Ɛfesùs 1:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Zhə̀fè ə ndə̀m nə tuʼfe tə kwənə, ə Fe tsɨynte fɨave ekɨ̂m ekwùtwəyn ə Fe fɨyn tsɨ̂yntè ə chi ə Fe ndə̂m ke ə Klâys etyə̀.

Ɛfesùs 1:10 ပူးပေါင်းရင်းမြစ်များ

Matyò 25:32

Ə ghɨ tèndâʼà tə mbite tekɨ̂m zuŋte ə və shi. Ə è ke chyàtə ghənə sə enɔ̀yn èpɨ̀a, ə̀ nyì kepî zamə kə ngyəyn chyasə̀ fɨsə ndzèsè ə se pfɨsəndɔŋse. Ə̀ nyi zamə kə fɔ̀yn ə̀təyn tə ndə̂mə̀ ghɨ chichighe ə vəyn ekɔyn zhiəve, è ghɨ ghɛ ə vachi ə vəyn ekɔyn ekôvè.

Ŋwàʼlè ə̀ Mâk 1:15

pîə nə, “Shîŋə̀ kə kwəyn fɔ̂yn ə Fezhə̀ və paʼsê. Ghàyn kwiyne təm ghaynghe piə ə pomə̂ tom èchùŋ zɨ̀yn.”

1 Kɔlìŋ 10:11

Ghɛ nə ghɨnə̀ ə̀kɨ̂m tè kyayn sê ghənə sə fɨ̀as kə ghɨə mɔ̀ʼɔghe fe, ə fɨnə nyâʼà ndəmə̀ ghəynghe kə fɨ̀as se ghâsènì kûmə̀ nə ghâsènì ndamə ashìŋə̀ mə mɨ̀se se nyi ke se pə̀yn.

1 Kɔlìŋ 11:3

Pîza m kyiŋə nə ghàyn fe kê nə, Klâys nyi atu sê nâʼàpî wùə endômə̀ èkè, wùə ndomə̀ e nyi àtu se zhwîə vəyn, Zhə̀fè nyi àtu se Klâys.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

Ɛfesùs 1:22

Zhə̀fè tè fo efɨa èkɨ̂m ə və gho ə fɨnə ndə̀mə̀ vəyn nə è və nyi àtu əghɛ ə̀kɨ̂m ə ndɛ ə̀ Fèzhə̀.

Ɛfesùs 2:15

È və kim nâʼà lwɔ̂ŋ ə Njûsvè ekɨ̂m tɔynə̂ ə vəyn ekwu nə zɨ̂yn kə ghɨ ghasènìə fɨ ke sə wùə èmɔ̀ʼ tɔynə̂ ə vəyn, ə pɔ̂ynè ə nyi.

Ɛfesùs 3:15

ə̀ nyi vəyn vɛ ə è zhə̀tè sas ə sendɛ ghɛ ə ghe nyi ekwùtwəyn fɨyn nyi ə chi nâʼà ə̀kɨ̂m.

Ɛfesùs 3:2

M ke nə ghàyn ə zɨ nə Zhə̀fè tɔynə̂ ə vəyn afùʼ ə fo fɨ̂aʼ nə zɨ̂nə̀ nə mə nə̂ sê ghàyn.

Kòlosè 1:16

E nyi nyiəmə kûmə̀ nə ə̀ nyi tɔynə̂ se Klâys, ə Zhə̀fè ə tè pom fɨave ekɨ̂m vɛ ə ve nyi ekwùtwəyn è kɨsè əchi. È və pom vɛ ə kaʼa fe è shize, è kɨsè vɛ ə vayn kaʼa fe è shize. Ə̀ tè pom vəyn e tu ə tendaʼàvè è kɨsè twɔʼve ekɨ̂m. Zhə̀fè tè pom efɨa èkɨ̂m tɔynə̂ ə vəyn, ə̀ nyi kûmə̀ vəyn ə Zhə̀fè tè pom fɨa nə vɨnə mə.

Kòlosè 1:20

Tɔynə̂ ə Klâys, Zhə̀fè ə tə saynê se kɛsə pə̀yn è mbi èkɨ̂m sê ngɨŋə̂ vəyn. Zhə̀fè ə tə nə̀yn nə Pɔ̂ynè ə nyi tɔynə̂ ə Va vəyn mndəm mɛ ə m̀ tè sɨ̀sə awâmnè, ə kɛsə̂ pə̂ èfɨave ekɨ̂m se ngɨŋə̂ vəyn, ə chi è kɨsè ekwùtwəyn.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Ipilù 1:2

Pîza, e sè nyi ə mtuʼ me kwùŋsə̂ mɨ̀yn mə Fə wàmnè sê ghâsènì tɔynə̂ ə Va vəyn. Zhə̀fè tè se nyi mə fə ndə̀m nə fe tə fo nâʼàpî ghè ə mbi sê Va vəyn, mə fe tè pom mbi è nâʼàpî è ghè ətəyn tɔynə̂ kə ə Va ə̀ vəyn nə vɨ̂yn.

Ipilù 11:40

Ze tè nyi nyî kûmə̀ nə Zhə̀fè tè nyi mə fə pɨaʼtê fɨake sê ghâsènì, ke kɔʼnə̂ tsɛ̂. È tè nəyn nyiəmə kə fe kaʼa ə fe nəyn ə ghənə nyi chichi paʼsə̂ kə è ghâsènì əmɔʼ.

Ipilù 9:10

Fɨa nə vɨnə ə tsâ nyî, kyi ke èghɛ se nə̀yn èfɨa e zhiəve è kɨsè lɨ̀m, è lwɔ̂ŋ əmɔ̀ʼɔve sə̂ shûə ə̀gho, ə̀ vɨnə nyì ke elwɔ̂ŋ ə senjyà sə ewìynse, nyi se mì ashìŋə̀ kɛ Zhə̀fè kɛse fɛte fɨave sə fe.

1 Pità 1:20

Zhə̀fè tè nyi mə fe ə kàynè chɔʼ vəyn ə ndə̀mə̀ tsɔ̀fə kə fe pom mbi, pîza ə tyə̀nə̀ paynsə̂ vəyn fa mtuʼ mə èkwùŋsə̂m sə ghàyn ə chùŋ.

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.