Ətefɨ̂aʼ 7:38 - Ŋwàʼlè ə̀ Fèzhə̀ Mkâyn Mə̂ Fèm

³⁸ Ə̀ nyì vəyn vɛ ə è tè nyì tsɨ̂yntè yî ghɔyn Isìlâyghè endaʼ ashəshəze. È tè nyi fu yî pɨ̀a ghâsènì ghəshiə ashìŋə̀ kɛ tsì zɛ ə Zhə̀fè tè tom tom ə pfɨ̀ynə̀ Sinày wàmnè sê ghənə. Tom nə zɨnə ə Mosîs tè fi sê tsì nyi zɛ ə ghâsènì pa chùmtə̀.

Ətefɨ̂aʼ 7:38 ပူးပေါင်းရင်းမြစ်များ

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 6:63

Ghɛ zɛ ə ze fo ndam nyi Sezuʼ sə Fezhə̀sè. Wiyn ə wûəvè va nâʼà eghɛ zhîze. Ghɛ ghɛ M tsâ sê ghàyn nyi Sezuʼ è ndame.

Ətefɨ̂aʼ 7:30

Epàm mə̂ sèpìŋ mghɨ̂m kyàʼ, tsì ə pə̀ sê Mosîs endaʼ ashəshəze. È tè pə̀yn sê vəyn əfètə̂ èwùs vɛ ə ve tè ko ə fe ghɔyn fə fekàʼfè. Ə̀ tè nyi etipìə pfɨ̀nə̀ Sinày.

Ətefɨ̂aʼ 7:35

Ə̀ vɨ̀nə tè nyì kepî Mosîs vɛ ə ghɨə Isìlâyghè tè kwiynse, pfɨfə sê vəyn nə, ‹Ə̀ fo nde tyaʼa sê ghò nə o chisə̂, saʼa ghàs ə?› Ə̀ nyi vəyn vɛ ə Zhə̀fè tè tom nə è chise, ə è sɔzâ ghənə. Zɨnə tè kyayn kə tsì pə̀yn sê vəyn, wusve ə ko ə fekàʼ.

Ətefɨ̂aʼ 7:53

Ə̀ nyi ghàyn ghɛ ə tsìsè tè pə̀yn fo èlwɔ̂ŋ ə Fezhə̀vè, ghàyn ə fiə, pîza ə tàʼa ndə̀m elwɔ̂ŋ ətəynve.”

Ŋwàʼlè ə̀ Pɔ̂l sê ghɨə Lûmghè 3:2

Chùŋ ètsɨə nyîə nyi, zə shi e nyi nə ə̀ nyi ə ghənə əgho ə Zhə̀fè tè fo tom èchùŋ.

Ŋwàʼlè ə̀ Pɔ̂l sê ghɨə Lûmghè 9:4

Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.

Ngàleshyà 3:19

Lâŋà tè nyì se gha ghe? Ə tè kwəynse Alâŋ etûə m̀kàyn kə wùə pfɨ̀ə, è və kê nə zhi ə nə̀yn pi. Lâŋkè kyi sə̂ nyi ke ndò se zaʼâ kə ghâŋfə Aplàghâmfè pəyn, ə fɛ ə Zhə̀fè tè nəyn tsɨ̂nè nə zɛ se fəynfe. Ə tè tom setsì è lâŋa ətəynke sê Mosîs nə è tsɛ̀se sê ghɨ.

Ipilù 2:2

Ghâsènì nyîə ke nə tom zɛ ə tsìsè tè pəyn è zə̂yn tè nyi səmɔʼ, Zhə̀fè nə̀ fo ètsôs vɛ ə ve kwuəynə nâʼàpî se ndè vɛ ə è tàʼa zɨə tom nə zɨ̂yn.

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.

Ipilù 5:12

Ghàyn fe nyì sə̂ nyi zôyn, zaʼlə̂ ə̀ghɨ è ghɛ Fezhə̀zè pîza wùə pa kyi kendò se zaʼlə ghàyn è ghɛ ə shighe kûmə̀ tom ə̀ Fèzhə̀. Ghàyn pa kyi ke sə̂ nyɔŋɔ èyiyn nyiə kə ghɔyn epɔ. Ghàyn paʼà nyìəm kwəyn sə̂ zhiə èfɨazhiə e twɔve.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.