Ətefɨ̂aʼ 8:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Pîza Pità ə pə̀ynsə̀ ə pìə nə, “Ə ò kwàʼtə̀ nə ò kàʼa ò zhɔyn fo ə Fezhə̀zè è kɛve, ə gho ghâyn kɛ vɛve ə ndùə tânə̀ elùʼ ewùs!

Ətefɨ̂aʼ 8:20 ပူးပေါင်းရင်းမြစ်များ

Matyò 10:8

Ghàyn tsuʼ ghɨə zafə, ə zòmsə̀ ghɛ ə nyi mə kwu, ə tsuʼ ghɨ ghɛ ə ghe kyi kwùsà, ə chûmə̀ fɨsə̂ tèpamə̂ tə satàyntè. Mə fo ghàyn è tyaʼa nə ghàyn nəyn ghɛ ghɨ̀nə̀ ə̀kɨ̂m pîza kyiŋə va ndâʼ zhîze sê ghàyn. Ghàyn pɔŋ nəyn ə̀ghɛ nə ghɨ̂yn mə ghàyn pfɨfə va ndaʼè sê ghɨə.

Matyò 15:19

Kwâʼtè tepite fɨə ə ghò ətəm chiynə ghò nə, ò zhwi, nyîŋə̀ è zhwîə wùə è kɨ̂sè ndom ə wùə, è chûmtè ə zəynze, è chɔŋe, è kaŋa kə ò wam ə̂ wùə tu, fɨnə pîə ə̀ghɛ piə yîghe kûmə̀ wùə.

Ətefɨ̂aʼ 1:18

(Ə̀ tè nyi za mə Njondàs ə njì kɛ vɛ ə tè ndâʼ vəyn ətəyn kûmə̀ èghɛ ekwəmnə zɛ ə è tè mɔm ə zhɔnə eluʼ mchive ətəyn. È və tə pfɨ̂ə famə elùʼ, ndwɔ̂ vəynve ə pùʼə̀, njate ə fɨə ətəyn nâʼà tèkɨ̂m, è və kwuə.

Ətefɨ̂aʼ 10:45

Ghɨ Njûs ə pomə ghɛ ə yîghə̀ Pità tè ndò pə̀yn ə Njopà əmɔʼ e sè nyi èkaynze kə Zhə̀fè fo Zuʼse Ŋwaʼase sê ghɨ ghɛ ə̀ tè va ə ghɨ ə Njûsghè.

Ətefɨ̂aʼ 11:17

Mə ke fe səmɔʼ nə Zhə̀fè ə fo foze sê ghɨ ghɛ ə̀ vachi ə̀ghɨ ə Njûsghè kèpi kə fe tè fo sê ghâsènì kə ghâsènì tè pomə sê Pɛ̂pɛ Njisə̀s Klâys. M nyiə tè nyì nâʼà ndè se tàm eghɛ zɛ ə Zhə̀fè tè kyi se nə̀yn ə.”

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ətefɨ̂aʼ 8:19

ə pìə nə “Ghàyn fo kèpi àtyaʼ kɨ̂yn ə ghàyn kyi nyi sê mi kə mə ndə̂mə̀ ə̀gho ə nâʼà pi ndè atu, Zuʼse Ŋwaʼase ə pɔŋɔ pə̀ sê vəyn.”

Ətefɨ̂aʼ 8:22

Kwiyne ə ghò ə tendom tepite, ə ndùə se Zhə̀fè, kûmə̀ tèkwâʼtè tepi tɨnə ò kyi, tsə̀m nə Pɛ̂pɛ lɛse fo ghò kûmə̀ kə ò kyi kwaʼtè nə tɨnə mə ə ghò ətəm.

1 Timotì 6:9

Pîza ghɨ ghɛ ə ghe kɔ̂ŋɔ̀ sə̂ nyi ə̀ghɨ kɛghe pfɨ̂ə njiə ndò əfètə̂ èmɔ̀m, ə ko ghənə əfètə̂ àtam əghɛ ngô tsɨəghe, è kɨsè əfètə̂ àtam əghɛ ə tsɨə ghɛ ə ghe kaʼa ə ghe ndəmse ghənə, nyiəmə ə ghənə zɨ tsôsvè nâʼà sə ŋaŋ.

Njə̂m 5:3

Kɛ mâyn mɛ ə ghàyn fɛte ə ngôl è silvà tə chîa. Ghaʼ nə zɨnə tə tyəmə̂ kə tsɛ̀ èsaʼ se ghàyn ə fetuʼ fə saʼfe, kè kə fɨake chya ke ə pofə, è kə wusve pofsə fɨave, ə̀ nyì kepî zamə kə Zhə̀fè tə pɔynsə ghàyn. Ghàyn ə zomə̂ ndəm kɛ̂mè sə ndô mə shîŋə̀kè ə tɨmsê kə Zhə̀fè saʼ mbi.

Etyə̂yn ə paynsêzè 18:15

Ghɨ ə pəʼlə nə ghɨnə mə ə ghənə tè kyi ghaʼze kə nə̂ pəʼlè yîghə̀ vəyn tə tyəmə̂ sə aghaf kûmə̀ nə ghənə fànə̀ nə kə tsôs ə vəyn nə vɨ̂yn pɔŋ kote ghənə. Ghənə tə nə̂ ə chîə fɨnə nyi ètɨ̂l ətəmze,