Ətefɨ̂aʼ 8:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə tè nyàple è Shìtifɨ̀yn zâ, Sɔ̂l e nyi fu ə lotə̂ piə kə nâʼà vəyn nə ə zhwi vəyn. Se zhə̀tə pə̀yn fu fetuʼ, ghɨə ndɛ ə̀ Fèzhə̀ ghɛ ə ghe tè nyi Njèlusalɛ̀m ə zhə̀tə̀ se fe ngəʼ zhizè, è kwûəmə kə nyi. Ghɨə poməghe əkɨ̂m ə tə chyasə̀ ndûə epɨ̀as endaʼ ə Njòndyâvè è və Sàmalyàvè. Pîza ə̀ tè faŋ ke ə̀ghɨtomə Njisə̀sghè fu.

Ətefɨ̂aʼ 8:1 ပူးပေါင်းရင်းမြစ်များ

Matyò 22:6

Yîghe kyiə ə̀ghɨ fɨaʼa nə ghɛ ə pusə zhwiə ghənə.

Matyò 23:34

M pîə sê ghàyn nə, m tə tomə sèfɨ̀aʼtè è ghɨ tɔfə è tyə̀ynsèsè sê ghàyn. Ghàyn tə zhwitə̂ yîghe, ə paynte yîghe awâmnè, ə pus yîghe ə sendɛ sə atsɨ̀yntese ə fɨnə chumə̀ fɨsə̂ yîghe ə setɔ̂ŋ ə setɔ̂ŋ.

Matyò 5:13

Ghàyn nyiə kɔʼnə̂ sê ndam tə ghɨ̀tè ə mbi kè kə ngwaŋfe kɔʼnə se fɨazhiəve. Mə ə tɔfə fengwaŋ mî, ə kaʼa nəyn zayn nə fə fɨnə tɔfə? Ə fə fɨnə tsɔ̂fə̀ va sê ghɛ zhîze, ə̀ tsɛ̂ kə va nə ə sɨs mâʼà, ə ghɨə tsə̂yle.

Njɔyn 15:20

Kə ghàyn tə lɛse èghɛ zɛ ə m tè zaʼle sê ghàyn nə, ‘Wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə̀ vəyn.’ Ə nyi mə ə tə tsə̀fsè mi, ə nə tsə̂fsè kepî ghàyn zâ. Ə nyi mə ə tè zɨte zaʼlê zɨmze, ə nə pɔŋ zɨte zaynze.

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Ətefɨ̂aʼ 13:36

Ghâsènì ke ndô kə fɔ̀yn Ndàfît tè nyi etwɔ, è tè nyîə fɨaʼà se Zhə̀fè endom vɛ ə Zhə̀fè tè kyiŋə. Epàm ətəyn, è və kwuə, ə pfɨ̀mə̀ vəyn elùʼ vɛ ə tè pfɨ̀mə pɨ̀a ə vəyn ghəshiə, è və fìə.

Ətefɨ̂aʼ 2:47

Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

Ətefɨ̂aʼ 22:20

Ə̀ tè nyi kə ə zhwi Shìtifɨ̀yn kə̂ è tè tyəm kə tsɛ̀ èsaʼ nâʼà mi è ngɨŋ zɨ̂mè tè nyîə nyi fumə, pîə nə ə zhwi vəyn.›

Ətefɨ̂aʼ 26:10

Ə̀ zɨnə̀ e nyi èghɛ zɛ m tè nə̀yn ə Njèlusalɛ̀m. M tè fi atyaʼ sê ghɨə kɔʼsə nə eshyə̀ engaŋtəghe ə ndə̀mə̀ ə̀ghɨ Fezhə̀ ə tsɨəghe ə ndɛ ə̀chaʼ, ə pə̀ kə tsɛsè saʼze nə ə zhwi ghənə, mə pɔŋɔ tɔ̂ʼɔ̀ èghɛ ətəynze.

Ətefɨ̂aʼ 5:18

Ghənə ə ko ə̀ghɨtom nə ghɛ ə fâ ə ndɛ̂ chaʼ, ə fètəyn èndaʼ.

Ətefɨ̂aʼ 5:20

“Ghàyn ndu tyə̂m ə ndɛ ètsə̀mə, ə ghàyn tsayn sê ghɨ ghəkɨ̂m nâʼà ə̀ghɛ əkɨ̂m kûmə̀ èndam zaynze fe zɨ̂nə.”

Ətefɨ̂aʼ 5:33

Ə tè pə̀yn kə ghɨə saʼa zɨ ghɛ nə ghɨ̂yn, ghe ə zafə ghənə nâʼà sə ŋaŋ, ghənə e sè kyiŋə se zhwi əghɨtom ə Njisə̀sghè.

