Ətefɨ̂aʼ 6:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Pîza, ghɨ yîghe ə zhə̀tə̀ èsaʼnê yî vəyn. Ghɨ nə ghɨ̂yn tè nyi əghɨ mə ghe ndo pə̂yn anɔ̀yn əghɨ̀ kɛ ə ke tè zàŋsə ndûə ə ndɛ àtsɨ̂ynte. Ə tè tɔŋtə ndɛ ə̀ təyn nə ndɛ àtsɨ̀yn əghɨ̀ ghɛ ə kɛse vachi èkɔ̂s. Ghɨ nə ghɨ̂yn tè nyi əghɨ Njûsə̀ mə ə ndo pə̂yn endaʼa ə Silênzè, è ndaʼa Àlèksandiyàzè. Ghənə è ghɨ Njûs əmɔ̀ʼɔ ghɛ ə tè ndò pə̂yn ə Sìlisyà è kɨsè Esiyà, ə zhə̀tə̀ saʼnə̂ yîghə̀ Shìtifɨ̀yn.

Ətefɨ̂aʼ 6:9 ပူးပေါင်းရင်းမြစ်များ

Matyò 10:17

Ghàyn e tɔ̀ʼnə̀, kûmə̀ nə ghɨ nyi ndô mə tə kyîə ghàyn ə nji è ghàyn elùʼ ə saʼ ə ghənə pus ghàyn ewàynsè ə ghənə sendɛ sə atsɨ̀yntese.

Matyò 23:34

M pîə sê ghàyn nə, m tə tomə sèfɨ̀aʼtè è ghɨ tɔfə è tyə̀ynsèsè sê ghàyn. Ghàyn tə zhwitə̂ yîghe, ə paynte yîghe awâmnè, ə pus yîghe ə sendɛ sə atsɨ̀yntese ə fɨnə chumə̀ fɨsə̂ yîghe ə setɔ̂ŋ ə setɔ̂ŋ.

Matyò 27:32

Kə sokə̀ʼse tè fɨə pə̂ è Njisə̀s endaʼ, ə kwəynə̂ è wùə mə è ndo endaʼa Silênzè e tɔŋtə̂ nə Shimùyn, sokə̀ʼse ə ŋamnə̂ vəyn nə è pɨaʼa wâmnè ə Njisə̀skè.

Ŋwàʼlè ə̀ Mâk 13:9

Ghàyn e tɔ̂ʼnə̀. Ə tə kyiə ghàyn ə ndu ə ndɛ̂ èsaʼ. Ə tə pusə ghàyn ə sendɛ sə atsɨ̀yntese, ə ghàyn fɨyn tyə̂m əghɨ tesaʼ ghə əshi, è fɔ̂yntè kè kûmə̀ mi. Zɨnə tə kyânə̀ kə ghàyn ndaʼa tom èchùŋ sê ghənə.

Tom èchùŋ kè kə Lûk tè nyaʼ 21:12

Ghɛ nə ghɨyn tə piə kyànə̀ mə ə kyitə̂ ghàyn, fo ngəʼ sê ghàyn, njiə ndùə è ghàyn ashi ə saʼa ə sendɛ sə atsɨ̀yntese, ə ndəm ghàyn ə chaʼ Ə tə njiə ndùə è ghàyn ə̂ fɔ̂yntè əshi è ghɨə saʼa əmɔ̀ʼɔ̂ kè kûmə̀ mi.

Ətefɨ̂aʼ 11:20

Pîza ghɨə pomə əmɔ̀ʼɔghe ə fɨə pə̂ endaʼ Sàypulòsè èndaʼa Silènzè ndûə kəpi ə Antyòk sè pɔŋɔ ndâʼà tom èchùŋ sê ghɨə Nglêkghè kûmə̀ Pɛ̂pɛ Njisə̀s.

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Ətefɨ̂aʼ 13:45

Pîza ghɨ Njûs yîghe ə fe kə nɔ̂yn ətəynke tè tsɨ̀ə, ghə̀ʼkè ə kyîə ghənə nâʼà sə ŋaŋ. Nâʼàpî èghɛ èkɛ zɛ ə Pɔ̂l tè pìə, ghənə e piə kə nə ə̀ nyi akaŋ, pîə ə̀ghɛ epighe ə vəyn wìyn.

Ətefɨ̂aʼ 15:23

Ə tomə ŋwàʼlè ènyàʼa sê ghənə pîə nə, “Ghàs ghɨətomə, è ghɨə chisəghe ə ndɛ ə̀ Fèzhə̀ mə nyi ə ghɔnyì ghaynghe tomə ètɔŋtê se ghàyn. Ə ghàyn ghɛ ə nyi ə ghɔnyì ghasə mə ghàyn vachi ə̀ghɨə Njûsə̀. Ə ghàyn ghɛ ə ghàyn ndamə endaʼ Antyòkzè, è pâs endaʼa Silyàkè, è Sìlisyà.

Ətefɨ̂aʼ 15:41

Pɔ̂l ə tsɛ tɔynə̂ yî Silàs apàs endaʼ Silyàkè è Sìlisyà nə̂ nə ndɛ sə Fezhə̀ sè ə tɛ.

