32 Ndiŋ ə ŋwàʼlè nə kɛ ə è tè tɔŋɔ tè wàmnə̀ endom vɨnə, nyiə nə: “È tè nyi kə ndzè zɛ ə tè njì se se, è kɨ̀sə kə va ndzè ə è kyi mɔŋ ezhoghɛ ə kɔmə nyuŋsə vəynse, è zə tàʼa pìə eghɛ.
Njisə̀s ə piə sê Pɨ̀a vəyn nə, “Lɛse fo ghənə ə Pɛ̂, kûmə̀ nə ghənə ke va ghɛ zɛ ə ghənə nə̂.” Ghənə ə ndə̀mə̀ sendzɨs sə vəynse sè tɨmə pèʼ, nə ə̂ zhi pi nde, ə è nji.
Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!
Wùə nə vɛ ə pə̀ynsə̀ nə, “M nyi kàʼa ə m zɨ kê zàyn, ə̀ tsɛ̂ kə va mə wùə ə fɛte tsayn sê mi ə?” È və pìə za ə pîə sê Filìp nə, è kɔʼ pəyn tsɨsə ə vəyn etûə fèchyaʼ kə yî vəyn ə kwiə ndùə əmɔʼ.
Ŋwàʼlè ə̀ Fèzhə̀ pi nə, “Ghàs tyəm ke əkwuze cho tuʼmè m̀kɨ̂m kûmə̀ ghò. Ə naynə̂ ghàs kə pfɨ ə̀ ndzè ə ndûə se se.”
M tsɛsə̀ fo pə̂ se ghàyn ghɛ zɛ ə tè fo sê mi, mə ə̀ lote nyi kàyntè èghɛ, mə ze nyi nə Klâys tè kwu kûmə̀ sèpi sə ghasènìse kè kə nyi mə ə nyàʼ ə ŋwàʼlè ə̀ Fə̀zhə̀ nə,
Pîza Fe tè zhɔyn ghàyn è ndə̂m mə̂ Klâysə̀m, ə̀ nyi m̀ndəm kyi àtyaʼ. Klâys tè nyì ke kə vâ ndzè, kyi va ndi nâʼà səkɔs.