Ətefɨ̂aʼ 8:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Filìp ə ndò ndûə endaʼ èghaʼâ zhîze apàs endaʼ ə Sàmalyàkè ə ndàʼà tom fumə kûmə̀ vɛ ə chɔʼ ndə̂m.

Ətefɨ̂aʼ 8:5 ပူးပေါင်းရင်းမြစ်များ

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 21:8

Ə fetuʼ fe komtəfe, ghàs ə ndò ə ndùə fɨə ə Kàisalyà ə ndùə njiə ə wùə vîvè ə ndɛ kə è tè tsâ tom èchùŋ ə Fèzhə̀, zə vəynze e nyi Filìp, ə̀ nyi wùə èmɔ̀ʼ ə fètə̂ ghɨ̀ ə̀ sɛ̀mbɛ ghɛ ə tè chɔʼte nə ə nyi ə̀ghɨ tsamtəghe ə Njèlusalɛ̀m.

Ətefɨ̂aʼ 5:42

Tuʼ mè m̀kɨ̂m ghənə e ndûə ə ndɛ̂ ètsə̀mə, è kɨsè ə ghɨghe ə sendɛ zaʼlə̂ ə̀ghɨ fɨnə ndaʼà tom èchùŋ ə̀ Njisə̀s vɛ ə chɔʼ ndə̂m.

Ətefɨ̂aʼ 6:5

Nâʼà ə̀ghɨ ə poməghe əkɨ̂m ə saŋnə àchûŋ kûmə̀ èghɛ nə zɨ̂nə̀ ə ghɨətom ə Njisə̀sghè pì, ə chɔʼɔ Shìtifɨ̀yn, ə nyi wùə mə è və ə fɛte pomə̂ sê Zhə̀fè, Zuʼse Ŋwaʼase e fɨnə chisə̂ vəyn, ə fɨnə chɔʼɔ Filìp, è Pòkolùs, è Nikanò, è Timòyn, è Pàmenàs, è Nìkolùs. Nìkolùs tè nyi wùə mə è ndò pə̂yn endaʼa Antyòkzè, è tè vachi wùə Njûs pîza kwîə kə pomə əghɨ̀ ə Njûszè tyə̀nə.

Ətefɨ̂aʼ 8:1

Ə tè nyàple è Shìtifɨ̀yn zâ, Sɔ̂l e nyi fu ə lotə̂ piə kə nâʼà vəyn nə ə zhwi vəyn. Se zhə̀tə pə̀yn fu fetuʼ, ghɨə ndɛ ə̀ Fèzhə̀ ghɛ ə ghe tè nyi Njèlusalɛ̀m ə zhə̀tə̀ se fe ngəʼ zhizè, è kwûəmə kə nyi. Ghɨə poməghe əkɨ̂m ə tə chyasə̀ ndûə epɨ̀as endaʼ ə Njòndyâvè è və Sàmalyàvè. Pîza ə̀ tè faŋ ke ə̀ghɨtomə Njisə̀sghè fu.

Ətefɨ̂aʼ 8:26

Tuʼ fîfi, tsì ə̀ Pɛ̂pɛ ə pìə sê Filìp nə, “Pɨaʼte ngɨŋ zɛ̂zè ə ndò tso nduə endom vɛ ə ve ndô pə̂yn ə Njèlusalɛ̀m, tsɛ̂ tso ndûə ə Ngazà.” Ə nyi endom mə ə kɛsə̂ tsɛ va ətəyn.

Ətefɨ̂aʼ 8:30

Filìp ə nyɨŋə ndùə paʼsə̂ sê vəyn ə zɨə kə è tɔŋɔ ghɛ ə ŋwàʼlè ə fɨ̀aʼtè Èsayà. È və pfɨfə sê vəyn nə, “Ò vɛ ò zɨə kê ghɛ zɛ ə ò tɔŋɔ ə?”

Ətefɨ̂aʼ 8:40

Kə Zuʼse ə Pɛ̂sè njì Filìp zâ, è və pfɨ̀ŋə̀ fe kə ngɨŋ ə vəyn endaʼa Àzotùszè, ə zhə̀tə̀ kwiə kə endaʼ endaʼ ndâʼà ndùə kə tom èchùŋ, se zaʼâ kə è ndu fɨ ə tɔ̂ŋ ə̀ Kàysaliyàzè.

Ətefɨ̂aʼ 8:6

Ə pə̀ kə nɔ̂yn ə ghɨ kɛ ə ke tè nyi fu fe ghɛ ə kayntə ghɛ ə Filìp tè nə̂, ə zɨə ə̀ghɛ ghɛ ə è tè pîə, ghənə ə fɛtə̂ zɨtə̂ nâʼà ə̀ghɛ ə̀kɨ̂m ghɛ ə è tè piə.

Ətefɨ̂aʼ 9:20

È və ndò ə chəmə ndùə kə ə sendɛ sə atsɨ̀yntese ə shɨŋ nə zɛ ə zhə̀tə̀ sè ndàʼà tom èchùŋ nə Njisə̀s nyi Vâ ə̀ Fèzhə̀.

1 Kɔlìŋ 1:23

pîza ghàs e pɨlə ndaʼà kə nə ə tè payntê Klâys, ə tom mə ghɨə Njûsghè kɔ̀ŋə̀ va, è ze va nâʼà eghɛ zhîze sê ghɨ ghɛ ə ghənə va əghɨ ə Njûsghè.

1 Kɔlìŋ 2:2

Kûmə̀ nə m tè nyi mə mə ndə̀m nə m nə keva ghɛ zhîze kə m tè nyi ə ghàyn əfètəyn, ə̀ tsɛ̂ kə va sə̂ wâmnə̀ kûmə̀ Njisə̀s Klâys, nâʼà èkwu ə vəynze awâmnè.

1 Kɔlìŋ 3:11

Ə piə pə̂ ndò Zhə̀fè nyi mə fə ndə̀m Njisə̀s Klâys nə ə̀ nyì ke àchi andɛ kɛ ke nyi, wùə e va vɛ ə è kàʼa è fɨyn ndəm àchi ndɛ əmɔ̀ʼɔke.