Ətefɨ̂aʼ 9:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ànàniyàs ə pə̀ynsə̀ piə nə, “Pɛ̂pɛ, ghɨ ə tsɨəghe ə tsàyn sê mi kûmə̀ wùə vɨ̂yn, è ghɛ ə tɛ ghɛ ə è tè nə sê ghɨ ghɛghe ə Njèlusalɛ̀m.

Ətefɨ̂aʼ 9:13 ပူးပေါင်းရင်းမြစ်များ

Matyò 10:16

Ghàyn zɨte! M tomə fɨsə̂ ghàyn nyi, ghàyn e ndûə sə̂ nyi kə sendzè əfètə̂ sènyàm se pɨase. Ghàyn kyi sə̂ tɔfə kə kə sembam, kyi sə̂ kyi èngɨmnê kə ekwɨ̀l.

Ətefɨ̂aʼ 22:4

Mə tə nyàplè è ghɨ pomə ghɛ ə ghe tè chùmtə ndom vɨ̀yn ə ndə̀mə̀ ndûə kə ekwu. Mə tə ko zənə è ndômnèghè ndə̂mə̀ ghənə ə ndɛ ə̀chaʼ.

Ətefɨ̂aʼ 8:3

Pîza, Sɔ̂l ə zhə̀tə̀ kyiŋə èndom nə ghɨə ndɛ ə̀ Fèzhə̀ghè mi, sè njiə kə ə ndɛ ə ndɛ, shînə̀ fɨsə̂ ə̀ ndômnè è zənə, ndə̂mə̀ ghənə ə ndɛ ə̀chaʼ.

Ətefɨ̂aʼ 9:1

Sɔ̂l tè pa kâyntə̀ kə ètyaʼa nə zhi nə̀ zhwitə̂ sèchùmtè sə Pɛ̂pɛse. È və ndò ndûə sê wùə èkɔʼsə nə èshyə̀ engaŋtə kwəynə,

Ətefɨ̂aʼ 9:21

Nâʼà ə̀ghɨ əkɨ̂m ghɛ ə ghe tè zɨ kə Sɔ̂l ndàʼà tom ə̀ Fèzhə̀ tè nyi èkaynze. Ghənə e pfɨfə nə, “Ə̀ vɨ̂nə va wùə vɛ ə è tè zhwitə ghɨghə Njèlusalɛ̀m kûmə̀ nə ghənə tɔŋtə̂ èzə ə Njisə̀s zə? Piə è pə̀yn kepî fayn kûmə̀ eghɛ nə zɨ̂yn se kyitə̂ əghɨ pomə se kɛse ndùə fo sê ghɨ ngɨmnə nə eshyə̀ ngaŋtə ghə?”

Ətefɨ̂aʼ 9:32

Kə Pità tè kwiə ka tsɛ̂ ə telùʼ ə telùʼ ə fètəyn èndaʼ, è və ndùə se mòtè əghɨ ə Fezhə̀ ghɛ ə ghe tè ndamə endaʼ ə Lindàzè.

Ətefɨ̂aʼ 9:41

Pità ə kyîə ndwisə̀ vəyn ə tɔŋnə̂ ə̀ghɨ poməghe è zhwiə kwu ghɛ ə ghe tè nyì fumə, ə tyə̀ynə̀ sê ghənə nə Tàpità nyi ètwɔ.

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

Ŋwàʼlè ə̀ Pɔ̂l sê ghɨə Lûmghè 15:31

Ghàyn e tsə̂mə̀ nə Zhə̀fè ə tɔ̂ʼnə̀ è mi kə ghɨ Njòndyâ ghɛ ə ghe ke va Zhə̀fè nə tàʼa fo ètsôs sê mi. Ghàyn tsəm kepî nə Zhə̀fè nəyn, ə ghɨ afɨfə ə fètə̂ ə̀ghɨ̀ ə Fezhə̀ghè ə Njèlusalɛ̀m fi tsâmtè zɛ m ndûə è zəyn sê ghənə.

