Ətefɨ̂aʼ 9:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ È və ndò ə chəmə ndùə kə ə sendɛ sə atsɨ̀yntese ə shɨŋ nə zɛ ə zhə̀tə̀ sè ndàʼà tom èchùŋ nə Njisə̀s nyi Vâ ə̀ Fèzhə̀.

Ətefɨ̂aʼ 9:20 ပူးပေါင်းရင်းမြစ်များ

Matyò 27:43

È samsə̂ sê Zhə̀fè pîə nə è nyi va Fèzhə̀. Ngəʼ va, ə ghâsènì fe ke ndò ezhoghɛ Zhə̀fè sɔsè vəyn zôyn.”

Matyò 27:54

Tuə sesokə̀ʼ kɛ ə ke tè tsɨ̀ŋnə Njisə̀s yî sokə̀ʼ sə mɔ̀ʼɔse ə fe zâ kə chike nəʼə̀ è ghɛ kayntə mɔ̀ʼɔ ghɛ ə ghe kyâyn, fâynzè ə ko ghənə, ghənə ə pìə nə, “Səmɔʼ, wùə vɨ̀nə tè nyì ke nâʼà Vâ Fèzhə̀!”

Matyò 4:3

Ndə̂plè ə pə̀ sê Vəyn ə pìə nə, “Ə ò nyi vâ Fèzhə̀, O tsâ sê chi ghɨnə nə ghe kəmne sə apayn ə kwaŋke.”

Njɔyn 1:49

Nàtanyèl ə pə̀ynsə̀ nə, “Tyə̀ynsè Ò nyì ke nâʼà Vâ ə̀ Fèzhə̀! Ò nyi fɔ̀yn ə̀ Isìlây!”

Njɔyn 19:7

Ghɨ Njûsghè ə fɨnə pîə kwəynsə̂ kə nə, “Ghàs kyi esaʼ ze tyə̂nə̀ nə è kyi se kwu kûmə̀ nə è ndə̀mə̀ nə È nyi Va Fèzhə̀.”

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Njɔyn 20:31

Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.

Ətefɨ̂aʼ 13:14

Ghənə ə ndò ə Pengà ə kɔʼɔ ndûə ə endaʼ Antyòk zɛ ə è tè nyi endaʼ èghaʼâ ə Pìsindyà. Tuʼ endaʼ ə ghɨ Njûsvè ə pə̀, ghənə ndùə njiə ə ndɛ̂ atsɨ̀ynte ə tso tsɨsə ə chi.

Ətefɨ̂aʼ 13:33

Tsɨ̂nè nə zɨ̂nə ə kɔʼ kwəyn sê ghàs ghɔ etɔ̀ŋ ə ndɛ ghənə̂ghè, endom nə Zhə̀fè ə tə nə̀yn Njisə̀s ə zòmə̀. E nyi ke èghɨ kə nyi mə nyàʼ əfètəyn àkùmte ə ŋwàʼlè ə̀ sè Njàŋkè nə: ‘Mə njì ghò sə mìə Vayn, se zhə̀tə̀ ndàyn, m nə nyi Pɨ̀a vɛ̂vè.’

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ətefɨ̂aʼ 13:5

Ə pə̀ kə ghənə ndû fɨ endaʼ ə Sàlamìszè ə ndàʼà tom ə̀ Fèzhə̀ ə sendɛ sə atsɨ̀ynte sə ghɨ Njûsghè. Ghənə ə njìə paʼsə̂ Njɔ̀yn Mâk kə è və tsâmtə̀ ghənə.

Ətefɨ̂aʼ 14:1

Ə Ìkonyùm, Pɔ̂l yî Pànapàs ə ndùə ə njiə ndɛ̂ atsɨ̀ynte ə̀ ghɨ Njûsə̀ kè kə ghənə tè ndamə nə̂ nâʼàpî ghayn, ə ndàʼà tomə̀ Njisə̀s fumə, ghɨ Njûsghè è ghɛ ə̀ tè vachi əghɨ ə Njûsghè ə pomə sê Pɛ̂pɛ, tsɨ̀ə kə nyi.

Ətefɨ̂aʼ 16:13

Tuʼ endaʼ ə ghɨ Njûsvè ə pə̀, ghàs ə ndwìə fɨə endaʼa nə zɛ ə ndùə ə etipìə tsô èghaʼâ. Ghàs tè kwàʼtə nə ghàs nə fe eluʼ fu vɛ əghɨ ə Njûsə̀ zûŋtə̀ ətəyn tsə̂mə̀. Ghàs ə tso tsɨsə̂ əchi ə wàmnə̀ se zəyn ghɛ ə ghe tè nyì fu.

