Ətefɨ̂aʼ 9:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ànàniyàs ə ndò ə ndùə njiə ndɛ zɛ ə Sɔ̂l tè nyi ətəyn ə ndə̀mə̀ ə̀gho ə vəyn atu ə pìə nə, “Ànyì vɨ̂mè Sɔ̂l, Pɛ̂pɛ è ngɨŋə̂ vəyn ə tom mi sê ghò, ə Njisə̀s è ngɨŋə̂ Vəyn vɛ ə È fə pfɨ̀ŋə̀ fɨ ə ghò əshi endom kə ò fe pə fâyn. È tom mi sê ghò nə ò kɛse fe tèluʼ ə ò lwiyn è Zuʼse Ŋwaʼase.”

Ətefɨ̂aʼ 9:17 ပူးပေါင်းရင်းမြစ်များ

Matyò 19:13

Ghɨghə ə pə̀ è mɨ̂ətə̀m sê Njisə̀s nə È tsəm sê ghənə. Pîza chùmtè èpàm sə vəynse e zɔ̂ sê ghɨ ətəynghe.

Ŋwàʼlè ə̀ Mâk 5:23

Ə chyatə̂ vəyn nâʼà sə ŋaŋ ə pìə nə, “Vayn vɨ̂m ve zəyn nyîə zafə, kyaʼà se kwu. M chyatə̂ ndò ghò pə ndə̀m gho kɛke ə vəyn ətu ə è tɛ ə è və nyi.”

Ŋwàʼlè ə̀ Mâk 6:5

Njisə̀s paʼà tiəmə̂ fɨnə kyîə èndom se nə̀yn eghɛ ekayntəze fu, ə tsɛ̂ kə va nə è ndəm gho əghɨ zafəghe ewìyn ə shyàʼ nyi, ghe ə tɛ.

Tom èchùŋ kè kə Lûk tè nyaʼ 1:41

Kə̂ Ɛ̀lisapɛ̀t zɨ tɔŋtə̂ ə vəynze kè sə ashìŋə̀, vayn ə shiŋə ə vəyn endwɔ̀. Zuʼ se Ŋwaʼase ə lwinə ə Ɛ̀lisapɛ̀t ətəm

Tom èchùŋ kè kə Lûk tè nyaʼ 1:67

Zuʼ se Ŋwaʼase ə lwinə ə pɨ̀a vəyn Sàkàlyâ ətəm, ə̀ nə̀ è ve sè wàmnə̀ kyə̀ Fèzhə̀ piə nə:

Tom èchùŋ kè kə Lûk tè nyaʼ 1:76

Sê ghò, ə vayn vɨ̂m, ə tə tɔŋtə̂ ghò nə fɨ̀aʼtè èghaʼâ ə̀ Fèzhə̀ fɛ fe ngaŋte kwəyn kûmə̀ nə ò tə nə̂ ə ò ndùə əshi, fɛtə̂ endom, Pɛ̂pɛ e pə̂ ə ghò epàm,

Tom èchùŋ kè kə Lûk tè nyaʼ 15:30

Pîza vayn vɛ vɨ̀nə vɛ è ndù kɛse pə̀yn, mə è və tə njiə kɛ vɛve ə ndùə pofsə̂ yî kwàlàe, ò sè nyi mə ò kàytè zaʼ echitə kɛ sê vəyn!’

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Tom èchùŋ kè kə Lûk tè nyaʼ 2:11

Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 13:3

Ə pə̀ kə fɨ̀aʼtè sɛ è tyə̀ynsèsè mɨ̀sè tsə̂mzè è pam echo, ghənə ə ndə̀mə̀ ə̀gho ə Pànapàs yî Sɔ̂l ətu, ə tomə fɨsə̂ ghənə nə ndu ə nə̂ èfɨ̂aʼ ətəyn.

Ətefɨ̂aʼ 13:52

Chùmtè èpàm sə Njisə̀s shise ə Antyòk ə faŋa epàm sè saŋnə̂ nâʼà àchûŋ, mə ə lwiyn è Zuʼ se Ŋwaʼase.

Ətefɨ̂aʼ 19:6

Pɔ̂l ə ndəmə̀ ə̀gho ə ghənə tu, Zuʼse Ŋwaʼase ə pə̀ sê ghənə, ghənə ə zhə̀tə̀ sə̂ wâmnə̀ tewâmnè tə ndôtè ndɔ̀ʼɔ zaʼle, fɨnə ndaʼà kəpi tom ə̀ Fèzhə̀.

Ətefɨ̂aʼ 2:4

Zuʼse Ŋwaʼase ə pə̀ njiə ə nâʼà piə ndè əfètəyn fu ə nə̀, ghənə zhə̀tə̀ sè wàmnə̀ ə tewâmnè tə tendaʼ tə ndôtè. Ə̀ tè nyi Sezuʼ sɛ ə se tè nəyn nə ghənə ə wâmnə̀ ə̀ghɛ ghɛ ə ghənə tè wàmnə̀.

