Ətefɨ̂aʼ 9:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Pîza, ndwi ə njiə ndûə əfètəyn èndaʼ, kə ə tsayn ghɛ zɛ ə ò kyi se nə̀yn.”

Ətefɨ̂aʼ 9:6 ပူးပေါင်းရင်းမြစ်များ

Matyò 19:30

Pîza tsɨ̀tsɨ̂ ə̀ghɨ̀ ghɛ ə ghe nyi əshi zôyn, tə pə̂ ə nyi epàm, ə ghɨ ghɛ ə ghe nyi epàm zôyn tə pə̂ ə nyi əshi.”

Tom èchùŋ kè kə Lûk tè nyaʼ 3:10

Nɔ̂yn ə ghɨ nə kɛ ə pfɨfə sê vəyn nə, “Ghàs nyiə nə̀ kwiə nâʼà zàyn zô?”

Ətefɨ̂aʼ 10:22

Ghɨ ə təynghe ə pìə nə, “Ghàs nyi mə ə̀ tom Kɔ̀nilùs, àtuə sesokə̀ʼa. È nyì ke nâʼà wùə chichi, fɨaʼà se Zhə̀fè, ghɨ Njûsghè əkɨ̂m nyîə ngɨmnə̂ vəyn. Tsì ə̀ Fèzhə̀ zhîzè pì sê vəyn nə, è tom tɔŋɔ ghò ə ò pəyn ə və ə ndɛ kə è zɨ ghɛ zɛ ə ò kyi se tsàyn se vəyn.”

Ətefɨ̂aʼ 10:32

Tiynse wùə ə Njopà, ə ghənə ndu tɔŋɔ wùə fu, zə vəyn ze nyi Shimùyn mə ə tɔŋtə̂ vəyn nə Pità. È nyi wùə èmòtə pə ə wùə ə ndɛ mə è nə̀ efɨaʼ è pfɨ̀ sə nyâmsè e tɔŋtə̂ vəyn nə Shimùyn. Shimùyn ə̀təyn ndamə paʼsə̂ etipìə ènjwì ə fengwaŋve.’

Ətefɨ̂aʼ 10:6

È ndamə yî wùə, è ve fɨ̂aʼà èfɨaʼ ə se pfɨ̀ sə nyâmsè, zə vəynze e nyi Shimùyn, è ve ndamə paʼsə̂ ə etipìə ènjwì ə fengwaŋve.”

Ətefɨ̂aʼ 2:37

Ghɨ nə ghɨyn ə zɨə əghɛ ghɛ ə Pità wàmnè, ghe ə njiə ghənə ətəm nâʼà sə ŋaŋ, ghənə pfɨfə sê Pità yî ghɨətom ə Njisə̀s əmɔ̀ʼɔ̂ nə, “Ghɔnyì ghasə, ghàs nyiə kàʼa ə ghàs ghayn ghe?”

Ətefɨ̂aʼ 22:10

Mə pfɨf sê vəyn nə, ‹M kwi zayn zôyn ə Pɛ̂pɛ?› È və pìə sê mi nə, ‹Ndwi ə nji ndùə əfètəyn endaʼ ə Ndàmaskùszè, kə ə tsayn ghɛ zɛ ə Zhə̀fè kyiŋə nə ò nəyn.›

Ətefɨ̂aʼ 26:16

Pîza, ndwi tyəm è gholə. M fɨ ə ghò ekyàʼ se chɔʼɔ ghô sə wûə èfɨ̀aʼa vɨ̂mè. Ò nə̀ tsâ sê ghɨə mɔ̀ʼɔghe ghɛ ghɛ ə ò fe sè Mi ndâyn è ghɛ ghɛ M tə tyə̂nə̀ sê ghò mtuʼ me pə̂m.

Ətefɨ̂aʼ 9:5

Sɔ̂l ə pfɨfə nə, “Pɛ̂pɛ, Ə̀ nyì ghô ndè?” Kyə̀ ə̀təyn ə pə̀ynsə̀ nə, “Ə̀ nyi mi Njisə̀s, vɛ ə ò tsə̀fsə̀ vəyn za.

Ŋwàʼlè ə̀ Pɔ̂l sê ghɨə Lûmghè 10:20

Fɨ̀aʼtè Ìsayà ə tə pomə kepî wàmnə̀ kə Zhə̀fè tè pi. È tè pì ə fètə̂ ghɨ̀ nə, “Ghɨ ghɛ ə tè kyiŋə̀ va mi, ə fe mi. Mə tyə̀yn ngɨŋ zɨm sê ghɨ, mə paʼà tyəmə̂ pfɨfə mi.”

Ŋwàʼlè ə̀ Pɔ̂l sê ghɨə Lûmghè 10:3

Ghənə ke va ndom vɛ ə Zhə̀fè njìə ghɨ sə ghɨə chichiə ətəyn. Ghənə pɨlə kyiŋə èndom sə nyi chichi ə Zhə̀fè əshi. Nyiəmə, ghənə njîə va ngɨŋ sə ghənə̂sè əchi se chùmtè endom vɛ ə Zhə̀fè nyi mə Fe ə fɛtê kə ghɨghe ə nyi chichi ətəyn ə Fəynfe əshi.

Ŋwàʼlè ə̀ Pɔ̂l sê ghɨə Lûmghè 5:20

Zhə̀fè tè pəyn è lâŋkè kə pi ndu ke èshike. Pîza nâʼàpî ghayn ə pi ndûə kə shi, fùʼ ə Fezhə̀kè tsɨ̀ə tsɛ ndò zamə.

Ŋwàʼlè ə̀ Pɔ̂l sê ghɨə Lûmghè 7:9

Shîŋə̀kè tè nyì ndô mə m keva lâŋkè. Pîza shîŋə̀ kɛ ə m tè ke lâŋkè ətəyn, shi ə fɨə ghɨmghe ə chiyntə̂ mi nə m nəyn pi, mə kwuə.

Filìpây 2:12

Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

Njə̂m 4:6

Pîza fùʼ kɛ ə Zhə̀fè fo nyîə tɛ tsɛ̂ kè kə nyâʼ ə Ŋwàʼlè ə̀ Fèzhə̀ nə, “Zhə̀fè nyiə njîə tsosə̂ ə̀ghɨ ghɛ ə ghe ghaŋsə wiynve, pîza fo àfùʼ ə vəynke sê ghɨ ghɛ ə ghe njîə tsosə pə̂ ngɨŋsə ghənə̂sè əchi.”