Ətefɨ̂aʼ 6:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Nâʼà ə̀ghɨ ə poməghe əkɨ̂m ə saŋnə àchûŋ kûmə̀ èghɛ nə zɨ̂nə̀ ə ghɨətom ə Njisə̀sghè pì, ə chɔʼɔ Shìtifɨ̀yn, ə nyi wùə mə è və ə fɛte pomə̂ sê Zhə̀fè, Zuʼse Ŋwaʼase e fɨnə chisə̂ vəyn, ə fɨnə chɔʼɔ Filìp, è Pòkolùs, è Nikanò, è Timòyn, è Pàmenàs, è Nìkolùs. Nìkolùs tè nyi wùə mə è ndò pə̂yn endaʼa Antyòkzè, è tè vachi wùə Njûs pîza kwîə kə pomə əghɨ̀ ə Njûszè tyə̀nə.

Ətefɨ̂aʼ 6:5 ပူးပေါင်းရင်းမြစ်များ

Matyò 23:15

Ngəʼ èghaʼâ nyì sê ghàyn ə tyə̀ynsè sə alàŋsè è ghɨ Falàsîə, ghàyn ghɨ kaŋkaŋa nə ghɨ̂yn! Ghàyn tyàŋà tènjwî tə fengwaŋte, kwîə ə tendâʼà ə tendâʼà kè se nə̀yn nə wùə èmɔ̀ʼ zɨ ə è chumte ghàyn. Mə shîŋə̀ kɛ ə è pomə ghàyn ə nə̀ vəyn è fiə ètsə̂fsè e tsɨ̂ə tsɛ̂ zayn shîŋə̀ tepɛ̀ se ndù elùʼ ewùs.

Ətefɨ̂aʼ 11:19

Ghɨə pomə ghɛ ə ghe tè sàŋne kûmə̀ ngəʼ zɛ ə è tè nyi kə tè zhwi Shìtifɨ̀yn, yîghe ə tə ndûə tâ endaʼ ə Fònisiyàzè, yîghe ə ndùə endaʼ ə Sàypulòszè, ghəmɔ̀ʼɔghe ndûə endaʼa Antyòkzè. Ghənə tè tsâ ndûə tom èchùŋ kè sê ghɨ Njûsə̀.

Ətefɨ̂aʼ 11:20

Pîza ghɨə pomə əmɔ̀ʼɔghe ə fɨə pə̂ endaʼ Sàypulòsè èndaʼa Silènzè ndûə kəpi ə Antyòk sè pɔŋɔ ndâʼà tom èchùŋ sê ghɨə Nglêkghè kûmə̀ Pɛ̂pɛ Njisə̀s.

Ətefɨ̂aʼ 11:22

Ghɨə ghɛ ə ghe tè nyi ə ndɛ ə Fèzhə̀ ə Njèlusalɛ̀m ə zɨə saʼghe kûmə̀ èghɛ nə zɨ̂yn ə tomə Pànapàs nə è ndu ə Antyòk.

Ətefɨ̂aʼ 11:24

Pànapàs vɛ ə tiynse fu tè nyì ke nâʼà wùə èchùŋ, fɛte kyi èpomə, mə è və lwiyn è Zuʼ se Ŋwaʼase. Ghɨghe ə pomə Fèzhə̀ kûmə̀ vəyn tsɨ̀ə kə nyi.

Ətefɨ̂aʼ 11:26

Ə̂ pə̀ kə è kyiŋ fe vəyn, è və njiə ndûə è vəyn ə Antyòk. È və ke ndam yî vəyn fu sə pîŋ èfɨ̀plè, ghənə əpɛ̀ e tsɨ̂yntə̀ yighə̀ ghɨ ndɛ ə̀ Fezhə̀ghe. Ghənə ə zaʼlə̂ ə̀ghɨ pomə fu ghe tsɨ̂ə kə nyi. Ə tè nyi Antyòk kə tè zhə̀te se tɔŋtə sechùmtè sə Njisə̀s sè nə əghɨ ə Klâysghè.

Ətefɨ̂aʼ 11:27

Ə̀ tè nyi kepî ə mtuʼ nə mɛ, fɨ̀aʼtè shîse ə ndò ə Njèlusalɛ̀m ə tso ə Antyòk.