Ətefɨ̂aʼ 21:20

Ə pə̀ kə ghənə zɨte mɨsè sê vəyn, ghənə əkɨ̂m ə fo àzɔ̀ŋnè se Zhə̀fè. Ghənə ə ke pì nə, “Ànyì vâsvè Pɔ̂l, o fe kə ghɨə Njûsə̀ kamse tsɨəse pomə sê Zhə̀fè è ndom vɛ ə ghənə ndə̂mə̀ lâŋkè ətə?

Ətefɨ̂aʼ 26:15

Mə pfɨfə nə, ‹Ə̀ nyì ghô ndè, ə Pɛ̂pɛ?› Pɛ̂pɛ ə pə̀ynsə̀ nə, ‹Ə̀ nyi Mi Njisə̀s vɛ ə ò tsə̀fsə̀.

Ətefɨ̂aʼ 4:31

Ə pə̀ kə ghənə tsə̀m mɨ̂sè, luʼ vɛ ə ghənə tè nyi ətəyn, və shɨŋə nəʼə̀. Zuʼse Ŋwaʼase ə lwinə ə ghənə ewìyn nâʼà ə̀kɨ̂m. Ghənə ə zhə̀tə̀ sè ndaʼa tom ə̀ Fèzhə̀ ètəm a tyaʼa.

Ətefɨ̂aʼ 6:6

Ghɨə pomə tè pəyn è ghənə sê ghɨətom ə Njisə̀sghè, ghənə ə ndə̀mə̀ ə̀gho əghɨ nə ghɨ̂yn ətu ə tsə̀mə̀ sê ghənə.

Ətefɨ̂aʼ 8:17

Pità yî Njɔyn ə ke ndə̀mə əgho ə ghənə tu, ghənə ə fiə Sèzuʼ se Ŋwaʼase.

Ətefɨ̂aʼ 9:18

Kè sə ashìŋə̀, fɨake ə fɨə kə ewû ambɔ̀vè ə Sɔ̂l əshi ə tàyntə̀ ə chi, è və zhə̀tə̀ se kɛsə fe teluʼ. È və ndwìə ə fiə m̀mo,

Ŋwàʼlè ə̀ Pɔ̂l sê ghɨə Lûmghè 15:7

Ghàyn e fiə ə̀ ghɔnyì ghanə kèpî eghɨ kə Klâys fi ghàyn, wùə èmɔ̀ʼ èmɔ̀ʼ, kə pomsê zə nyi sê Zhə̀fè.

1 Kɔlìŋ 15:47

Andàm ə̀shi vɛ ə tè fɛte mchi tè pə̀yn mchi, Andàm e kòmtə ə pə̀ ekwùtwəyn.

1 Kɔlìŋ 15:8

Epàm ətəyn è və ke tyə̀nə kwùŋsə ngɨŋə̂ vəyn sê mi nâʼàpî kə m nyi kə wùə ə tè piə ndɔʼɔ shîŋə̀kè kwəyn.

1 Kɔlìŋ 9:1

M va sə mì ə ngɨŋ ə̀? M va wùətom ə̀? M tè paʼà fe Njisə̀s Pɛ̂pɛ ə̀ ghâsènì ə? Ghàyn va etwɔm efɨ̀aʼ zɨmze ə Pɛ̂pɛ ə̀?

1 Timotì 4:14

Kə ò lɛse fo zɛ ə Zuʼse Ŋwaʼase tè fo sê ghò za kə fɨ̀aʼtèsè wàmnè ghɛ kûmə̀ ghò, nɔ̂yn ə sechəʼ sə ndɛ̂ Fèzhə̀sè ə ndə̀mə̀ əgho ə ghò tu.

1 Timotì 5:22

Kə ò tə nəyn nə wùə ə nyi àtu mə ò ndəm əgho ə vəyn atu mə ò paʼà njì shîŋə̀kè se mɔ̀mə fe vəyn. Ə o nə̀yn nyiə mə, ə zə nyi kəpiə ò nə̀ ndò ghɛ əpi ghɛ ə è nə̀. Kə ò nə pfɨ ə pi.

2 Timotì 1:6

Kûmə̀ zɨ̂nə mə, m pɨ̂əytə̀ ghò nə ò kɛse tɨ̂msè èfo zɛ ə Zhə̀fè tè fo sê ghò kə m tè ndəm gho ghɨmə ə ghò tu.

Filemùyn 1:16

Se zhə̀tè zôyn, è nə vachi ke tsɨ̀yntsɨ̀yn àkɔ̀s, pîza è nə nyi ànɛ̂ ve èkɔ̀ŋ ə Klâys. M nyiə kɔ̂ŋɔ̀ vəyn, pîza ò kyi sə̂ kɔ̂ŋɔ̀ vəyn tsɛ̂ kə m kɔ̂ŋɔ̀. Ò nə kɔ̀ŋɔ̀ vəyn kə akɔ̂s kɛke, è kɨsè kûmə̀ nə è nyi chùmtè ə̀ Klâys kèpî kə ghò.

Ipilù 6:2

nə ghɨ kyi se fi mmo, nə kyi sə̂ ndə̀mə̀ ə̀gho ə ghɨghə tu pɔsə̂ ghənə, nə ghɨ tə zômə̀, nə Zhə̀fè tə saʼa ə̀ghɨ ə kwùŋse ə mbi.

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,