Ətefɨ̂aʼ 8:40 - Ŋwàʼlè ə̀ Fèzhə̀ Mkâyn Mə̂ Fèm

⁴⁰ Kə Zuʼse ə Pɛ̂sè njì Filìp zâ, è və pfɨ̀ŋə̀ fe kə ngɨŋ ə vəyn endaʼa Àzotùszè, ə zhə̀tə̀ kwiə kə endaʼ endaʼ ndâʼà ndùə kə tom èchùŋ, se zaʼâ kə è ndu fɨ ə tɔ̂ŋ ə̀ Kàysaliyàzè.

Ətefɨ̂aʼ 8:40 ပူးပေါင်းရင်းမြစ်များ

Ətefɨ̂aʼ 10:1

Wùə Lûm vîvè tè nyi ə endaʼ ə Kàysalyàzè, zə vəynze e nyi Kɔ̀nilùs. È tè nyi atu sê nɔ̂yn ə sesokə̀ʼ ke ewə̀, mə ə tɔŋtə̂ nə, “Nɔ̂yn ə se sokə̀ʼke wəve mə nyi kə Italìkè.”

Ətefɨ̂aʼ 10:24

Ə fetuʼ femɔ̀ʼɔfe mə zɛ mə tsɛ̀, ghə̀ Pità ə kwìə ndûə njiə ə Kàysalyà. Kɔ̀nilùs è ngɨŋə̂ vəyn è sas ə ndɛ vəynze, è soynsə vəyn sɛ ə è tè ndàmne tè nyîə lɨmtə̂ ghə̀ Pità.

Ətefɨ̂aʼ 11:11

Kè sə ashìŋə̀, ghɨghe ə pə̀ ə̀ ta ə ndɛ zɛ ə m tè ndamə ətəyn, mə ə tom pə̂yn endaʼ ə Kaysalyàzè nə ghənə pəyn fe mi.

Ətefɨ̂aʼ 12:19

Ɛlɔ̀t ə tsɛ̀sə̀ àlâŋ nə ə kyiŋ vəyn, pîza ghənə ə kyiŋə ə tàʼa fe. Ɛlɔ̀t ə ke saʼa se sokə̀ʼ sɛ ə tsɛ̀sə̀ àlaŋ nə ə zhwi ghənə. Epàm ətəyn, Ɛlɔ̀t ə ndò ə Njòndyâ ə tso ndamə ə Kàysalyà sə fe ndiŋə̀.

Ətefɨ̂aʼ 18:22

Ə̀ tè nyi kə è ndù tâyn endaʼ ə Kàisalyàzè ə kɔʼɔ ndûə se tɔŋtê anɔ̂yn ə əghɨ̀ ə poməke ə Njèlusalɛ̀m, ə ndò fu ə kɛsə tso ə Antyòk,

Ətefɨ̂aʼ 21:16

Chùmtè èpàm shîse ə Kàisalyà ə ndùə ghasè ghənə, ə njìə nduə è ghàs ə ndɛ zɛ ə ghàs tè nyì se ndam ətəyn, zə ə wûə təynze nyi Mnasɨ̀yn. È tè nyi wùə Sàypulòs, nyi wùə èmɔ̀ʼ əfètə̂ sechùmtè èpàm sə shise.

Ətefɨ̂aʼ 21:8

Ə fetuʼ fe komtəfe, ghàs ə ndò ə ndùə fɨə ə Kàisalyà ə ndùə njiə ə wùə vîvè ə ndɛ kə è tè tsâ tom èchùŋ ə Fèzhə̀, zə vəynze e nyi Filìp, ə̀ nyi wùə èmɔ̀ʼ ə fètə̂ ghɨ̀ ə̀ sɛ̀mbɛ ghɛ ə tè chɔʼte nə ə nyi ə̀ghɨ tsamtəghe ə Njèlusalɛ̀m.

Ətefɨ̂aʼ 23:23

Tuə sesôkə̀ʼ e ghaʼa nə kɛ ə tɔŋnə̂ ètuə ə sesôkə̀ʼ ə vəynve e pɨ̀a ə pìə sê ghənə nə, “Ghàyn nji sokə̀ʼse ghɨ tepɛ̀, paʼsə̂ è sokə̀ʼ sə mɔ̀ʼɔ sɛ ə se nyiŋə etûə sènyàm zâ m̀ghɨm m̀sɛ̀mbɛ, è kɨ̂sè sɛ ə se nô è ghɔŋɔ zâ ghɨ tepɛ̀, ghâynghə̀ ghənə ə nyi è pɨaʼtêzè se ndù ə Kàisalyà ètuʼve ə sechwìə sè pɔləmɔ̀ʼ.

Ətefɨ̂aʼ 23:33

Ghənə njìə ndùə è vəyn ə Kàisalyà, ə fo ŋwàʼlè sê tu apàs endaʼke, ə fo tsɛsə̀ Pɔ̂l se vəyn.

Ətefɨ̂aʼ 25:1

Festùs tè pə̀yn njî apàs endaʼ ə Kàsalyàkè, epàmə̂ mtuʼ mta, è və ndò ndùə ə Njèlusalɛ̀m.

Ətefɨ̂aʼ 25:13

Tuʼmè ə tsɛ̀ se zaʼâ m̀ shyàʼ, Fɔ̀yn Àngɨ̀lipà yî Pènîs ə pə̀ ə Kàsalyà se pə fi Festùs.

Ətefɨ̂aʼ 25:4

Festùs ə pə̀ynsə̀ nə, “Ə nyi mə fà Pɔ̂l ə Kàsalyà, mə nâʼà mi è ngɨŋ zɨ̂mè nyiə nyi se kwùʼtə ndù fumə.

Ətefɨ̂aʼ 25:6

Ə pə̀ kə Festùs ndam kwəynse yî ghə̀ ghənə sə mtuʼ mfamə pi sə mtuʼ mghɨm, ə ke ndù ə Kasalyà. Ə fetuʼ fe komtəfe, è və tsɨsə̂ ə ndɛ èsaʼa ə tsɛ̀sə̀ àlâŋ nə ə nji pəyn è Pɔ̂l.

Ətefɨ̂aʼ 8:25

Ə̀ tè se nyi kə Pità yî Njɔyn tsâyn mɨ̂sè ghɛ ghɛ ə ghənə ke kûmə̀ tom ə̀ Pɛ̂pɛ, ghənə ə kɛsə kwɨlə ə Njèlusalɛ̀m, ə piə ə kwɨlə ndò sè fɨnə ndàʼà kwɨlə̂ ndùə kə tom èchùŋ ə setə̀ʼ se tsɨəse apàs endaʼ ə Sàmalyàkè.

Ətefɨ̂aʼ 9:30

Ə pə̀ kə ghɨ pomə zɨ paynse nə ə kyiŋə se zhwiə Sɔ̂l, ghənə ə təsə̂ tsosə̂ vəyn endaʼa kàysalyàzè ə tiynsə̂ vəyn endaʼa Tasùszè.

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.