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Ətefɨ̂aʼ 15:22

Ghɨətom ə Njisə̀sghè è ghɨ chisəghe ə ndɛ ə̀ Fèzhə̀ghè, paʼsə̂ è əghɨə poməghe əkɨ̂m, ə saynə̂ se chɔʼ əghɨ yîghe ə ghənə əfètəyn se tom ə Antyòk yighə̀ Pɔ̂l è Pànapàs. Ghənə ə chɔʼɔ ə̀ ndômnè ə̀pɛ̀ ghɛ ə ghənə tè kyi kɔʼsêzè nâʼà sə ŋaŋ əghɨə poməghe əshi. Ə chɔʼɔ Njondàs mə tɔŋtə̂ vəyn nə Pasappàs è Silàs.

Ətefɨ̂aʼ 2:4

Zuʼse Ŋwaʼase ə pə̀ njiə ə nâʼà piə ndè əfètəyn fu ə nə̀, ghənə zhə̀tə̀ sè wàmnə̀ ə tewâmnè tə tendaʼ tə ndôtè. Ə̀ tè nyi Sezuʼ sɛ ə se tè nəyn nə ghənə ə wâmnə̀ ə̀ghɛ ghɛ ə ghənə tè wàmnə̀.

Ətefɨ̂aʼ 21:8

Ə fetuʼ fe komtəfe, ghàs ə ndò ə ndùə fɨə ə Kàisalyà ə ndùə njiə ə wùə vîvè ə ndɛ kə è tè tsâ tom èchùŋ ə Fèzhə̀, zə vəynze e nyi Filìp, ə̀ nyi wùə èmɔ̀ʼ ə fètə̂ ghɨ̀ ə̀ sɛ̀mbɛ ghɛ ə tè chɔʼte nə ə nyi ə̀ghɨ tsamtəghe ə Njèlusalɛ̀m.

Ətefɨ̂aʼ 22:20

Ə̀ tè nyi kə ə zhwi Shìtifɨ̀yn kə̂ è tè tyəm kə tsɛ̀ èsaʼ nâʼà mi è ngɨŋ zɨ̂mè tè nyîə nyi fumə, pîə nə ə zhwi vəyn.›

Ətefɨ̂aʼ 6:10

Ghənə ə saʼnə̂ ə̀ghɛ yighə̀ Shìtifɨ̀yn ə tânə̀ andiŋ kyîke sè fɨyn kyi va ghɛze se pì kûmə̀ nə Shìtifɨ̀yn tè wàmnə̀ è tɔf eghaʼâzè, mə ə̀ fo Sèzuʼse Ŋwaʼase.

Ətefɨ̂aʼ 6:3

Ghàs piə sê ghàyn ə ghɔnyìə ghasə nə, ghàyn chɔʼ ghɨghe əsɛ̀mbɛ̂ ə ghayn əfètəyn, ghɛ ə ghe kyi ndam èchùŋ, è tɔf eghaʼâzè è Zuʼse Ŋwaʼase e fɨnə chisə̂ ghənə kə ghàs fo fɨ̂aʼ zɨ̂nə̀ sê ghənə.

Ətefɨ̂aʼ 6:8

Shìtifɨ̀yn tè nyi wùə mə Zhə̀fè ə pɔsê vəyn nâʼà àchûŋ, ə fɨnə fo àtyaʼ sê vəyn nə è və nə̂ ə̀ghɛ əkayntə əfètə̂ ə̀ghɨ̀, ghe tyə̂nə̀ àtyaʼ ə Fezhə̀kè.

Ətefɨ̂aʼ 7:1

Wùə èkɔʼsə nə èshyə̀ è ngaŋtə kwəynə ə pfɨfə sê Shìtifɨ̀yn nə, “Ghɛ ghɨ̀yn ə pîə kûmə̀ ghò nyì səmɔʼ ə?”

Etyə̂yn ə paynsêzè 2:15

Ò nyiə kyi kepî ə̀ghɨ mɔ̀ʼɔ ghe chûmtə̀ èzaʼlê ə Nikolatàynzè.

Etyə̂yn ə paynsêzè 2:6

Ghɛ echûŋ zɛ ə o nə̀yn nyi nə o pànə̀ èghɛ zɛ ə Nikòlatàynsè nə̀, m pɔŋɔ pânə̀.