Ətefɨ̂aʼ 9:23 - Ŋwàʼlè ə̀ Fèzhə̀ Mkâyn Mə̂ Fèm

²³ Ə pə̀ kə tuʼm̀ tsɛ̀ setsɨ̀, ghɨə Njûsghè ə tsɨ̀yntə̀ kaʼke amɔ̀ʼ sè fɨasə se zhwiə Sɔ̂l.

Ətefɨ̂aʼ 9:23 ပူးပေါင်းရင်းမြစ်များ

Ətefɨ̂aʼ 13:50

Pîza ghɨ Njûs nə ghɛ ə chiyntə̂ ə̀ghɨ ghaʼâghè fumə apàs endaʼke è zəyn e tɛ ghɛ ə ghe tè ngɨmnə Zhə̀fè nə ghənə fo ngəʼ sê Pɔ̂l yî Pànapàs. Ghɨ nə ghɨ̂yn ə chûmə̀ fɨsə ghənə fumə apàs endaʼke.

Ətefɨ̂aʼ 14:19

Ghɨ Njûs yîghe ə ndò pə̀ ə endaʼ ə Antyòkzè apàs endaʼ ə Pìsindyàkè, ə ndò pə̂ kəpi endaʼ ə Ìkonyùm ə pə̀ fɨə Listɨ̀là, ə nə̀ nə nɔ̂yn ə ghɨ nə kɛ ə zɨə kə èghɛ zɛ ə ghənə tè pìə, ə tɨmnə̂ Pɔ̂l è chîə ə shìnə̀ fɨə è vəyn fumə ə tɔ̂ŋ, kwaʼtə̀ nə è və kwu.

Ətefɨ̂aʼ 14:2

Pîza ghɨ Njûs ghɛ ə ghe tè tə nə ghe pomə̂ va, ə ndwìsə̀ ə̀ təm əghɨ̀ ghɛ ə̀ tè vachi ə̀ghɨ ə Njûsghè nə ghənə ə nyɔʼsə̀ ètɔŋ sê ghɨ ghɛ ə ghe pomə Njisə̀s.

Ətefɨ̂aʼ 15:26

Ghənə nyi mə ə ndə̀m ndam ə ghənə̂zè nə ə̂ kyànə̀ pə̂ pi ghè, ə ghənə ə nə̂ kə èfɨaʼ ə Pɛ̂pɛ Njisə̀s Klâyszè.

Ətefɨ̂aʼ 20:3

ə ndamə fu sə senjɔŋ seta. Ə tè nyi kə è pɨaʼtə̂ se ndù ə Silyà ə zɨə nə ghɨ Njûsə̀ pɨaʼtə̂ se zhwiə vəyn. È və ke chɔʼnê se kɛsə ndù endomve ə Màsèndonyà.

Ətefɨ̂aʼ 23:12

Tuʼfe komtəfe è pɨsə̀ pɨ̂sə̀, ghɨ Njûs yîghe ə kwəynə̂ ə nə̀ èpɨaʼtê. Ghənə ə njìə èkâyntè nə ghənə nə̀ zhiə va, pi se mɨ afɨa kyîke se zaʼâ kə ə zhwi Pɔ̂l.

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

Ətefɨ̂aʼ 9:22

Pîza Sɔ̂l ə pɨlə ndaʼà nduə kə tom èchùŋ ə̀ Njisə̀s eshike è tyaʼke. Ghɛ zɛ ə è tè nə̂ se tyə̀yn nə Njisə̀s nyi vɛ ə chɔʼ ndə̂m tè panə kə ndayn, zə nə̀ ghɨə Njûs ghɛ ə ghe tè ndamə ə Ndàmaskùs e fɨyn kyi va nâʼà èghɛ zhîze se pì.

2 Kolìŋ 11:26

Kwuŋ kə ndɛtê se njìə mi nâʼà shîŋə̀tè setsɨ̀ kə m ndùə kwîzè, mə fɨnə shwîtə̀ èkwu əghɨ chɔŋəghə gho. Mə shwìe kwuze əghɨ ghasghe ndaʼ ghə gho, ə shwìe əghɨghe əgho ghɛ ə̀ va əghɨ ə Njûsghè. Mə shwìe kwuze ə tendaʼ te ghaʼâtè, ə shwìe ətelùʼ tə ashəshəte. Mə shwìe kwuze ə enjwì ə fengwaŋ eghaʼâvè, ə shwìe əgho ə ghɨ̀ə kə kaŋa nə̂ nə ə pomə.