Ətefɨ̂aʼ 5:40

ə tɔŋɔ ə̀ghɨtom ə Njisə̀sghè nə ghe kɛse nji ə ndɛ. Ə pusə ghənə, ə fɨnə kànə̀ nə kə ghɨətom nə ghɛ nə fɨyn tɔŋtê èzə Njisə̀szè. Ə ke zà ghənə, ghənə ə ndò.

Ətefɨ̂aʼ 7:38

Ə̀ nyì vəyn vɛ ə è tè nyì tsɨ̂yntè yî ghɔyn Isìlâyghè endaʼ ashəshəze. È tè nyi fu yî pɨ̀a ghâsènì ghəshiə ashìŋə̀ kɛ tsì zɛ ə Zhə̀fè tè tom tom ə pfɨ̀ynə̀ Sinày wàmnè sê ghənə. Tom nə zɨnə ə Mosîs tè fi sê tsì nyi zɛ ə ghâsènì pa chùmtə̀.

Ətefɨ̂aʼ 7:54

Ə tè nyi kə ghɨə sesaʼ nə ghɛ zɨ ghɛ ghɛ ə Shìtifɨ̀yn wàmnè, ghənə ə nyɔ̀ʼsə̀ ètɔŋ nâʼà sə ŋaŋ, kwulə ə̀sɔŋ.

Ətefɨ̂aʼ 7:58

Ghənə ə shinə̀ fɨə è vəyn fu ə tə̀ʼ ə zhə̀tə̀ se tɨmnə̂ vəyn è chighe. Ə̀ tè nyi za mə ghɨ ghɛ ə ghe tè tyəm kə setsɛ̀ èsaʼ ə chɔʼte ndzɨsə ghənə̂sè ə ndə̀mə̀ sê kwuŋ vîve, zə vəynze e nyi Sɔ̂l.

Ətefɨ̂aʼ 8:14

Ə pə̀ kə ghɨətom ə Njisə̀sghè ə Njèlusalɛ̀m zɨə nə ghɨ Sàmalyà ghə pomə tom ə̀ Fèzhə̀, ghənə ə tomə Pità yî Njɔyn sê ghənə.

Ətefɨ̂aʼ 8:2

Ghɨ mɔ̀ʼɔ ghɛ ə ghe tè ndə̀m təm ə ghənə̂ əkɨ̂m sə̂ kɔʼsə Fèzhə̀ ə pfɨ̀mə̀ Shìtifɨ̀yn ə chìə èkwu ə vəyn nâʼà sə ŋaŋ.

Ətefɨ̂aʼ 8:4

Ghɨəpomə ghɛ ə ghe tè təle chyâsè tè ndùə pî ghayn, ndaʼà nduə kə tom èchùŋ.

Ətefɨ̂aʼ 8:5

Filìp ə ndò ndûə endaʼ èghaʼâ zhîze apàs endaʼ ə Sàmalyàkè ə ndàʼà tom fumə kûmə̀ vɛ ə chɔʼ ndə̂m.

Ətefɨ̂aʼ 9:31

Ə̀ nyì se zhə̀tè fumə ashìŋə̀ kə ghɨ ghɛ ə tè pomə Njisə̀s epɨ̀as endaʼ vekɨ̂m ə Njòndyâ è Ngalìlî è Sàmalyà tè kyi pɔ̂ynè. Ghənə tè nyiə kyi èfâyn ə Fezhə̀zè ə ghənə ə fètəyn, Zuʼse Ŋwaʼase nə̂ nə ghənə tɛ, kɔ̂yn ə ghənə̂kè e ndəmə̂.

Ŋwàʼlè ə̀ Pɔ̂l sê ghɨə Lûmghè 1:32

Ghənə ke ndô nə lâŋ ə Fezhə̀kè nyîə pîə nə ghɨ ghɛ ghe ndamə famə endom kyi se kwu. Pîza ghənə paʼà faŋ ke sə̂ nə̂ ə̀ghɛ nə ghɨ̀yn, pîza pɨlə tɔ̂ʼɔ̀ kəpî ə̀ghɨ ghɛ ə nə̂ ghɛ ətəynghe.

Filìpây 1:12

Ghɔnyì ghɨmghe kɔ̀ŋghè, m kyiŋə nə ghàyn ə ke nə ghɛ ghɨnə̀ ə ghe kyânə̀ sê mi nyiə pɨlə tsâmtə̀ se nə̀yn nə tom èchùŋ ə̀ Fèzhə̀ nə ndûə èshike.

Ipilù 11:27

Ə̀ tè nəyn ekyî epomə̂zè nə Mosîs tə ndo endaʼ ə Enjìpzè, fànə̀ va nə fɔ̀yn nə̀ nyɔ̂ʼsə̀ ètɔŋ. Fɔ̀yn ə tə nyɔ̂ʼsè tɔŋve sê vəyn pîza è və tàʼa fayn ndùə kə ndò, kûmə̀ nə è tè nyîə fe Fèzhə̀ mə wùə vayn kaʼa è fe.