Ətefɨ̂aʼ 8:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Wùə tè ndamə fu endaʼ e tɔŋtə̂ nə Shimùyn nə̂ ə̀ghɛ ə fɨyntəghe, ghɨ endaʼ ə Sàmalyàghè e nyi è kaynze. È ve kɔʼsə̂ èwiyn nə zhi nyi wùə ètɛ.

Ətefɨ̂aʼ 8:9 ပူးပေါင်းရင်းမြစ်များ

Njɔyn 7:18

Ghɨ ghɛ ə mômsə̀ sə̂ wâmnə̀ ə ghənə atyaʼ nyîə mômsə̀ se kyî epomsê se ngɨŋ sə ghənə̂sè. Pîza vɛ ə è kyiŋə pomsêzè se vɛ ə è tom vəyn nyîə nyi səmɔʼ, mə ghɛ zhîze va ə nyi akaŋ kûmə̀ vəyn.

Ətefɨ̂aʼ 13:6

Ghənə ə tsà tom èchùŋ ə tɔynə endaʼ nə zɛ ə ndùə tânə̀ endaʼ ə Pafòszè. Kə ghənə tè ndù tayn fu, ə kwəynə̂ è wùə è fɨyntə vîvè mə ə tɔŋtə̂ nə Pal Njisə̀s. È tè nyi wùə Njû tɔŋtə̂ ngɨŋə̂ vəyn nə zhi nyi fɨ̀aʼtè ə̀ Fèzhə̀.

Ətefɨ̂aʼ 13:8

Pîza wùə èfɨyntə nə vɨnə̀ ə zə vəyn tè nyi Elimàs ewàmnè ə Nglêkzè ə tàʼa fo azhəm sê Pànapàs yî Sɔ̂l. È tè kyiŋə nə kə tu apàs endaʼ nə kɨ̂yn pomə tom èchùŋ.

Ətefɨ̂aʼ 5:36

Ə tè nyi kepî tuʼ fîfe, Tìyondàs ə fɨə kɔʼɔ pîə nə ə̀ nyì ke nâʼà zhi nə vɛ̂, ghɨghe ə chumtə̀ vəyn zaʼâ wəte kyàʼ. Pîza ə mɨ̀se ə pa zhwiə vəyn. Pamə̂ tə vəynte ə chyàsə̀ kə fèmɔ̀ʼ femɔ̀ʼ.

Ətefɨ̂aʼ 8:11

Ghənə tè ndə̀mə atûŋnê sə zɨə se vəyn kûmə̀ ə̀ghɛ fɨyntə ghɛ ə è tè kâynə ndamə nə̂ ə ghənə fètəyn sə aghaf e tyâkè.

2 Tèsàlonikà 2:4

Wùə èpi nə vɨ̂nə tə fɨə pə, ə è pi ghɛ ə kwunəghe kûmə̀ Fèzhə̀, è nâʼàpî ghè vɛ ə ghɨə ngɨmnə, njîə nə ə̀ nyi Fezhə̀, ə è pi nə zhi nyîə kɔʼnə̂ tsɛ̂ nâʼà ghənə əkɨ̂m. Kûmə̀ zɨnə mə ə è ndu njiə tsɨsə̂ ə ndɛ̂ Fèzhə̀ ètsə̀mə ə è və pìə nə ə̀ nyì ke nâʼà zhi Zhə̀fè.

2 Timotì 3:2

Ghɨ tə nə̂ ə muə, kɔ̂ŋɔ̀ èkɛ nâʼà àpi, pfɨnə̀ àngàŋtè, ghaŋsə̂ èwiyn, sôylə̀ ə̀ghɨ fɨnə tɛ ètuke sê pɨ̀a ə ghənə̂ghè è nyì ə ghənə̂ghè. Ghənə tə nə̂ ə fo va zɔ̀ŋnèkè sê wùə kûmə̀ nâʼà èghɛ e tətə̂ zhîze kə wùə nə̀yn sê ghənə, kyi va luʼve sê Zhə̀fè ə ghənə ətəm.

2 Timotì 3:5

Ghənə tə nə̂ ə fusə̂ ə̀ghɨ ghɛ ə ghe kɔʼsə Zhə̀fè, pîza zɨə va sê Vəyn nâʼà səkɔs. Kə ò tə paʼsê sê kyì əghɨ̀ nə ghɨ̀yn.

2 Pità 2:18

Ghənə nyîə ghaŋsə wàmnə̀ èwâmnè ze kyi va tɔfze, ghənə njîə ə̀ghɛ ə nyələ ghɛ ə njà sewìynse kyiŋə lesə̂ ə̀ghɨ ghɛ ə ghe pa tə fɨə pə̂ əfètəyn ə̀ghɨ ghɛ ə ghənə ndamə kə sə̂ nə̂ ə̀ghɛ ə pighe.

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.