Ətefɨ̂aʼ 6:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Tom ə̀ Fezhə̀ e fɨnə zham ndûə kə èshike. Ghɨə poməghe ə Njèlusalɛ̀m e tsɨ̀ə ndùə kə ndò. Ghɨ kɔʼsə nə eshyə̀ ə tsɨəghe e zɨə èzaʼlê nə zɨ̂nə̀ ə pɔŋɔ pomə̂.

Ətefɨ̂aʼ 6:7 ပူးပေါင်းရင်းမြစ်များ

Matyò 19:30

Pîza tsɨ̀tsɨ̂ ə̀ghɨ̀ ghɛ ə ghe nyi əshi zôyn, tə pə̂ ə nyi epàm, ə ghɨ ghɛ ə ghe nyi epàm zôyn tə pə̂ ə nyi əshi.”

Tom èchùŋ kè kə Lûk tè nyaʼ 2:34

Simyòn ə pɔsə̂ ghənə ə ke pi sê Mèli nə, “Ò ke nə Zhə̀fè ə ndə̀m vayn vɨ̂yn nə è tə ndwisè ə̀ghɨə Isìlây ghè, ghe tsɨ̂ə kə nyi, ə è pfɨse yîə, ghe tsɨ̂ə kəpi za. Ə̂ è faŋ kepî sə chwiə zɛ ghɨə nə nyə̂ʼsə̀,

Njɔyn 12:42

Nâʼà pîza, ghɨ ə chisə è ghɨ Njûs yîghe ə pomə sê Njisə̀s, tsɨ̀ə kə nyi, pîza ə tàʼa fɨ ə ndayn kûmə̀ nə ghənə tè fànə nə ə fɨ, ə ghɨə Falàsîə chum ghənə ə ndɛ̂ atsɨ̀ynte.

Ətefɨ̂aʼ 12:24

Pîza ghɛ Fezhə̀zè ə ndəmə̂ ə waŋə ndûə kə èshike.

Ətefɨ̂aʼ 13:8

Pîza wùə èfɨyntə nə vɨnə̀ ə zə vəyn tè nyi Elimàs ewàmnè ə Nglêkzè ə tàʼa fo azhəm sê Pànapàs yî Sɔ̂l. È tè kyiŋə nə kə tu apàs endaʼ nə kɨ̂yn pomə tom èchùŋ.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ətefɨ̂aʼ 19:20

Ghɛ ə Fezhə̀zè e sè zhamə ndûə kə ndò, ghɨ e tsɨəghe e pomə kûmə̀ ə̀ghɛ kayntə ghɛ ə ghənə fê.

Ətefɨ̂aʼ 2:47

Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

Ətefɨ̂aʼ 21:20

Ə pə̀ kə ghənə zɨte mɨsè sê vəyn, ghənə əkɨ̂m ə fo àzɔ̀ŋnè se Zhə̀fè. Ghənə ə ke pì nə, “Ànyì vâsvè Pɔ̂l, o fe kə ghɨə Njûsə̀ kamse tsɨəse pomə sê Zhə̀fè è ndom vɛ ə ghənə ndə̂mə̀ lâŋkè ətə?

Ətefɨ̂aʼ 6:1

Ə̀ tè nyi ə mtuʼ nə mɛ kə ghɨə poməghe tè tsɨ̀ə ndûə kə əshi, ghɛ ə ghe tè wàmnə̀ ewàmnè ə Nglêkzè ə səʼə̀ èzô yî ghə̀ ghɨ ghɛ ə ghe tè wàmnə̀ wâmnè endaʼa Njûszè. Ghɨ ghɛ ə ghe tè wàmnə̀ wâmnè ə Nglêkzè tè piə nə, zhwiə kwuə ghənə̂ghè fiə zaʼâ va kɔ̂yn ekɛ kɛ ə fo sê zhwiə kwuə.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 16:26

Pîza, zôyn kə səmɔʼ nyi mə è zə fɨ pəyn ə ndayn tɔynə̂ əghɛ ghɛ ə fɨ̀aʼtèsè tè nyaʼ ə ŋwàʼlè ə Fèzhə̀. È tè nəyn nyiəmə kə ghɨə ndaʼà tekɨ̂m tə zɨ se vəyn. Zɨnə mə kyayn kə Zhə̀fè tè pi nə ze tə kyanə̀. Ə̀ nyi vəyn vɛ ə è nyì sə teshîŋə̀ tèkɨ̂m.

Ngàleshyà 1:23

Ghənə tè zɨə ndò ghɛ kə ghɨ tè wàmnə̀ kûmə̀ mi pìə nə, “Wùə vɛ e tè tsə̀fsə ghâsènì sə shi ə kɛse sè ndaʼà tom kûmə̀ èkyî epomə̂ zɛ ə è tè kyiŋə se pofsê.”

Ngàleshyà 6:10

E za tyə̀nə̀ nə ə ghâsènì kyi ndomnə̀fè nâʼà pî ashìŋə̀ àkè se nə chùŋ, ghâsènì mɔmsə̀ se nə kə sê ghɨ ghəkɨ̂m, fɨnə nə̂ nâʼà setsɨ̀ sê ghɨ ghɛ ə ghâsènì ghə̀ ghənə kyi kyî epomə̂zè emɔ̀ʼ.

Kòlosè 1:6

Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.

2 Tèsàlonikà 1:8

Ə̀ tə pə̂ nyi kə è tso pə̂ yî tsì sə vəyn nə sɛ, ə wûsmə pɛ̂, ə è fɨ̂aʼ è wus nə vɨnə̀ se fo ètsôs sê ghɨ ghɛ ə ghənə tè tə Zhə̀fè, nə̂ va ghɛ zɛ ə tom èchùŋ kûmə̀ Pɛ̂pɛ ə̀ ghâsènì Njisə̀s Klâys pìə.

2 Timotì 2:9

Kè kûmə̀ nə m ndaʼà tom èchùŋ, m zɨə ètsôs, fɨyn nyi mə ə kol mi kə wùə ndɛ ə̀chaʼ. Pîza ə paʼà fà ghɛ ə Fezhə̀zè ə sechaʼ.

Ipilù 11:8

Ə̀ tè nyi tɔynə̂ ekyî epomə̂zè kə Aplàghâm tè zɨ sê Zhə̀fè kə fe tɔŋə vəyn nə è ndu endaʼ zɛ ə Zhə̀fè tsɨ̀nè nə fe nə̀ fo sê vəyn. È və zɨə ə ndò ndûə nyiəm ke pî va ndaʼ ətəynze.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Njût 1:20

Pîza, se ghàyn ə soyn sɨmse chûŋsè, ghàyn e tsâmtə̀ sèngɨŋ saynse sə̂ ndəmə̂ ə ghàyn ekyî epomə̂ zɛ ə ze lote nyi èŋwaʼze. Ə tyaʼ ə Sezuʼ se Ŋwaʼase ə tsâmtə̀ ghàyn sə̂ tsə̂mə̀.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.