Ŋwàʼlè ə̀ Pɔ̂l sê ghɨə Lûmghè 16:15

Ghàyn tɔŋte sê Fìlolongùs, è Njolyà. Ghàyn ghɔnyì ghɨmghe ə Klâys, ə Nelùs, è Òlimpàs, è ànyì ə̀ ghənə̂ ve èzhɔyn è ghɨ Fezhə̀ ghəkɨ̂m ghɛ ə yî ghə̀ ghənə nyi əmɔʼ.

Ŋwàʼlè ə̀ Pɔ̂l sê ghɨə Lûmghè 16:2

Ə è pə̀yn sê ghàyn, ghàyn ə fi vəyn ə Zhə̀fè ezə, kə ghɨ ə Fezhə̀ghè, ə fo nâʼàpî ètsâmtè èkè zɛ ə è kyiŋə sê ghàyn. Ghàyn e ke nə è və tsàmtè ghɨghe setsɨ̀, ə tsàmtə̀ kəpi mi.

1 Kɔlìŋ 1:2

M nyâʼà sê nɔ̂yn ə ndɛ Fèzhə̀ kɛ ə̀ kyi Fezhə̀, ə ke nyi endaʼ ə Kolìnzè, è kɨsè sê ghɨghe əkɨ̂m ghɛ ə Zhə̀fè tɔŋə ə nə̀ nə ghənə nyi ə̀ghɨ ə vəynghe ŋwaʼaghe tɔynə̂ ə Klâys Njisə̀s. Fɨnə nyâʼà se ghɨghe əkɨ̂m nâʼà pi ghayn, mə nyi ghɛ ə ngɨmnə Pɛ̂pɛ ə̀ ghâsènì Njisə̀s Klâys. È nyi Pɛ̂pɛ ə̀ ghənə̂ kèpi kə è nyi Pɛ̂pɛ ə̀ ghâsènì əkɨ̂m.

1 Kɔlìŋ 14:33

kûmə̀ nə Zhə̀fè kɔ̂ŋɔ̀ va nə ghâsènì ə saylə̀ nə̂ ndò ghɛghe, pîza nə ghâsènì ə nə̂ ə̀ghɛ èchoze emɔ̀ʼ è pɔ̂ynè. Kè kə ze nyi ə se ndɛ sə Fezhə̀ sɛ ə ghɨ ə Fezhə̀ghè nyi ətəyn,

1 Kɔlìŋ 16:1

Zôyn, tɔynə̂ eghɛ zɛ ə ghàyn tè nyaʼ kûmə̀ èkɛ vɛ ə tè nyì se fo se tsàmtə əghɨ epoməghe ətəyn ə Njòndyâ, ghàyn kyi se nyəʼlə nə kə eghɛ zɛ m tè pi nə ndɛ sə Fezhə̀sè nəyn ə Ngàleshyà.

1 Kɔlìŋ 6:5

Ghàyn ghomə̂ va? Pîə e za nyi nə wùə vîvè va ə è tɔfə kwəynə ə ghàyn ə fètəyn vɛ ə è kàʼa è saʼ saʼ saynse mə?

Ɛfesùs 1:1

Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Filìpây 4:22

Ghɨə pomə əmɔ̀ʼɔ ghɛ ə ghe nyi fâyn pi nə m pɔŋ tɔŋte sê ghàyn nâʼà àchûŋ, è sas ə ndɛ Kaysàzè.

Kòlosè 1:2

Ghàs nyaʼ ŋwàʼlè nə zɨ̀yn nyi sê ghàyn ghɨə Fezhə̀ ghɛ ə ghe nyi endaʼ ə Kòlosèzè. Ghàyn nyì ghâyn ghə̀ Klâys chûmtə̀ vəyn è təm ghaynghe əkɨ̂m. Ə Zhə̀fè pɨ̀a ə̀ ghâsènì fo ghàyn èfùʼkè, è pɔ̂ynè.

Ipilù 13:24

Ghàyn tɔŋte tu vaynve, è ghɨə Fezhə̀ nâʼà ə̀kɨ̂m. Ghɨ e pomə ghɛ ə ghe ndamə endaʼ ə Italìzè ə tom tɔŋtêzè sê ghàyn.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.