Ətefɨ̂aʼ 9:40 - Ŋwàʼlè ə̀ Fèzhə̀ Mkâyn Mə̂ Fèm

⁴⁰ Pità ə pìə nə ghənə ə̀kɨ̂m fɨ ndu əpɨəyn. È və tɨmə ə̀ndzɨs ə vəynghe ə chi ə tsə̀mə̀ sê Zhə̀fè. È və kə̀mnə̀ ndûə èwiyn ə pìə sê pfɨyn ətəynze nə, “Tàpità, ndwi.” È və zàynsə̀ əshi ə vəynghe ə fe Pità, kè sə ashìŋə̀ ə ndwìə tsɨsə̂.

Ətefɨ̂aʼ 9:40 ပူးပေါင်းရင်းမြစ်များ

Matyò 6:6

Ə ò nyì se tsə̀m, ndù ə ndɛ fètəyn, kyɨ̀ŋ pâʼà ndɛke, ə tsə̂mə̀ sê pɨ̀a ve vɛ ə fe va vəyn. Ə pɨ̀a ve vɛ È zɨə ghɛ ghɛ ò tsə̀mə̀ andə̀te, tə mâʼtè gho.

Matyò 9:25

Kə nɔ̂yn ətəynke tè fɨ mɨ̂sè əpɨəyn, Njisə̀s ə njiə ndûə ə ndɛ fètəyn zɛ ə nyɨ̂ŋsè vayn èzhɔyn ətəyn ə kyîə àgho ə vâ ətəynke, è və ndwìə kə sə ashìŋə̀.

Ŋwàʼlè ə̀ Mâk 9:25

Ə pə̀ kə Njisə̀s fe kə ghɨə se nyɨŋə pə̀ se tsɨ̀, è və kàyntə̀ ə̀ghɛ sê zuʼse pi nə sɛ ə pìə nə, “Tsɛ fɨ. Ə̀ pi mi sê ghò ə zuʼse pi sɨ̂nə̀, sê ghò vɨ̂nə ò nə̂ nə kə vayn vɨ̂yn ə wâmnə̀, fɨnə nə̂ nə kə è və zɨə ə̀ghɛ. Ə ò fɨ za kə ò tə fɨyn nji.”

Tom èchùŋ kè kə Lûk tè nyaʼ 22:41

Njisə̀s ə wâmnə̀ za ə ndò ə ghənə ə ngwùŋ ə kɨŋtə ndùə zaʼâ kəpi kə wùə kaʼa è laŋ ngɔ̀ʼ ə è ndu tayn, ə tɨmə ə̀ndzɨs ə chi sè tsə̂mə̀, piə nə,

Tom èchùŋ kè kə Lûk tè nyaʼ 8:54

Pîza Njisə̀s ə njiə kyiə agho ə vəynke ə piə nâʼà ə kyə̂ etɛ nə, “Vayn, ndwi!”

Ətefɨ̂aʼ 20:36

Pɔ̂l ə wàmnə̀ mɨ̂sə̀ nyi, yighə̀ ghənə ə tɨmə ə̀ndzɨs ə chi ə tsə̀mə̀.

Ətefɨ̂aʼ 21:5

Ə pə̀ kə shîŋə̀ ə ghasè ghənə̂kè mì, ghàs ə ndò ə ndùə èshike. Nâʼà ghənə əkɨ̂m paʼsə kə è zhwiə ghənə̂ghè è ghɔynghe ə fɨə ndûə endaʼ ə tiynsə̂ ghàs etipìə tsò, ghàs ə tɨmə ə̀ ndzɨs fumə ə tsə̀mə̀.

Ətefɨ̂aʼ 28:8

Ə̀ tè nyi zâ, pɨ̀a Pupiyùs e nyɨŋ ekwì è wiyn ekasəve, fɨnə ndûə eluʼ. Pɔ̂l ə njiə ndùə əfètəyn ndɛ zɛ ə è tè nyìŋ ətəyn ə tsə̀mə̀ se vəyn, ə ndə̀mə̀ ə̀gho ə vəyn ə ewìyn, zaf ətəynze ə mìə.

Ətefɨ̂aʼ 7:60

È və fɨnə tɨmə ə̀ndzɨs ə vəynghe ə chi ə chìə è kyə̀ e tɛ ə pìə nə, “Pɛ̂pɛ, lɛ̀se fo pi ə̀ ghənə zɨ̀yn.” È və pìə nyî, ə kwuə.