nə m tè pâʼà ndə̀tè nâʼà èghɛ zhize sê ghàyn kûmə̀ èghɛ zɛ ə Zhə̀fè kyiŋə se nə̀yn.


Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.


Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”


Ghənə tè zùŋtè ə nə̀ kə èghɛ zɛ ə Ò se nyi mə Ò tə pɨaʼte ndəm kè ə ghò atyaʼ nə e tə kyânə̀.


Ə nyàʼ ə ŋwàʼlè ə̀ Fèzhə̀ nə, “Ə̀ ke nde ghɛ zɛ ə Zhə̀fè kwâʼtə̀? Ə̀ kàʼa ə̀ təfte nde Zhə̀fè ə?


Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.


Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.


Ghɨ ghɛ ə Zhə̀fè tè nyi mə fe ə kàynè chitê nə tsɨnè ə̀ ghənə ə nyi kə zə Vâ Vəyn, kə vayn nə vɨnə mə tə pəyn ə è və nyi Vâ ə̀shi se ghɔnyì ə vəynghe.


Nyiəmə, ghɨ ghɛ Zhə̀fè tè nyi mə fe ə kàynè chitê ndəm, È və tə tɔŋɔ ghənə nə ə nyi ə̀ghɨ ə vəynghe. Ghɛ ə È nyi mə È və tɔŋɔ, È pi nə ə̀ nyi ghɛ ə ghe nyi chichi ə zhi shi. È və fo pomsê ə vəynze sê ghɛ ə ghe nyi chichi ə və shi.


Ə̀ tè nyi tsɔ̀fə kə ə piə ghɔyn nə ghɨ̂yn, mə ghənə paʼà nyìəm kê se nə chùŋ kɨ̀sə pi, Zhə̀fè ə tsà se Lèpekà nə, “Vayn èndumə tə nə̂ ə è və nyi wùə àfɨ̀aʼ sê vayn etətə̂” Zhə̀fè tè nəyn zɨnə mə kə ze ə nyi nə ə̀ nəyn zhi nə vayn emɔ̀ʼ ə nyi ə və mɔ̀ʼɔ etyə̀. Ə̀ tè nyi ə vəyn ekɔ̀ŋ se chitê ə wùə vɛ ə è kɔ̀ŋə̀, ə̀ vachi kûmə̀ ə̀ghɛ ghɛ ə wùə təyn tè nəyn.


Ə̂ Zhə̀fè tè fo fo ə vəynze sê ghɨ kûmə̀ kə ə ndə̀mə̀ Lâŋà, ə è və fɨnə fo va kûmə̀ nə è və tsɨ̀nè. Pîza, fe tè fo efo nə zɛ sê Aplàghâm kûmə̀ ètsɨ̂nè zɛ ə fe tè nəyn.


ə nyi chwìə se tyə̀yn nə tuʼfe tə kɔʼɔ kwənə, ə ghâsènì kyi fɨa kɛ ə Zhə̀fè tsɨ̀nə̀ endom nə vɨ̂yn, ə ghɨghə tsîtə̀ Fèzhə̀ kûmə̀ èpomsê ə vəynze.


M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,


Zhə̀fè tè se nyi mə Fə ndə̀m nə Fe tə njìə ghâsènì sə və ə ghɔyn tɔynə̂ ə Njisə̀s Klâys, mə ə̀ kɔ̀ŋ kê vəyn ə saŋnə̂ ndə̀mə̀ nə zə nyi nyî.


Fe tɔ̀ʼnə̀ ndò è ghâsènì endom kayntəve.


Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.


kè eghɨ kə è tè se nyi mə è və tè pɨaʼtê ndəm nə ze kyayn tɔynə̂ ə Pɛ̂pɛ ə̀ ghâsènì Klâys Njisə̀s tsɔ̀fə è pom mbi.


Fo àzɔ̀ŋnè sê Pɨ̀a è saŋnêzè əghɛ ə̀kɨ̂m kə È nəyn ghàyn, ə ghàyn ə kwəynə̂ sə̂ pɔŋ kyi àfɨa kɛ ə È ndə̀m sê ghɨ Vəynghe elùʼ epayn.


Ghàyn e ke nə Pɛ̂pɛ tə ndaʼà ghàyn è fɨa vɛ ə è nyi mə è və ndə̀m sê ghɨ vəynghe. Ə̀ nyi sê Pɛ̂pɛ Klâys kə ghàyn fɨ̀aʼà.


È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.


Kûmə̀ àfùʼ Zhə̀fè ə tə nə̀yn nə ghâsènì ə nyi chichi, è kɨsè nə ghâsènì ke səmɔʼ nə ə tə kyîə èndam zɛ ə ze tə mîə va.


Sê ghɨ ghɛ ə ghənə tè kyi se kyî etsɨ̂nè nə zɨ̂yn, Zhə̀fè tè kyiŋə se tyə̀nə paynsê nə zhi tə kwiynə̂ va ghɛ zɛ ə zhi pɨaʼte, nyiəmə è və paʼsə̂ èkâyntè ə vəynze sê tsɨnè ətəynze.


Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.


ə fɨyn kyi èghaʼ ekwùtwəyn kə Zhə̀fè ndə̀m mə ze vayn kàʼa ə ze fi, mə ze vayn kàʼa ə ze pof, mə ze vayn kàʼa ə ze chaʼ.


Ə̂ wùə nə̀yn pi sê ghò, kə ò nəyn pə̀ynsè, ə sòylə̀ ghò, kə ò soyle pə̀ynse. Ò kyi ke sə̂ pɨlə tsə̂mə̀ nə Zhə̀fè pɔse kyì ə wùə nə vɨ̂yn kûmə̀ nə ə̀ nyi epɔsê nə zɨ̂nə̀ ə fe tè tsɨ̂nè se fo sê ghò etuʼ vɛ ə fe tè chɔʼ ghô.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