Ətefɨ̂aʼ 7:3 - Ŋwàʼlè ə̀ Fèzhə̀ Mkâyn Mə̂ Fèm

³ Zhə̀fè ə pìə sê vəyn nə, ‹Za ndaʼ zɛze è sas ə ndɛ zɛze ə ndùə elùʼ vɛ ə M nə̀ tyə̂nə̀ sê ghò.›

Ətefɨ̂aʼ 7:3 ပူးပေါင်းရင်းမြစ်များ

Matyò 10:37

Wùə vɛ ə è kɔ̂ŋɔ̀ pɨ̀a kɨ̀sə nyì tsɨ̂ə tsɛ̂ kə è kɔ̂ŋə̀ Mi, kwənə va sə̂ nyi chùmtè èpàm zɨ̂mzè; Ə̂ kɔ̀ŋɔ̀ pindè vayn èndômə̀ vəyn kɨ̀sə vayn èzhɔynə̂ vəyn tsɨ̂ə tsɛ̂ kə è kɔ̀ŋɔ̀ mi, ə è və kwəynə va sə̂ nyi chùmtè èpàm zɨ̂mè.

Tom èchùŋ kè kə Lûk tè nyaʼ 14:33

E za nyi kepî eghɨ kə naʼapi ndè ə ghàyn əfètəyn tàʼa za naʼapi ghè vɛ ə è kyi, è vâyn kàʼa ə è və nyi chùmtè zɨ̂m.”

Ətefɨ̂aʼ 7:4

Aplàghâm ə zà endaʼ ə Kandyà nə zɨ̂yn ə ndùə sə̂ ndamə ə Alàn. Pɨ̀a vəyn ə tə kwuə, Zhə̀fè ə nə̀, è və ndò pə̂ sè ndamə elùʼ vɨnə ə ghàyn ndamə ətəyn zôyn.

2 Kolìŋ 6:17

Ə̀ za nyi eghɛ zɛ ə Pɛ̂pɛ tè pi nə: “Ghàyn fɨ pəyn əfètəyn ə̀ghɨ̀ ə piə ə tyəm sə nɨŋ. Kə ghàyn kom fɨa kɛ ə ke zo va ə Zhə̀fè əshi, kə M fi ghàyn,

Ipilù 11:8

Ə̀ tè nyi tɔynə̂ ekyî epomə̂zè kə Aplàghâm tè zɨ sê Zhə̀fè kə fe tɔŋə vəyn nə è ndu endaʼ zɛ ə Zhə̀fè tsɨ̀nè nə fe nə̀ fo sê vəyn. È və zɨə ə ndò ndûə nyiəm ke pî va ndaʼ ətəynze.