Ətefɨ̂aʼ 8:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Nâʼà Shimùyn è ngɨŋ ə vəyn ə pɔŋɔ pomə tom èchùŋ nə zɛ, ə fiə m̀mo, sè chumtə̀ Filìp nâʼàpî ghayn kə è tè ndùə. È tè pɔŋ nyi èkaynze kûmə̀ sèchwìə sɛ ə Filìp tè tyə̀nə è ghɛ kayntə ghɛ ə è tè nə̂.

Ətefɨ̂aʼ 8:13 ပူးပေါင်းရင်းမြစ်များ

Matyò 3:6

Ə pə̀ kə ghənə tsɛ̂ fɨ̀aʼtè tə ghənə̂tè, è və fo m̀mo sê ghənə ə tsô Njondàyn.

Ŋwàʼlè ə̀ Mâk 16:17

Ghɨə poməghe nə kyîə àtyaʼ sə̂ nə̂ ə̀ghɛ kayntəghe: Ghənə nə chûmə̀ fɨsə̂ tèpamə̂ tə satàyntè ə mì ezə, ə fɨnə wàmnə̀ tèwâmnè tîte ndɔ̀ʼɔ zaʼle.

Tom èchùŋ kè kə Lûk tè nyaʼ 8:13

Zɛ ə è tàyntè enwɔyn nyi kə ghɨ ghɛ ə zɨ ghɛ ətəyn, ə zàŋsə̀ pomə kə ndò èsaŋnêzè, pîza e pâʼà tɔ̀ʼ nji ə ghənə ətəm. Ghənə ə pomə̂ kə sə fendiŋə̀ fə ashìŋə̀fè nyi, mɔ̂mzè ə pə̀, ghənə pfɨ̀ə kə ndò.

Njɔyn 5:20

Kûmə̀ nə Pɨ̀a nyiə kɔŋə̀ Vayn, È chwìtə̀ Vəyn è ghɛghe əkɨ̂m ghɛ ə È nə̀ È ngɨŋə̂ Vəyn. È tə chwîtə̀ Vəyn è ghɛ ghaʼâghè ghe tsɛ̂ pîə ghɨnə zôyn ə ghàyn əkɨ̂m ə nyi èkaynze.

Njɔyn 7:21

Njisə̀s ə pə̀ynsə̀ nə, “M tè nəyn eghɛ ekaynəze emɔ̀ʼ, ghàyn əkɨ̂m e nyi èkayn.

Ətefɨ̂aʼ 13:44

Tuʼ endaʼve ə pə̀ kwənə, ghɨghe ə ndɛtə̂ kə nyi se fɨə kə ə̀kɨ̂m fumə tɔ̂ŋ se pə zɨte eghɛ ə Pɛ̂pɛze.

Ətefɨ̂aʼ 19:11

Ə̀ tè nyi kə Pɔ̂l pa nyi ke ə Ɛfesùs, Zhə̀fè e nə̂ ə̀ghɛ ə kayntə ghe tɔynə̂ ə Pɔ̂l.

Ətefɨ̂aʼ 3:10

ə kê nə ə̀ nyi wùə vɛ ə è tè ndam tsɨs kə Echo ə Mbàyn e Tsɔfəve, ndɔnə èkɛ. Choze ə zomə ghənə, ghənə e nyi èkaynze kûmə̀ èghɛ nə zɛ ə ze kyâyn sê kèngɛchi nə kɛ.

Ətefɨ̂aʼ 8:21

Ò kyi va nâʼà èghɛ zhîze əfètəyn èfɨ̀aʼ zasze kûmə̀ nə təm ghɛghe va chichi ə Zhə̀fè shi.