Ətefɨ̂aʼ 9:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Wùə vîvè mə è və pomə̂ se Njisə̀s tè nyiə nyi ə Ndàmaskùs, zə vəynze e nyi Ànàniyàs. È və fe ə̀ghɛ ətelaynəlayn. Fumə əfètə̂ ghɛ ghɛ ə è tè fe əte laynəlayn, Pɛ̂pɛ ə tɔŋɔ̂ vəyn nə, “Ànàniyàs!” È və pomə ə pìə nə, “Pɛ̂pɛ m vɨ̀nə.”

Ətefɨ̂aʼ 9:10 ပူးပေါင်းရင်းမြစ်များ

Ətefɨ̂aʼ 10:3

Ə tè nyi tuʼ fîfe, ə sechwìə sèta mə chwi ə pɔ, è və fe ətelaynəlayn, fumə ə telaynəlayn è və fe paynsə̂ tsì ə̀ Fèzhə̀. E zə tɔŋɔ̂ vəyn nə, “Kɔ̀nilùs.”

Ətefɨ̂aʼ 11:5

“M tè nyi endaʼ ə Njopàzè tsə̂mə̀, ə fe ə̀ghɛ ə telaynəlayn. Fɨa kyîke ə tso pə̂ ekwùtwəyn nyi ke kə apâŋ ə se ndzɨs eghaʼakè kə piə ə kyi pɨ̂asvè kwàʼ tsosə̂ pə. Ə tsosə̂ pə̂ kəynke ə mì əshi.

Ətefɨ̂aʼ 12:9

Pità ə chùmtə̀ vəyn, yî tsì ə̀təyn ə fɨə fu ə ndɛ̂ chaʼ. È tè fɨə za, ke va nə ghɛ zɛ ə tsì ə̀ Pɛ̂pɛ nə̂ nyi səmɔʼ. È tè kwàʼtə nə zhi fe ə̀ghɛ ə telaynəlayn.

Ətefɨ̂aʼ 16:10

Kè kə Pɔ̂l tè fe ghɛ nə ghɨ̂yn ə telaynəlayn, ghâsè ghə̀ ghənə ə pɨaʼtə̂ kə sə ashìŋə̀ nə kɛ se tyàŋà ndù endaʼ ə Màsèndonyàzè kûmə̀ nə ghàs ə tə fe nə Zhə̀fè kyiŋə nə ghàs ndu ndaʼà tom èchùŋ sê ghənə fu.

Ətefɨ̂aʼ 16:9

Ə pə̀ ètuʼve fumə ə fetuʼ, Pɔ̂l ə fe ə̀ghɛ ə telaynəlayn. È və fe wùə mə è ndò apàs endaʼ ə Màsèndonyàkè, è ve tyəm ə vəyn əshi, chyatə̂ vəyn piə nə, “Tyàŋà pə ə Màsèndonyà ə tsàmtə ghàs.”

Ətefɨ̂aʼ 18:9

Ə tè nyi ètuʼve tuʼ fîfe, Pɔ̂l ə fe ə̀ghɛ ətelaynəlayn, Pɛ̂pɛ ə pìə sê vəyn nə, “Kə ò fayn ghɨ ghɨ̀yn, ò wâmnə̀ kə ndò sê ghənə,

Ətefɨ̂aʼ 2:17

‹Ə̀ zɨnə nyi eghɛ zɛ ə M tə nə̂ ə mtuʼ mə èkwùŋsə̂m. M tə fo Sèzuʼ se Ŋwaʼa Sɨmse sê ghɨghe əkɨ̂m, ə ghɔyn ghayn ghe ndômnə̀ è ghe zənə ə tsâ ə̀ghɛ ghɛ ə ghe tə kyanə̀ tsɔ̀fə kə shîŋə̀ ətəynke kwəyn. Kwuŋ taynte tə fe ə̀ghɛ ə te laynəlaynə, mə ghe ndo sê Mi, ə tsəmse ə kyîə ə̀ ndumne ghaynghe.

Ətefɨ̂aʼ 22:12

Wùə vîvè tè nyîə nyi fumə endaʼ zə vəynze nyi Ànàniyàs, ə̀ nyi wùə Fèzhə̀ ndəmə̀ àlâŋ, nâʼà ə̀ghɨ ə Njûs ghɛ ə tè ndamə fumə e kɔʼsə̂ vəyn àchûŋ.

Ətefɨ̂aʼ 9:12

mə è və fe ghɛghe ə telaynəlayn. Fumə ə telaynəlayn, e və fe wùə e tɔŋtə̂ nə Ànàniyàs è ve pə̀yn ndə̂m gho ə vəynghe ə vəyn atu, nə è və fɨnə fe tèluʼ.”

Ətefɨ̂aʼ 9:9

È və nə̀ mtuʼ mta vayn kàʼa è fe. Fumə ashìŋə̀, è tè paʼà zhi ə tàʼa mɨ afɨa kyîke.

2 Kolìŋ 11:32

Ə̀ tè nyi kə m nyi ə endaʼ ə Ndàmaskùszè, wùə vɛ ə fɔ̀yn Àletàs tè ndə̀m nə è və saʼa endaʼ nə zɛ, è və ndə̂mə̀ ə̀ghɨ əcho sembàynghè endaʼ eghaʼazè nə ə ko mi,

Ngàleshyà 1:17

M tè paʼà kɔʼ pîə ə Njèlusalɛ̀m se pfɨf eghɛ sê ghɨətom ghɛ ə ghe tè se nyi ə mì əshi. M tè pɨl ndû ə Àlapyà ə ndò fu ə kɛsə pə̀ kə ə Ndàmaskùs.