Ətefɨ̂aʼ 9:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ Pità ə pìə sê vəyn nə, “Èneyàs, Njisə̀s Klâys nə̀ tsuʼə gho zôyn. Ndwi ə fɛtə̂ èkwî vɛve.” Èneyàs ə ndwìə kə sə ashìŋə̀.

Ətefɨ̂aʼ 9:34 ပူးပေါင်းရင်းမြစ်များ

Matyò 8:3

Njisə̀s ə nɛ̀sə̀ àgho ə ndə̀mə̀ ə vəyn ewìyn ə pìə nə, “M kɔ̂ŋɔ̀ ndò, kɛse zo.” Kè sə ashìŋə̀, kwùs ətəynke ə mìə ə vəyn ewìyn.

Matyò 9:6

M nə̀ tyə̀nə̀ sê ghàyn zôyn nə Vâ Wùə kyi ndô tyaʼa fâ chi se lɛ̀sè fo sepi sə ghɨ̀sè.” È və ke pì sê kèngɛchi kɛ nə, “Ndwi, njì ghâm fɛfe ə ndò kwɨlə̂.”

Njɔyn 2:11

Njisə̀s tè nə̀yn eghɛ e kaynte ə vəyn zə shi nə zɨ̂nə̀ endaʼ ə Kanà apàs endaʼ ə Ngalìlîkè. Ə̀ nyì fumə kə è tè tyə̀yn paynsê èpomsê ə vəynze, chùmtè èpàm sə vəynse ə pomə̂ sê vəyn.

Ətefɨ̂aʼ 16:18

È və nə̀ zɨnə mə sə mtuʼlə̂, ə kɔʼɔ fɨə andiŋ kyîke, Pɔ̂l ə nyɔ̀ʼsə̀ ètɔŋ ə pìə se zuʼse pi nə sɛ ə se tè nyi ə ngɔ̀yn ə̀ vayn è zhɔyn nə vɛ ewìyn nə, “M kânə̀ sê ghò ezə Njisə̀s Klâyszè tsɛ fɨə ə vəyn ewìyn!” Zuʼse pi nə sɛ ə fɨə ə vəyn ewìyn kè sə ashìŋə̀ nə kɛ.

Ətefɨ̂aʼ 3:12

Pità ə fe əghɨ nə ghɨ̂yn ə pfɨfə sê ghənə nə, “Ghɔnyì ghɨmghə Isìlâyghè, kûmə̀ ghè ə ghàyn nyi èkaynze ə? Ghàyn tùŋə̀ naynə̂ kə ghàs nyî sə ghe? Ghàyn kwàʼtə̀ nə ghàs nəyn nə wùə vɨ̂yn ndwi ə è və kwîə kûmə̀ àtyaʼ kas kə ngɨŋke mə, mə kûmə̀ nə ghàs tsɔ̀fə̀ nâʼà achûŋ ə Zhə̀fè əshi ə?

Ətefɨ̂aʼ 3:16

Wùə vɨ̀nə ə ghàyn fe nyi, fɨyn fɛte ke, ə̀ nyi atyaʼ ezə Njisə̀szè è pomə̂ zɛ ə è kyi ezə təynze, nyi eghɛ zɛ ə ze fo tyaʼa sê kèngɛchi kɨ̀nə̀ ə nə̀ nə è tɛ. Ghàyn ghe fe sə ghàyn ə ngɨŋ.

Ətefɨ̂aʼ 3:6

Pîza Pità ə pìə sê vəyn nə, “M kyi va kɛve nâʼà səkɔs se fo sê ghò, pîza nyi se fo kə afɨa kɛ ə m kyi. M piə sê ghò ə Njisə̀s Klâys və Nazalɛ̀t ezə nə ò ndwi ə̂ ò kwi.”

Ətefɨ̂aʼ 4:10

Ghàyn ghɨ Isìlâyghè, ghàyn e ke nə wùə vɨ̂yn ə è tyəm ə ghàyn əshi tɛ kûmə̀ àtyaʼ ezə ə Njisə̀s Klâys və Nazalɛ̀tkè. Ə̀ nyi Vəyn vɛ ə ghàyn tè paynte awâmnè, È və kwuə, pîza Zhə̀fè ə nə̂, È və zòmə̀.

Ətefɨ̂aʼ 9:33

Ə pə̀ kə è ndù zaʼâ fu, ə kotə̂ wùə fumə zɨə vəynze nyi Èneyàs, mə pâs ə wìynke ə kwu è və nyìŋə̀ faŋə ekwì sə se pìŋ sèfamə.

Ətefɨ̂aʼ 9:35

Nâʼà ə̀ghɨ əkɨ̂m ghɛ ə ghe tè ndamə ə Lindà è Shalɔ̀yn, ə fe kə wùə ə̀təyn tè nyi mə è və tɛ, ghaynə̂ ka, ghənə ə pə̀ynsə̀ ətəm ə ghənə̂ghè ə zhə̀tə̀ se pomə sê Pɛ̂pɛ.