Ətefɨ̂aʼ 16:6

Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Ətefɨ̂aʼ 18:24

Ə̀ tè nyì fumə ashìŋə̀, wùə ə Njûs vîvè e tɔŋtə̂ nə Àpolòs mə ə tè piə vəyn endaʼ ə Àlèksandilyà, ə pə̀ ə Ɛfesùs. È tè nyi wùə ke se fɛtə wàmnè, kyi kepî ètɔf ə ŋwàʼlè ə̀ Fèzhə̀zè nâʼà àchûŋ.

Ətefɨ̂aʼ 19:10

Zɨnə mə ə ndùə èshike sə sepìŋ sèpɛ̀, kə ghɨghe əkɨ̂m ghɛ ə tè ndamə apàs endaʼa Esiyàkè, è ghɨ ə Njûsghè, è tumve ə zɨə èghɛ ə Pɛ̂pɛze.

Ətefɨ̂aʼ 19:26

Ghàyn ə zɨ ə fɨnə fe èghɛ zɛ ə Pɔ̂l vɨnə nə̂ sə ghàyn ə sengɨŋ. È və ə nə̀yn ghɨ e tsɨə ə Ɛfesùs è Esiyà èkɨ̂m ghe pomə nə zhə̀ mɛ ə ghɨ fɛte va nâʼà m̀zhə̀ mîmè.

Ətefɨ̂aʼ 21:27

Ə tè nyì kə tûʼ nə mɛ m̀sɛ̀mbɛ nyi se mì, ghɨə Njûs yîghe endaʼ ə Esiyàzè ə fe Pɔ̂l ə ndɛ̂ ètsə̀mə. Ghənə ə chiyntə̂ ànɔ̂yn nə ke ndwise ngəʼ. Nɔ̂yn ətəynke ə ndwìsə̀, ghənə ə kyîə Pɔ̂l,

Ətefɨ̂aʼ 21:39

Pɔ̂l ə pə̀ynsə̀ nə, “M nyi wùə ə Njûs, mə ə tè piə mi ə endaʼ ə Tasùszè ə Sìlisyà. M chyatə̂ nə ò fo mi èndomve ə m wàmne sê ghɨ.”

Ətefɨ̂aʼ 22:19

Mə pə̀ynsə̀ nə, ‹Pɛ̂pɛ, ghənə nyîə ke nâʼà àchuŋ nə mə tə ndù ə sendɛ sə atsɨ̀yntese, ə ko pusə ə̀ghɨ ghɛ ə tè pomə sê Ghò.

Ətefɨ̂aʼ 22:3

“M nyi wùə ə Njûs, mə ə tè piə mi endaʼ ə Tasùszè, ə Sìlisyà, pîza m ndəmə kɔʼ fâ Njèlusalɛ̀m kə wâ və ndɛ ə̀ ŋwàʼlè ə̀ Ngàmàlyâ. È və tə tyə̀ynsè saʼ tə ghə̀pɨ̀a ghâsènì ghəshiə sê mi nâʼà tèkɨ̂m. Ghe ə Fezhə̀zè tè tɨ̂mə̀ ə mì ewiyn kè eghɨ kə ze tɨ̂mə̀ sê ghàyn ndâyn.

Ətefɨ̂aʼ 23:34

Tu apàs endaʼ ətəynke ə tɔŋɔ ŋwàʼlè ə̀təyn ə pfɨfə sê Pɔ̂l nə è ndo endaʼ èkè ə? Ə tè nyi kə è zɨ nə Pɔ̂l ndò endaʼ ə Sìlisyàzè,

Ətefɨ̂aʼ 24:18

Ə̀ nyì kə m tè nə zɨnə mə kə ghənə tè pə̀yn fe mi ə ndɛ ètsə̀mə mə mə nə̀yn mɨsè ghɛ nə ghɨ̂yn. Nɔ̂yn kyîke tè va fu, tâsè zhize va kepî.

Ətefɨ̂aʼ 26:11

Mə tə pɔynsê ghənə sə teshìŋə̀ te tsɨəte ə sendɛ sə atsɨ̀yntese, ə mɔ̀msə̀ se nə̀yn nə ghənə pi ghɛ ə pighe kûmə̀ Njisə̀s. M tè nyîə nyɔʼsə̀ ètɔŋ se ghənə nâʼà sə ŋaŋ, fɨə ndûə pîə ə tèndâʼà tə atumte se tsɨfsè ə ghənə.”

Ətefɨ̂aʼ 6:10

Ghənə ə saʼnə̂ ə̀ghɛ yighə̀ Shìtifɨ̀yn ə tânə̀ andiŋ kyîke sè fɨyn kyi va ghɛze se pì kûmə̀ nə Shìtifɨ̀yn tè wàmnə̀ è tɔf eghaʼâzè, mə ə̀ fo Sèzuʼse Ŋwaʼase.

1 Kɔlìŋ 1:20

Wùə ètɔfə se vâyn zə? Tyə̀ynsè èsaʼ vâyn? Nâʼà wùə vɛ ə è ke se wàmnè ə əghɛ ə mbi ghɨnə ghe nâʼà àchuŋ vàyn zə? Pîə Zhə̀fè ə nə̀yn tɔf eghaʼâ ə ghɨ mbi zɛ ze kɛse sè nyi ke ango ə?

Ngàleshyà 1:21

M tè ndò fu ə ndù ətelùʼ ə Silyà è Sìlisyà.