Ətefɨ̂aʼ 6:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ghɨə pomə tè pəyn è ghənə sê ghɨətom ə Njisə̀sghè, ghənə ə ndə̀mə̀ ə̀gho əghɨ nə ghɨ̂yn ətu ə tsə̀mə̀ sê ghənə.

Ətefɨ̂aʼ 6:6 ပူးပေါင်းရင်းမြစ်များ

Ŋwàʼlè ə̀ Mâk 5:23

Ə chyatə̂ vəyn nâʼà sə ŋaŋ ə pìə nə, “Vayn vɨ̂m ve zəyn nyîə zafə, kyaʼà se kwu. M chyatə̂ ndò ghò pə ndə̀m gho kɛke ə vəyn ətu ə è tɛ ə è və nyi.”

Ətefɨ̂aʼ 1:24

Ghənə ə nə̀ nyi ə ke tsə̀m ə pìə nə, “Pɛ̂pɛ Ò nyîə ke ə̀təm ə ghɨ̀ghè əkɨ̂m. Tyə̀yn wùə vɛ ə Ò chɔʼ əfètə̂ ə̀ ghɨ ghɨyn ə̀pɛ̀,

Ətefɨ̂aʼ 13:3

Ə pə̀ kə fɨ̀aʼtè sɛ è tyə̀ynsèsè mɨ̀sè tsə̂mzè è pam echo, ghənə ə ndə̀mə̀ ə̀gho ə Pànapàs yî Sɔ̂l ətu, ə tomə fɨsə̂ ghənə nə ndu ə nə̂ èfɨ̂aʼ ətəyn.

Ətefɨ̂aʼ 19:6

Pɔ̂l ə ndəmə̀ ə̀gho ə ghənə tu, Zuʼse Ŋwaʼase ə pə̀ sê ghənə, ghənə ə zhə̀tə̀ sə̂ wâmnə̀ tewâmnè tə ndôtè ndɔ̀ʼɔ zaʼle, fɨnə ndaʼà kəpi tom ə̀ Fèzhə̀.

Ətefɨ̂aʼ 8:17

Pità yî Njɔyn ə ke ndə̀mə əgho ə ghənə tu, ghənə ə fiə Sèzuʼ se Ŋwaʼase.

Ətefɨ̂aʼ 9:12

mə è və fe ghɛghe ə telaynəlayn. Fumə ə telaynəlayn, e və fe wùə e tɔŋtə̂ nə Ànàniyàs è ve pə̀yn ndə̂m gho ə vəynghe ə vəyn atu, nə è və fɨnə fe tèluʼ.”

Ətefɨ̂aʼ 9:17

Ànàniyàs ə ndò ə ndùə njiə ndɛ zɛ ə Sɔ̂l tè nyi ətəyn ə ndə̀mə̀ ə̀gho ə vəyn atu ə pìə nə, “Ànyì vɨ̂mè Sɔ̂l, Pɛ̂pɛ è ngɨŋə̂ vəyn ə tom mi sê ghò, ə Njisə̀s è ngɨŋə̂ Vəyn vɛ ə È fə pfɨ̀ŋə̀ fɨ ə ghò əshi endom kə ò fe pə fâyn. È tom mi sê ghò nə ò kɛse fe tèluʼ ə ò lwiyn è Zuʼse Ŋwaʼase.”

1 Timotì 4:14

Kə ò lɛse fo zɛ ə Zuʼse Ŋwaʼase tè fo sê ghò za kə fɨ̀aʼtèsè wàmnè ghɛ kûmə̀ ghò, nɔ̂yn ə sechəʼ sə ndɛ̂ Fèzhə̀sè ə ndə̀mə̀ əgho ə ghò tu.

1 Timotì 5:22

Kə ò tə nəyn nə wùə ə nyi àtu mə ò ndəm əgho ə vəyn atu mə ò paʼà njì shîŋə̀kè se mɔ̀mə fe vəyn. Ə o nə̀yn nyiə mə, ə zə nyi kəpiə ò nə̀ ndò ghɛ əpi ghɛ ə è nə̀. Kə ò nə pfɨ ə pi.

2 Timotì 1:6

Kûmə̀ zɨ̂nə mə, m pɨ̂əytə̀ ghò nə ò kɛse tɨ̂msè èfo zɛ ə Zhə̀fè tè fo sê ghò kə m tè ndəm gho ghɨmə ə ghò tu.

Ipilù 6:2

nə ghɨ kyi se fi mmo, nə kyi sə̂ ndə̀mə̀ ə̀gho ə ghɨghə tu pɔsə̂ ghənə, nə ghɨ tə zômə̀, nə Zhə̀fè tə saʼa ə̀ghɨ ə kwùŋse ə mbi.