Ətefɨ̂aʼ 9:39 - Ŋwàʼlè ə̀ Fèzhə̀ Mkâyn Mə̂ Fèm

³⁹ Pità ə pɨaʼtə̂ ə ndùə yighə̀ ghənə, ə pə̀ kə è ndù tâyn fumə, ghənə ə njìə kɔʼɔ è vəyn ə lûm ə̀ ndɛ èkwùtwəyn. Zhwiə kwuə nâʼà ə̀kɨ̂m fu ə zùŋtə̀ ka ə və ngwùŋ, chîə tyə̂yntə̀ sendzɨs sə ghənə̂sè, è laf əmɔ̀ʼɔ vɛ ə Ndokàs tè tàsə sê ghənə kə è tè pa nyi ètwɔ.

Ətefɨ̂aʼ 9:39 ပူးပေါင်းရင်းမြစ်များ

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

Ɛfesùs 4:28

Ə nyi mə ə̀ chɔŋɔ pîndè, kə è fɨyn chɔŋ. È pɨl kyi sə̂ fɨ̂aʼà èghɛ è gho vəynghe, kyi àfɨa sə̂ tsâmtə̀ əghɨ mɔʼɔ ghɛ ə ghe kyi va.

1 Njɔyn 3:18

Ghɔyn ghɨmə, kə ghâsènì ə kɔ̀ŋɔ̀ kə è choze. Ghâsènì kyi sə̂ tyə̂nə̀ èkɔ̂ŋ əghɛ ghɛ ə ghâsènì nə̂, kɔ̀ŋɔ̀ kə nâʼà səmɔʼ.

1 Tèsàlonikà 4:13

Ghɔnyiə, ghàs kyiŋə nə ghàyn ə ke èghɛ zɛ ə ze nyi səmɔʼ kûmə̀ ə̀ghɨ ə kwuə. Ghàs kyiŋə nə ghàyn ə ke èghɛ nə zɨ̂yn kə ghàyn ə chîə va kə ghɨə mɔʼɔ ghɛ ə ghe kwaʼtə̀ lɨmtə va se tə zòmə̀.

2 Kolìŋ 8:12

Kûmə̀ nə ə ghàyn piə fo afɨa saŋnə̂ se fo kɛ ə ghàyn kyi, ə Zhə̀fè fi fo ətəynze kûmə̀ nə ə̀ nyi afɨa kɛ ə ò kyi, mə è kyiŋə va nə ò fo kɛ ə o kyi va.

Ətefɨ̂aʼ 20:35

Mə ə tyə̀yn sê ghàyn ə tendom tèkɨ̂m nə ə ghâsènì fɨ̀aʼà sə ŋaŋ famə endom, ə ghâsènì ə kyi sə tsâmtə̀ ə̀ghɨ ghɛ ə kyi va, ə kɛsə̂ kwaʼtə̀ ə̀ghɛ ghɛ ə Njisə̀s è ngɨŋ ə Vəyn tè pi nə, ‹Saŋnêzè nyi sê wùə vɛ ə è fo, tsɛ̂ kə e nyi sê vɛ ə è fiə kə ndô.›”

Ətefɨ̂aʼ 9:41

Pità ə kyîə ndwisə̀ vəyn ə tɔŋnə̂ ə̀ghɨ poməghe è zhwiə kwu ghɛ ə ghe tè nyì fumə, ə tyə̀ynə̀ sê ghənə nə Tàpità nyi ètwɔ.

Ətefɨ̂aʼ 8:2

Ghɨ mɔ̀ʼɔ ghɛ ə ghe tè ndə̀m təm ə ghənə̂ əkɨ̂m sə̂ kɔʼsə Fèzhə̀ ə pfɨ̀mə̀ Shìtifɨ̀yn ə chìə èkwu ə vəyn nâʼà sə ŋaŋ.

Ətefɨ̂aʼ 6:1

Ə̀ tè nyi ə mtuʼ nə mɛ kə ghɨə poməghe tè tsɨ̀ə ndûə kə əshi, ghɛ ə ghe tè wàmnə̀ ewàmnè ə Nglêkzè ə səʼə̀ èzô yî ghə̀ ghɨ ghɛ ə ghe tè wàmnə̀ wâmnè endaʼa Njûszè. Ghɨ ghɛ ə ghe tè wàmnə̀ wâmnè ə Nglêkzè tè piə nə, zhwiə kwuə ghənə̂ghè fiə zaʼâ va kɔ̂yn ekɛ kɛ ə fo sê zhwiə kwuə.

Njɔyn 17:12

Kə M tè pa nyi ghasè ghənə, M tè nyîə tɔ̂ʼnə̀ è ghənə atyaʼ ezə kɛ Ò tè fo sê Mi. Mə tə tɔ̀ʼnè è ghənə nâʼà wùə èmɔ̀ʼ ə ghənə fètəyn ə tàʼa njìsè ə̀ tsɛ̂ kə va vɛ ə è tè kyi ke se njìsè kə ghɛ zɛ ə tè nyàʼ ə ŋwàʼlè Fèzhə̀ pəyn səmɔʼ.

Njɔyn 12:8

Ghàyn nə ndam kyi ke ndò ghɨ afɨfə ə ghàyn əfètəyn, pîza m nə zâŋsè va ghâsènì.”

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Ŋwàʼlè ə̀ Mâk 14:8

Wùzhɔyn vɨnə nə̀yn ke èghɛ zɛ ə è fè kàʼa ə è nəyn. È sɨ̂s mngwɨl me lɨ̀mtə̂m ə mì atu se pɨaʼtə e pfɨ̀mə̀ zɨmze tsɔ̀fə shîŋə̀kè kwənə.

Matyò 26:11

Ghàyn nə kyi tsɛ ke ndò ghɨ afɨf ghə ghàyn əfètəyn, pîza m va se faŋ ghâsènì sə teshɨ̀ŋə̀ tèkɨ̂m.

Matyò 17:17

Njisə̀s ə pə̀ynsə̀ nə, “Ə̀ nyi ngwàʼ e pi èkè zɨ̂yn ə è làʼà pomə̂zè nyiə? M nə ndamə tânə̀ zàyn ghâsènì ə? M nə̀ kolə tânə̀ zàyn təmə è ghàyn ə? Pə̀yn è va ətəyn fayn sê mi.”

Ətefɨ̂aʼ 1:13

Ghənə pə̀ tâ ə Njèlusalɛ̀m ə njiə kɔʼɔ ndùə ə lûm ə̀ ndɛ èkwùtwəyn zɛ ə ghənə tè ndamə ətəyn. Ghɨ ə tom nə ghɨnə tè nyi Pità, è Njɔyn, è Njə̂m, è Andɨ̀lò, ə nyi Filìp, è Tɔ̀mɔ̂s, ə nyi Pàtòlòmiyà, è Matyò è Njə̂m ə va Àfeyùs, è Shimùyn vɛ ə è tè kàʼa è kwu kûmə̀ èndaʼ ə vəynze, ə̀ fɨyn nyi Njondàs ə va Njə̂m.

1 Timotì 5:3

Ghàyn e tɔ̂ʼnə̀ è zhwiə kwuə ghɛ ə ghe ndɨŋ kyi va.

1 Timotì 5:5

Kàyntè ə̀ zhwîə kwu vɛ ə è kyi va wùə nə è və tɔ̂ʼnə̀ è vəyn nyi mə è kwàʼtə̀ lɨmtə̂ kə se Zhə̀fè, tsə̂mə̀ kə ndo shîŋə̀ tekɨ̂m, ndɔnə ètsâmtè sê Vəyn etuʼve, èchwì.