Ətefɨ̂aʼ 7:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Mosîs tè kwàʼtə kə nə ghɔnyiə vəynghe nə̀ fe kê ndò nə Zhə̀fè tè fɨaʼa tɔynə̂ ə zhì ewìyn se tsàmtè ə ghənə pîza ghənə ə tàʼa fe kê.

Ətefɨ̂aʼ 7:25 ပူးပေါင်းရင်းမြစ်များ

Ŋwàʼlè ə̀ Mâk 9:32

Pîza ghənə ə tàʼa zɨə kê eghɛ nə zɨ̂nə̀ sè fânə̀ ghaʼə se pfɨf.

Tom èchùŋ kè kə Lûk tè nyaʼ 18:34

Kə è wàmnè za, ghənə tàʼa kê nə è piə nə ghe ə, kûmə̀ nə tɔf zɛ ə e tè nyi əfètəyn eghɛ nə zɛ tè nyi mə ze ə ndə̀te sê ghənə.

Tom èchùŋ kè kə Lûk tè nyaʼ 9:45

Pîza ghənə ə tàʼa zɨə kê eghɛ nə zɨ̂yn kûmə̀ nə ə tè nyi za mə ghɛze ə nə̀yn nə kə ghənə zɨ kê. Ghənə e sè fànə̀ ghaʼa se pfɨf sê vəyn nə ghɛ ətəynze tyə̂nə̀ tso nə ghe ə?

Ətefɨ̂aʼ 14:27

Ə̀ tè nyi kə ghənə pə̂yn fɨ ə Antyòk, ə zùŋtə̀ ànɔ̂yn ə əghɨ̀ ə ndɛ ə̀ Fezhə̀kè ə tsà kɔʼɔ ə̀ghɛ əkɨ̂m ghɛ ə Zhə̀fè nə̀yn tɔynə̂ ə ghənə, ə fɨnə tsâ kəpî kə Zhə̀fè fo ndom nə ghɨ ghɛ ə̀ vachi ə̀ghɨ ə Njûsghè pɔŋ pomə̂ Njisə̀s.

Ətefɨ̂aʼ 15:4

Ə pə̀ kə Pɔ̂l yî Pànapàs ndù fɨ ə Njèlusalɛ̀m, ghɨ ə ndɛ ə̀ Fezhə̀ ghɛ ə ghe tè nyì fu, è ghɨətom ə Njisə̀sghè, è ghɨə chisəghe ə ndɛ ə̀ Fèzhə̀ ə fiə ndzɨsə̂ ghənə. Pɔ̂l yî Pànapàs ə tsà sê ghɨə təynghe nâʼà pî ghè vɛ ə Zhə̀fè tè nyi mə Fe nə̀yn tɔynə̂ ə ghənə.

Ətefɨ̂aʼ 15:7

Ə pə̀ kə ə saʼne ghɛ ətəyn sə aghaf etyâkè, Pità ə ndwìə tyəmə ə piə nə, “Ghɔnyì ghɨmə, ghàyn ke ndô səmɔʼ nə Zhə̀fè ə tə chɔʼ mi ə ghàyn əfètəyn ə shɨŋ zhizè nə mə tsà tom èchùŋ sê ghɨatumə kə ghənə zɨ Pɛ̂pɛ ə pomə Vəyn.

Ətefɨ̂aʼ 21:19

Pɔ̂l ə tɔŋtə̂ ghənə ə tsà nâʼà ə̀ghɛ ə̀kɨ̂m kə Zhə̀fè nə̀yn sê ghɨ ghɛ ə̀ vachi ə̀ghɨ ə Njûsghè tɔynə̂ ə vəyn efɨ̀aʼ.

Ətefɨ̂aʼ 7:24

È və ndùə za ə fe kə wùə Enjìp nyâplə̀ è wùə Isìlây vîvè èmɔ̀ʼ. Mosîs ə ndùə nô fɨsə̂ wùə Enjìp vɛ. È və tsàmtə̀ ànyìə vəyn ə zhwiə wùə Enjìp vɛ.

Ətefɨ̂aʼ 7:26

Tuʼve ə zo, Mosîs ə fe kə ghɨə Isìlâyghè ə pɛ̀ nô, è və mòmsə̀ se nə̀yn nə ghənə pɨaʼte, ə pìə nə, ‹Ghàyn nyi ə ghɔ nyîə, kûmə̀ ghè ə ghàyn nò ngɨŋ saynse ə?›

Ŋwàʼlè ə̀ Pɔ̂l sê ghɨə Lûmghè 15:18

M vayn kaʼa m wamne ghɛ zhize ə̀ tsɛ̂ kə va se wàmnè kûmə̀ èfɨaʼ zɛ ə Klâys nə̀yn, m nyi kàʼa m nəyn nə ghɨ ghɛ ə̀ vachi ə̀ghɨ ə Njûsghè ə nə̂ kə Zhə̀fè kyiŋə. Ghɛ ghɛ m wâmnè, è ghɛ ə m nə̂yn nyi əghɛ ghɛ ə ghənə kyi se wàmnè, è kɨsè se nə̀yn.

1 Kɔlìŋ 15:10

Pîza kûmə̀ àfùʼ ə Fèzhə̀kè, m nyi wùə vɛ m nyi vəyn. Mə fùʼ nə kɨ̂yn paʼà njìsè sə ndô. Mə pɨl fɨ̂aʼ nâʼà sə ŋaŋ, ə fɨaʼa tsɛ̂ nâʼàpî ndè əfètəyn ə ghɨətomə nâʼàpî kə ə̀ tè laynsə fɨaʼà va mi, ə̀ tè fɨ̂aʼ afùʼ ə Fèzhə̀ nə kɛ ə mì ewìyn.

1 Kɔlìŋ 3:9

Ghàs tsɨ̀yntə̀ fɨaʼà kə sê Zhə̀fè əkɨ̂m. Ghàyn nyì ke kə afûʼ ə Fezhə̀kè fɨyn nyi ke kə ndɛ̂ zɛ ə Zhə̀fè pɛ.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Kòlosè 1:29

Se fe nə ghɛ nə ghɨ̀yn ə nyi mə ə nə̀yn, ə̀ za nyi eghɛ zɛ ə m mɔ̂msə̀ se fɨ̂aʼ è tyaʼa. Tyaʼa Klâys kɛ ə ke nyi ə mì ewìyn, ə̀ nyi kəynke ə ke chiyntə mi nə mə fɨaʼà è tyaʼke.