Ətefɨ̂aʼ 17:10

Tuʼve ə chîə, ghɨə poməghe ə njìə Pɔ̂l yî Silàs ə tomə nə ghənə tə ndu endaʼ ə Pelyàzè kûmə̀ ngəʼ nə zɨ̂yn. Ghənə ə ndùə fɨə fu ə ndùə njiə ə ndɛ̂ atsɨ̀ynte ə̀ ghɨ Njûsə̀.

Ətefɨ̂aʼ 17:17

È və kyîə èkâtè əghɛze ə ndɛ̂ atsɨ̀ynte yî ghə̀ ghɨ Njûsə̀, è ghɨ Nglêk ghɛ ə tè fànə Zhə̀fè, è kɨsè ə telùʼ tezhɔynte tuʼmè m̀kɨ̂m yî ghə̀ ghɨ ghɛ ə è tè pə kwəynə̂ yî ghə̀ ghənə fu.

Ətefɨ̂aʼ 17:2

Kè kə è tè nə̂ tsɛ̂ nâʼà pi ghayn kə è ndùə, Pɔ̂l ə ndùə ə ndɛ̂ atsɨ̀ynte. Ə mtuʼ me ndaʼam̀ m̀ta, è ve kâytə̀ ə̀ghɛ yî ghə̀ ghɨ mə ghe fɨ ə ŋwàʼlè ə̀ Fèzhə̀.

Ətefɨ̂aʼ 18:19

Ghənə ə kwiə ndûə tânə̀ endaʼ ə Ɛfesùszè, Pɔ̂l ə za Plìsilà yî Àkwilà ə ndùə ə ndɛ̂ atsɨ̀ynte ə kyîə ekâtè əghɛ yî ghə̀ ghɨ Njûsə̀.

Ətefɨ̂aʼ 18:4

Pɔ̂l tè kyiə əghɛ ə katə yîghə̀ ghɨə Njûsə̀ è ghɨə Nglêkghè tuʼ tendaʼ tekɨ̂m ə ndɛ àtsɨ̂ynte mɔ̂msə̀ se nə̀yn nə ghənə zɨ ghɛ zɛ ə è tè piə.

Ətefɨ̂aʼ 19:8

Pɔ̂l ə ndùə ə ndɛ àtsɨ̂ynte, ə njìə sènjɔŋ seta wamnə̀ nâʼà è kyə̀ ètɛ yî ghə̀ ghɨ təynghe, kyiə èkâtè əghɛ yî ghə̀ ghənə mɔ̂msə̀ se tsa paynsê se ghənə kûmə̀ èfɔ̂yn ə Fezhə̀vè.

Ətefɨ̂aʼ 8:36

Ghənə e sè kwîə ndûə ə ndùə zaʼâ elùʼ vîve, ə fe m̀mo, wùə nə vɛ ə pìə sê Filìp nə, “Fe kə mômə. Ò vayn kàʼa ò fo mi èmôm zôyn kûmə̀ ghè?”

Ətefɨ̂aʼ 9:22

Pîza Sɔ̂l ə pɨlə ndaʼà nduə kə tom èchùŋ ə̀ Njisə̀s eshike è tyaʼke. Ghɛ zɛ ə è tè nə̂ se tyə̀yn nə Njisə̀s nyi vɛ ə chɔʼ ndə̂m tè panə kə ndayn, zə nə̀ ghɨə Njûs ghɛ ə ghe tè ndamə ə Ndàmaskùs e fɨyn kyi va nâʼà èghɛ zhîze se pì.

Ŋwàʼlè ə̀ Pɔ̂l sê ghɨə Lûmghè 1:4

Zhə̀fè ə tə tyə̀yn tɔynə̂ atyaʼ ə Sezuʼ Eŋwaʼake nə È nyi Vâ Fèzhə̀ kə È ndwìsè Vəyn ekwu. Vayn nə vɛ mə nyi Pɛ̂pɛ ə̀ ghâsènì Njisə̀s Klâys.

Ngàleshyà 1:16

se tyə paynsə̂ Va vəyn sê mi, kə mə ndaʼà tom èchùŋ se ghɨ ghɛ ə̀ vachi ə̀ghɨ Njûsghè, m tè paʼà ndù nə wùə təfte mi.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Etyə̂yn ə paynsêzè 2:18

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Tyàtilà nə: Ə̀ ghɨnə̀ nyi əghɛ mə ə̀ pi Va Fèzhə̀ vɛ ə shiə vəynghe nyi kə andəm ewûske za, gholə vəynghe e nyanə̂ kə nyî kə akas ə chûŋkè kə ə pûŋsè echi.