Ətefɨ̂aʼ 9:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Kè sə ashìŋə̀, fɨake ə fɨə kə ewû ambɔ̀vè ə Sɔ̂l əshi ə tàyntə̀ ə chi, è və zhə̀tə̀ se kɛsə fe teluʼ. È və ndwìə ə fiə m̀mo,

Ətefɨ̂aʼ 9:18 ပူးပေါင်းရင်းမြစ်များ

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ətefɨ̂aʼ 2:41

Kûmə̀ nyi, ghɨ tsɨə ghe ə pomə̂ ewâmnè ə Pità nə zɨ̂yn, ə fiə m̀mo. Ghɨghe ə paʼsə̂ anɔ̀yn ə ghɨe poməke etuʼ nə vɛ se zaʼâ sekam sèta.

Ətefɨ̂aʼ 22:13

È və pə̀ tyəmə̂ ə mi ngwùŋ ə pìə sê mi nə, ‘Ànyì vɨ̂m Sɔ̂l, kɛse fe luʼte.’ Kè fumə ashìŋə̀, mə fɨnə fe ə naynə̂ ə fe vəyn.

Ətefɨ̂aʼ 22:16

Pî zôyn nyi, ò lɨmtə̂ ghè? Ndwi kɔʼ ə fiə m̀mo kə ə shu tsɨsè sèpi sɛse, mə ò tsə̀mə̀ ndûə sê Vəyn.›

Ətefɨ̂aʼ 9:17

Ànàniyàs ə ndò ə ndùə njiə ndɛ zɛ ə Sɔ̂l tè nyi ətəyn ə ndə̀mə̀ ə̀gho ə vəyn atu ə pìə nə, “Ànyì vɨ̂mè Sɔ̂l, Pɛ̂pɛ è ngɨŋə̂ vəyn ə tom mi sê ghò, ə Njisə̀s è ngɨŋə̂ Vəyn vɛ ə È fə pfɨ̀ŋə̀ fɨ ə ghò əshi endom kə ò fe pə fâyn. È tom mi sê ghò nə ò kɛse fe tèluʼ ə ò lwiyn è Zuʼse Ŋwaʼase.”

Ətefɨ̂aʼ 9:19

Ə pə̀ kə è zhi fɨake, tyaʼa vəynke ə kɛsə̂ pə̂. Sɔ̂l ə fɨnə ndamtə̂ kɔʼɔ pə̂ mtuʼlə̂ yighə̀ ghɛ ə tè nyi mə ə pomə̂ Njisə̀s ə Ndàmaskùs,

Ətefɨ̂aʼ 9:8

Sɔ̂l ə ndwìə ə chi ə zàynsə̀ ə̀shi ə vəynghe pîza ndomve va kə è fe nâʼà àfɨa kyîke. Ə ke kyi vəyn ekɔyn ə shìyntə̀ njiə ndûə è vəyn endaʼ ə Ndàmaskùs.

2 Kolìŋ 3:14

Kwaʼtè tə ghənə̂tè tè nyi mə fìyn, pî se kɔʼɔ zaʼâ ndàyn, kwaʼtè tə ghənə̂tè nyi mə ə fìyntè nâʼà pi ashìŋə̀ àkè kɛ ə ghənə tɔŋɔ ŋwàʼlè àlâŋ. Ə kaʼa nji tsɨsè ke àfɨa əkɨytə nə kɨnə mə ezhoghɛ ə wùə tsɨ̀yntè paʼse yî Klâys.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.