Ətefɨ̂aʼ 9:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Pànapàs ə pə̀ kyîə ekɔyn ə vəyn ə njìə ndùə è vəyn sê ghɨətom. È və tsà paynsə̂ sê ghənə nə Sɔ̂l ə tə fe Pɛ̂pɛ ə telaynəlayn endom kə è ndùə ə Ndàmaskùs, è ghɛ zɛ ə Pɛ̂pɛ tè tsàyn se vəyn. Pànapàs ə fɨnə pîə nə Sɔ̂l ə tsàyn tom èchùŋ ə Ndàmaskùs kûmə̀ Njisə̀s mə è fànə̀ va.

Ətefɨ̂aʼ 9:27 ပူးပေါင်းရင်းမြစ်များ

Ətefɨ̂aʼ 4:36

Ə̀ nyi zamə kə Njosɛ̀f, ə wùə èsas ə ndɛ Levìzè mə ə tè piə vəyn endaʼ ə Sàypulòszè, tè nəyn. Ghɨətom ə Njisə̀s ghè tè tɔŋtə vəyn nə Pànapàs, (Ə wùə vɛ ə è tè nə̂ nə ghɨ ghə kyi ə̀təm etɛ.)

Ətefɨ̂aʼ 4:29

Zôyn nyi, ə Pɛ̂pɛ, kwaʼte fâynsè zɨnə ə ghənə fâynsə̀ ghàs ə fo kwəynsə atyaʼ sê ghàs, ghɨ əfɨaʼa ghɛghe, ə ghàs ə ndâʼà tom zɛ, fânə̀ va fɨa.

Ətefɨ̂aʼ 4:13

Pità tè wàmnə̀ zâ, ghɨ nə ghɛ ə fe ə̀təm atyaʼ ghɛ ə yî Njɔyn tè kyi ə fɨnə fe nə ghənə nyi ke ə̀ghɨ ndaʼa, ke pîva ŋwàʼlè. Ghənə e sè nyi è kaynze ə ke fe səmɔʼ nə, Pità yî Njɔyn nyi əghɨ mə ə tè kwiə yîghə̀ Njisə̀s shîŋə̀ tekɨ̂m.

Ngàleshyà 2:13

Ghɨ Njûs ə mɔ̀ʼɔghe e pɔŋɔ kaŋkaŋə̂ nə̂ ndùə kəpi ə̀ghɛ kə vəyn. Ghɛ ə ghənə ghe kaŋkaŋə nə nə ghɨnə ə kyìŋsə̀ kəpî Pànapàs.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

1 Kɔlìŋ 15:8

Epàm ətəyn è və ke tyə̀nə kwùŋsə ngɨŋə̂ vəyn sê mi nâʼàpî kə m nyi kə wùə ə tè piə ndɔʼɔ shîŋə̀kè kwəyn.

1 Kɔlìŋ 9:6

Mə ə̀ nyì ke ghasè Pànapàs ə kyi sə̂ fɨaʼà kə ndò tsɔ̀fə ə kyi kɛve mə?

Ətefɨ̂aʼ 15:2

Pɔ̂l yî Pànapàs ə zhə̀tə̀ èsaʼnê ze kwûəmə̀ kə nyi yî ghɨ nə ghɛ kûmə̀ èzaʼlê nə zɨ̂yn. Ə ke saynê nə Pɔ̂l yî Pànapàs è ghɨ ə pomə əmɔ̀ʼɔghe ə Antyòk kɔʼ ndu ə Njèlusalɛ̀m ə fe ghɨətomə Njisə̀sghè è ghɨə chisəghe ə ndɛ ə̀ Fèzhə̀ kûmə̀ èghɛ nə zɨ̂nə̀.

Ətefɨ̂aʼ 13:2

Shɨŋ zɛ ghənə kɔʼsə Zhə̀fè fɨnə pamə ècho, Zuʼ se Ŋwaʼase ə pə̀ piə sê ghənə nə, “Ghàyn chɔʼ Pànapàs yî Sɔ̂l ə ndəm, ə ghənə ə nə̂ èfɨ̂aʼ zɛ ə m kyiŋə nə ghənə ə nə̂.”

Ətefɨ̂aʼ 12:25

Pànapàs yî Sɔ̂l ə mɨ̀sə̀ èfɨ̂aʼ ə ghənə̂zè ə Njèlusalɛ̀m, ə kɛsə pə̀ ə Antyòk yî ghə̀ Njɔ̀yn Mâk.

Ətefɨ̂aʼ 11:25

Pànapàs ə fɨnə ndò ndùə ə endaʼa Tasùszè se kyiŋə Sɔ̂l.

Ətefɨ̂aʼ 11:22

Ghɨə ghɛ ə ghe tè nyi ə ndɛ ə Fèzhə̀ ə Njèlusalɛ̀m ə zɨə saʼghe kûmə̀ èghɛ nə zɨ̂yn ə tomə Pànapàs nə è ndu ə Antyòk.

Ətefɨ̂aʼ 9:17

Ànàniyàs ə ndò ə ndùə njiə ndɛ zɛ ə Sɔ̂l tè nyi ətəyn ə ndə̀mə̀ ə̀gho ə vəyn atu ə pìə nə, “Ànyì vɨ̂mè Sɔ̂l, Pɛ̂pɛ è ngɨŋə̂ vəyn ə tom mi sê ghò, ə Njisə̀s è ngɨŋə̂ Vəyn vɛ ə È fə pfɨ̀ŋə̀ fɨ ə ghò əshi endom kə ò fe pə fâyn. È tom mi sê ghò nə ò kɛse fe tèluʼ ə ò lwiyn è Zuʼse Ŋwaʼase.”

Ətefɨ̂aʼ 9:29

È tè wàmnə̀ fɨnə saʼnə̂ ə̀ghɛ yî ghɨ Njûs ghɛ ə ghe tè wàmnə̀ wâmnè ə Nglêkzè. Ghənə zhə̀tə̀ sè fɨasə se zhwiə vəyn.